رجعنا للحاضر:
چنى لفيروز: كفاية عليكي كده علشان ده معاد الدواء بتاعك
فيروز بتذكر: انتي لحقتي تخلصي الحكاية
چنى بضحك:لسة في باقي كل الحكايات ملهاش نهاية غير لما يموت اللي عارف القصة بس ده معاد الدواء بتاعك وكمان انا لازم اروح علشان اتأخرت
فيروز بمكر: هو قالك تروحي؟ لا لو هيبتديها تحكم من الاول فبلاها احسن
چنى بعدم فهم: هو مين اصلا؟
فيروز بغمزه: ال يعني انتي متعرفيش بتكلم عن مين
چنى بضحك: لا مش عارفة بتتكلمي عن مين
فيروز : طب ياست چنى هعتبر انك مش عارفة انا بتكلم عن مين انا بتكلم عن ادم
چنى اول اما سمعت اسمه تغيرت ملامح وشها اتغيرت واطلقت زفير وقالت: والله يا فيروز انا مش عارفة اخد قرار انا حاسة اني لسة مش مؤهلة اني اخد خطوة زي دي ومش عايزة اظلمه معايا وكمان حاسة أنه بيعمل كده رد الجميل
فيروز بحنان: بصي يابنتي انتي في مقام حفيدتي وربنا وحده يعلم اني بحبك اكتر من ولادي واحفادي اللي ناسيني وراميني هنا انا هنصحك نصيحة امشي ورا قلبك ومتخافيش من اللي هيحصل لإنك لو خوفتي مفيش اي حاجة هتتغير ولما يعدي الوقت هتقولي ياريت اللي جرا ما كان ادهم كويس وشاريكي ومستحيل النظرة واللمعه اللي في عينه دي اللي بتظهر اول لما يبصلك دي تبقى كدب وسيبك من أن عيونه فضحاه الاهتمام، الاهتمام اللي بيهتمه بيكي ده ايه ها
چنى بحيرة: ما ماممكن يكون بيعمل كده مع كل الناس عادي يعني وبعدين بدأت تتهته: بب بصي يا فيروز سيبك من الموضوع ده دلوقتي علشان انا مش عارفة هعمل ايه ومجرد التفكير بيوترني.
فيروز بضحك ونظرة حب: ربنا يصلح حالك يابنتي وينورلك بصيرتك ويعينك على دماغك اللي هتوديكي في داهية دي
چنى بضحك: طب شكرا ياستي وبعدين بطلي لف ودوران انا عارفة انك مش عايزة تاخدي الجلسة بطلي لماضة يا فيروزه .
فيروز بضحك: ياباااي عليكي هو انتي محدش يعرف يسلك معاكي ابدا .
چنى بغرور مصطنع: لا محدش يعرف
بعد مده كانت فيروز على جهاز الغسيل الكلوي وچنى كانت بتوصي الممرضين عليها، وبعد مرور أربع ساعات خرجت فيروز من جلستها وسألت على چنى وقالولها أن چنى مشيت ، فيروز كانت زعلانه أن چنى مشيت وسابتها من غير متسلم عليها ودي اول مره چنى تعملها ، طلعت فيروز غرفتها واتفاجئت بإن چنى قاعده في اوضة فيروز مستنياها .
فيروز بفرحة: ايه انتي ممشتيش؟
ردت چنى بإبتسامه حنونه: وانا من امتى بمشي من غير ما اسلم عليكي؟
بعد مده كان الممرضين ساعدوا فيروز على تغيير ملابسها وفضلت فيروز قاعده مع چنى وكانت مبسوطه وكالعادة چنى حكت لفيروز قصة صغيرة لحد ما فيروز راحت في النوم ومشيت چنى .
____________________________________
چنى رجعت البيت اول اما دخلت
چنى : السلام عليكم
العيلة: وعليكم السلام
الام: ايه يا حبيبة امك اتأخرتي كده ليه
چنى وهى تجلس بتعب: الشغل بقا هعمل ايه .
الام: طب يا حبيبتي انا هقوم احطلك تأكلي
جهزت الام السفرة وكانت بدلت چنى ملابسها وجلست مع عائلتها على السفرة وبدأوا في الاكل وكان جو عائلي ملئ بالبهجة ولكن كان بداخل كل فرد من أفراد هذه الأسرة حزن شديد وجرح لم يشفى مع مرور الزمان ولكنهم يأبون في إظهاره .
بعد انتهاء الطعام
الام: چنى انا عايزة اتكلم معاكي
چنى : حاضر يا ماما اتفضلي
جلست الام مع چنى في شرفة المنزل
الام: قوليلي بقا مفييش حاجة كده ولا كده
چنى بعد فهم: حاجة ايه
الام وهى تطلق زفير بضيق من ابنتها: من الآخر كده هتعملي ايه في حوار ادهم
چنى بحزن: ماما انا مش عايزة اتكلم في الموضوع ده
الام بعصبية: لا ما الواد مش لعبة في أيدينا لازم تعرفي هتعملي ايه يا اه يا لا وخرجت الام وسابت چنى شارحة في أفكارها تركتها امها وهى تعلم أن عقل ابنتها لايتوقف عن التفكير وچنى تكره عقلها وتعتقد أنه سيكون سبب موتها ، دخل الاب لابنته
الاب بحزن على حال ابنته فهو يعلم ما بداخل ابنته فهو أقرب شخص لها في هذه الحياة: ايه يا بلوتي مالك
ابتسمت چنى لإنها تحب هذا الاسم وقالت: مفيش حاجة يا هنونتي انا تمام
الاب بمحاولة لتهدئة الوضع: ال يعني انا مش عارفك ولا عارف امك بصي انا هقولك على حاجة امك معاها حق بس بردو انا عارف انك لحد دلوقتي مش متقبلة الوضع بس لازم الحياة تكمل
چنى وابتدت دموعها تنزل: انا حياتي وقفت في اليوم ده يابابا ومش قادرة انا حاولت في الثانوية اكمل علشانها بس مش هقدر اعمل كده تاني
الاب بحزن على ابنته وفي محاولة لتهدئتها: هو اه انا ضد فكره انك تتخطبي وتتجوزي والحاجات دي بس هعمل ايه امك المفترية دي طلامه حطت حاجة في دماغها يبقى هتعملها
ضحكت چنى وأخذها والدها في أحضانها
_______________________________
Stop 🛑
أنت تقرأ
جدتي العزيزة🤍🕊️
Romanceكانت الحياة وردية خالية من المشاكل وفجأة تغير كل هذا الي سواد لا يوجد حتى ولو ضوء صغير ينير الطريق
