دلال قلبي ❤️(قصة بالدارجة المغربية)

الفصل الخامس "فرح بنكهة عزاء"

"احيانا نضطر لاختيار مايقسو علينا لانه هو الاختيار الاصح "
دلال لي تعصبات ولاكن بصدمة مقدراتش تقول شي حاجة مفاهماش شنو واقع بصح كاملين كيف ما كانت حياتك زوينة و وردية كيجي داك نهار لي كيتقلب فيه كلشي هادي هي سنة الحياة مرة ضحكك و مرة تبكيك و هنا حلاوتها معلينا بلا فلسفة رجعو نشوفو بطلتنا اش من قرار خدات ههه
دلال عينيها فعينين مروان : مروان غندمك والله
مروان : دبا نشوفو شكون غيندم لاخر هه
دلال (بتحدي ) : حتى حتى انا موافقة اجدي
سالم : الله مشكل وحليناه على سلامتنا اول مرة تصرفي بعقلك و الحب راه ديما كيجي بعد زواج تيقو بيا كاين هاد الكلام ايامنة الحبيبة
يامنة : ههههه لا تفكرني الحاج
كنزة جرات دلال لجردة : دلال دلال واش متأكدة ها عنداك
دلال : متأكدة اكنزو ههه غير تهناي اصلا شنو باقي غيصرى خيب من لي وقع
كنزة (عنقاتها) : متقوليش هكدا بيني وبينك جيتو و زوينين حسن من داك امين
دلال لي دفعاتها بضحك : نتي نتي شي نهار تقتليني بالفقصة فين هي ماما
كنزة : ههههههههه كترضع الياس لفوق
طلعات دلال كتجري طرقات الباب
زوبيدة: دلال بنتي واش متأكدة عارفاك غلطتي و لاكن هادي خطوة صعيبة
دلال هزات خوها الياس كتلعب معاه : الا قلت لا غتقبلو
زوبيدة ؛ مكنضنش
دلال : ههههههه اوا راه مكاين حل ، مديريش فبالك تانا غنمشي للخدمة دبا بسلامة
نزلات حتى وقفها جدها
سالم : كبيدة دلالي
دلال : احم كيف طرا
سالم : دبا عارفة شنو غاتقول للصحافة
دلال : خلاص اجدي طيبتوني اوف
انيس : لعروسة طلع ليها دم هههههه
دلال : ماعروساش ماعروساش تبعني و الله حتى غتسقط هاد العام
انيس (لي ضرب فالطابلة بصبعو) : الله ينجيني بسم الله عليا
دلال خرجات بلاما تسوق ركبات سيارتها باتجاه الشركة يلاه جات تدخل حتى تعرمو عليها بزاااف ديال الصحافة
دلال دلال واش تقدري تفسري الاخبار
أنسة شنو علاقتك بمروان واش
....
هي هي لي مقدرتش تجاوب كتحس بالدوخة مكيتسمع ليها والو الضجيج و اصوات الكاميرات هوما لي ممسوقينش ليها
زينب : موسيو مروان
مروان : وي شنو
زينب : بصراحة دلال برا مجموعة عليها الصحافة بزاف
مروان : خليها حتى انا تجمعو عليا راه غتجاوب و تدخل
زينب : عاونها
مروان ؛ نتي هي السيكريتير ديالها أنا مالي ههههههه
زينب : شوف عافاك تبقا بيناتنا ولاكن دلال عندها فوبيا من هاد التخربيق كان ديما كيعاونها صديقها امين قبل ما يتزوج مكتقدرش كتولي فحال....
مخلاهاش تكمل خرج لقا دلال دايرة يديها على ودنيها و مصدومة فيهم مقالت حتى كلمة و الصحافة مزادو فالاسئلة عنقها من اللور
مروان ؛ حبيبة دخلي نتي راك عيانة أنا نجاوبهم (غمز زينب باش دخلها) احم راه وضحت الامور دلال خطيبتي و قريب غنتزوجو و هادوك لي طلعو فالاخبار اصدقاء ديالنا لا غي الاخبار كاملين كدوب و شكرا ليكم اه و الكنية ديالنا راه عمرها كتبدل .
دخل و خلاهم مبانتش ليه دلال دخل المكتب بدا كيرجع الصفقات لي ضيع بشوية بشوية
هي لي بعد ما تهدنات ايضا رجعات بزااف ديال الصفقات و من بعدما نشرو الخبر د الخطوبة زادو تعرفو الشيء لي خلا السمعة ترجع و بزااف والشركات عقدات معاهم دازت اسبوعين و لاهو كيشوفها ولاهي كتلاقاه مع الخدمة كتيرة حتى الماكلة مكتجمعهمش الحاج و الأمهات و كلشي مفتاخر بيهم
جالسة فبيتها دايرة ماسك و كتسنط الموسيقى
هو لي جالس فبيتو ايضا فديه الهاتف ديالو كيشوف فصورة ديال صاحبو و حبيبتو لي غدروه بلوكا نماريهم و لاكن باقي كيحس بالشمتة كيفكر و يعاود طفا الهاتف و ناض
دق دق
دلال: دخل
مروان : 😳مالكي بسم الله الرحمن الرحيم
دلال: شفتي جن دايرة غا ماسك شفتك من نهار وافقتي و نتا غابر مباغيش تناقش مع عروستك المستقبل ديالنا غدا عقد الزواج ههه
مروان ؛ بلا طنز ادلال هادشي لمصلحة جدي و
دلال : عنداك يحسابليك راسك حقاش هددتيني غنحني الرأس زواجنا غيكون شكلي لا غير نتا عيش حياتك و انا نعيش حياتي
مروان : 😂ضحكتيني واش يسحابك أنا مشتاق ليك ههههه
دلال : و انا عرفت نخاف عليك لا تطيح شي طيحة خايبة (غمزاتو )
مروان ؛ نزلي تكلمي لغدا واجد ، ههه انا راه مشيطش عليا قلبي باش تدخلي ليه و نتي اصلا ماشي دوقي غي تهناي (غمزها و خرج)
هي لي بغات تموت مرضاتش كتبغي تصغر منو كيصدق هو لي قامعها نزلات بعدما حيدات الماسك و جلسات على الطاولة
يامنة ؛ بنتي كيف بغيتي عرسك يكون
دلال : احم ش شنو
زوبيدة : زعما العرس العرس فهمتي
دلال : شرط واحد لي عندي فهاد الزواج هو منديرش العرس
مروان : رايك يحترم هههههههههههه
دلال : تهجرو
سالم ؛ دلااااال
دلال : احبيبة تهجرو احبيبة هه
انيس : زاهية مطايفات 😂
خالد : شششش تاني صافي صافي كولو مبغيتيش لعرس مغيكونش غير تهناي
سالم : معاه الحق ابنتي غير خاص شي تصاور غدا على قبل الصحافة
دلال : اوووف مليييت كل دقيقة واقفين كيسولو واش معندهمش شغل كيخنقو الانسان
سالم : اوا ابنتي هكا الحياة معليش معليش
مروان لي تفكر شنو قالت ليه زينب بلي مكتقدرش بقا ساهي فيها و كيفكر
دلال : كولني حسن
سالم : مالك ابنتي
دلال : ههه لا لا والو اجدي
داز اليوم بلمح البصر ونهار جديد
واقفة بقفطان بيض مرصع باحجار بالازرق الملكي مكياج هادئ مشيطة خفيفة
كنزة : يختي و طاح عليك سر ههههه
دلال : حيدي عليا اكنزو حتى نتي هههه
كنزة : ليوم يدوخ
دلال : غيزمر حيدي عليا
هو لي كان لابس شوميز وسروال بالاسود كرافاط سوداء و حداء اسود
الله يوليدي مالك ميت ليك شي حد
مروان : أنا نيت الواليدة ههههه
برا و الباس عليك حشومة لبس شوميز بيضة عالاقل
مروان: لي معجبو الحال شوقو هاداك
كلشي فالتحت ناس قلال النساء متزينين لاحلى معندهم و الرجال كذالك خاصة غير هي و هوب صوت كعب عالي خلا الاصوات تنقص تدريجيا صوت الصلاة و السلام بدل كيتعالا وهي هابطة بشوية كلشي كيشوف فجمالها الهادئ هو لي حط عينيه عليها مبقا حيدهم ناض لجيهتها شد فيديها و جلسو بجوج
دلال بهمس : شكون مات مالك على الكحل غتشوهني
مروان : أنا انا لي مت ملي غنتزوجك سعداتك بعدا ناشطة و لابسة البيض و لقفطان ههه
دلال (باستهزاء) : فاش كنتي فاوروبا مقالوش ليك بلي فاش كيموت راجل المرا كتلبس عليه البيض و لبستو قفطان حقاش من شحال و انا كنتسنا موتو هههههههه
مروان بعصبية : باز تموتي نيت نتي
العدول : ولدي نبداو الاجراآت