ملاذ روح

البارت الاول♡.

#مقدمه.

وإنِّيَ لمْ أخفْ عيشي وحيدًا
‏ولكنْ خفتُ مِن موتي غريباً

‏فلا ألقى الخليلَ لِحَملِ نعشي
‏ولا ألقى على قبري حبيباً.

___♡____♡____♡____♡____♡____♡___♡
بهتان بعد بهتان، حتى اختفت الالوان،مزيج من الابيض والاسود،انسان رمادي فارغ داخله، رماد يتطاير دون يلحظه احد ،يعتريني الشعور بالقلق، بالالم، بالحزن، بالخوف،مزيج من الافكار السلبيه،لا ارى غيرها،كانت تمرر يدها الباردتين على قلبي لتدفئني
أكانت تدفئني ام من فرط حبي التمس الدفئ من بردها ؟
أكانت حقيقيه ام من فرط حبي رسمتها بجانبي؟
أم رسمت نفسي ملونآ جانبها ؟
أأصبحت ملاذ روحها أم هي أصبحت ملاذي؟

《#ملاذ _الروح》

..◇...............◇...............◇..............◇..
البطله شمس ...

شمس :بابا ليش سميتني شمس ما احبه اضوج منه

جنت ما أحب اسمي ومن سئلت بابا ليش سميتني هل اسم كال ...

ابو شمس : اول يوم اجيتي للدنيه امج جابتج بعد معاناة متقبلين تجين للدنيا وامج انشلع كلبها بيج اجيت اريد اشوف بنتي لعنوديه الي نورة دنيتنا شلتج وجان اكو ضوه شمس داخلة من لشباك مالت الغرفه صاير عليج ووجهج بقه ينطي الوان ذهبيه شعرج وحواجبج واني اول ما شفتج اجه الاسم بعقلي جنه ممفكرين باسمج بس شكلج قرر اسمج ..

شمس: يا بابه فدوة حبيت♡

صراحة بعد ما بابا حجالي شلو سماني بقيت اعشق اسمي اني طالبه تخدير سنه اولى عمري ٢٠

وعائلتي متكونه من بابا وماما و٣ اخوان واخت وحدة

☆☆☆☆☆☆☆☆☆☆☆☆☆☆☆☆☆☆

ام شمس: لج شموسه شموسه اكعدي ولج هاي رابع مرة اصعدلج واكعدج مو حته رجليه صارن خيوط .

شمس: هاا ماما تعبانه

ام شمس:اكعدي ولا تتنعوصين شو باله راح انزل ويا ويلج اذا مكعدتي وكعدي اختج وياج .

شمس: تمام ماما كمت نهضت من فراشي وبوجهي للحمام غسلت ورحت بدلت

ليوم اول يوم اداوم بيه رحت كرصة اختي من خشمها حيل وخليته طير من الفراش بقت تصيح عفته وطلعت نزلت لكيت ماما محضرة لريوك وبابا كاعد يتريك واخويه ايهم و علي كاعدين يمهم ومبدلين يروحون للمدرسه ..

ام شمس: يله ولج اكعدي اكلي

شمس: والله ماا مشتهيه عود من اجوع اكل كرواسون

ايهم: يمه عوفيها بقت تتفيك عود شوفوني نازكه

علي: هههه لج شموسه اجاج ابو الخط

شمس : يله باي رايحه

ابو شمس: هاج بابا هاذة مصروفج

شمس : اخذت المصرف من بابا وبسته وبست ماما
جاي اطلع ليش ما سمعت صوت قمر وتكول..