ملاذ روح

البارت الثامن ♡.

عود آني حالف ما أحب
بس أنتَ أجيت بدربي
لزمة حمامة بچف طفل بالگوة لازم گلبي !

《رماد》

☆☆☆☆☆☆☆☆☆☆☆☆☆☆☆☆☆☆

سما: نتراهن

شمس: تمام نتراهن واذا يجي مو معناها هوة يحيبني يجوز عباله اني مثل هذني لبنات لينضحك عليهن ويريد يقشمرني بالنسبه الية ما اثق بجنس آدم

سما: لا حبيبتي ما مبين هوة مثل هذولة لشباب الي يلعبون بمشاعر لبنات

شمس: كاعد نسولف اني وسما واسمع واحد صاحني بأسمي
درت وجهي لكيته ابن خالي عباس اجة يمنه وكال

عباس: ولج عبالي شبهت عليج اداومين هنا

شمس: اي وانته بأي كليه

عباس : اول شي خلي اسلم شلونج انتي اهلج شلونهم

شمس: الحمد لله وانته شلونك

عباس: بخير والله تعالي ويايه انتي وصديقتج وقت غدة علمود نتغدة

شمس : لا شكرا غير مرة

عباس : والله ما عرفتج شمس انتي تستحين ؟

شمس: هههه لا ما استحي

عباس : لعد تعالي ويايه عيب عليج تردين صديق طفولتج

شمس: تمام
مشينه وبالطريق عباس يسولف

عباس : اني كلية قانون صايرة شويه بعيدة عن كليتكم بس نبقه نفس لجامعه

شمس: يعني حققت حلمك ورحت قانون

عباس : اكيد اني عباس محد يكدرلي وانتي رحتي كلية تخدير هم حققتي حلمج

شمس : اي اكيد اني شموسه محد يكدرلي هههه

عباس : بغبغاء لا تقلدين حجيي من يوم يومج تقلديني

شمس: اي مو نفس لخبال والوكاحة .

عباس : هههه اي يلهة اكعدن خلي اطلب لمنيو واجي.

شمس: سما شبيج نلصمتي .

سما: شحجي قابل استحيت احجي وهوة ما شاء الله لسانه شطوله بس هوة جنه شوكلاتا اسبانيه وين جنتي ضامته عليه اوففف ربي يومية اشوف حلو مو صار عندي سكر.

شمس: ههههه اي طلعي لسانج عبالي صار بيج شي هوة عباس هاذة طبعه يحب يحجي ويختلط ويه لعالم ومرح وحلو علة كولتج ما ضامته بس ما جنت ادري بي هنا يداوم .
اجه عباس وانطانه لمنيو وكال

عباس: شتريدن اطلبن لتستحن بس شمس ما عرفتيني علة لبيست مالتج.

شمس : ها صدوك هاي سما بنفس لقسم ويايه ولبيست لوحيد لعندي تعرفني ما احب لاصدقاء بس سما تختلف عنهم كولهم .
عباس مد ايدة وكال..

عباس: تشرفت بيج اني عباس .

سما : لشرف اليه واني سما.

شمس: بقو يسولفون سما وعباس نسجمو سوة واني لازمة لمبايل منتضرة اتصال علة الاقل من بابر ماكو
بعدين طفة شحن لمبايل وخليته بالجنطه اصلا هوة
عليمن ضجت اني تخبلت لو يريد يشوفني جان اجة
قاطع تفكيري صوت عباس وهوة يكول .