ملاذ روح

البارت الرابع ♡.

"لأن عينيك احتضنت جروحي بلطفٍ
سأعيش عُمرًا كاملًا
دون أن أنجرح مرة أخرى."

☆☆☆☆☆☆☆☆☆☆☆☆☆☆☆☆☆☆

بابر : كعدت اشتغل مر الوقت وانتبهت علة شمس نامت دك مبايلي طلعت من الغرفه وحجيت الو ها عمي وصلتو

ابو شمس : اي احنه باب لمركز

بابر : تمام عمي هسة اجيبلك شمس
دخلت كعدت شمس اصيحلها متسمعني لزمته شو هاي كبل فزت وصاحت وخر عني

شمس: نمت فزيت علة واحد لزمني كبل صيحت
لكيت بابر كبالي
- يربي
اسفه ممتقصدة عبالي غير واحد

بابر : لا عادي ابوج اجه كومي حته نطلعله باب المركز

شمس : تمام كمت طلع يمشي واني امشي وراه لازمته من بدلته من ضهرة

بابر : طلعنه نمشي شو هاي بعدهي خايفه جنها طفلة مجلبه بيه مثل الطفل من يجلب بعباية امه

وصلنه بابا لمركز وشفت رجال بس شفناه بعد ما لكيت شمس ركضت بحضن ابوها وتبجي

شمس : شفت بابا ركضت عليه مثل الطفله الضايعه ولكت ابوها وبجيت كل قوتي

ابو شمس : كافي بنتي عدت عدت علة خير
مشكور مقدم بابر لو ما انته ماعرف شسوي

شمس : ابتعدت عن بابا وكفت يمة

بابر : لاعمي هاذة واجبنه
جاي احجي وطلع ضرغام

ابو شمس : ماعرف شلون اشكركم علة موقفكم هاذة انشالله اكدر اردها ااكم انتم ماتعرفون شسويتوا نقذتوا روحي ودنيتي وحياتي من اولاد الحرام ربي يحفضكم

ضرغام : ولو عمي هاذة واجبنه وبابر معدل هوة لنقذها

بابر: ولو عمي ابو شمس هاذة عرضي وما اسمح لاحد يمسهن بكلمه شلون اذا رادو يأذونهن

ابو شمس : مشكورين وليداتي
عطلتكم عن عملكم مقدم بابر اخذ راحتك وليدي

بابر : الله وياك عمي

شمس: بقيت اباوع عليه شلون يحجي ويه بابا بأسلوب حلو اباوعلة وانزل عيوني لحد ما صعدنه بالسيارة ومشينه....

بابر : صعدو وراحو بقيت صافن احس واحد نترني بجتفي

ضرغام : دير بالك علة سفينتك رمودي لا تغرك ومحد يسمي عليها

بابر(بخزرة) : انلصم وادخل جوة شوف شغلك
دخلت بغرفتي خلصت شغلي ردت اروح للبيت رحت لمكان شمس رحت علة لقنفه لنامت عليها لكيت سوار بي شذر سود ونازلة منه مداليه علة شكل شمس ذهبيه اخذته وطلعت رحت للبيت سبحت ونمت..

شمس : بعد ما وصلنهة للبيت امي اول شي رزلتني وبعدين شبكتني وبجت كوتلها ما بيه شي لضابط نقذني

ام شمس : يمه لو ما جاي جان شصار بيج

ابو شمس : ام ادهم كافي بعد ربج دزلها هاذة لولد نقذ حياتها كافي سدو لموضوع وما اريدة ينفتح وهمه راح ياخذون جزائهم