6:55
"وٌهّـنِ"
ضًـعٌفُـ هّـﺰيِّلَ مًرضً بًبًعٌضً أّلَأّحًيِّأّنِ
يتكرر سؤال هواي ناس شنو اسمك شنو معناه اسمك غريب، تدري انك اسماً على مسمى، وهواي وهواي لكن ان يكون اسمك" وٌهّـنِ "غريب والاغرب انك تكون مثله
وسط قوقعة هزال، بقعه من الوهن، ملامحه، نحالة بنيته،بندقيته چانت تناظر بصمت گدام مرايته،ونفس كل مرة يتنهد وهوة يشوف أن كلشي بيه چان وهّنِ
زفر أنفاسه مخربط خصلات شعره منزلهن على ملامح عيونه ألي چان الحمار متخذ من جفن عينه موقع اله لعدم قدرته على النوم
رصيص الباب اللي انفتح موضح ملامح شخص چان شبه چبير بعمر الاربعين وچان الشبه بينهم متخذ فقط من بندقياتهم اللي چانت متشابهة لدرجة چبيرة أبتسم الاكبر حاجي بكل لطف وهوة يتقرب من أبنه" صباح الخير أبني الحمدلله جهزت نفسك روح صحي اخوك زيد خلي يبدل لايأخرنه "
حجه وهوة يربت على شعر أبنه بعدها باس خده وكمل"رايح اشوف اختك جوة تمام حبيبي"حجه وهوة طالع من الغرفة
أومى الثاني براسه بعدها توجه للمكتب ألي جان بجانب الچرباية ماخذ جنطة گتبه حاملها بأيده متوجه للغرفة أللي چانت بچانب غرفته
فتح باب غرفة الثاني الفوضية وطاحت أنظاره على أخوه اللي چان نايم بشكل مبعثر وبطريقة مؤلمة بحيث چان نايم على بطنه وچانت احد رجليه طالعه من جوانب الچرباية بينما أيده چانت بجهة ثانيه
تنهد بقوة وحجه محاول يكعد الثاني" زيد أكعد"كرر عدة مرات محاول يصحي الثاني اللي ما حرك ساكن لذا تقرب من الچرباية بعدها خله ايده يهز الثاني بخفة ويحجي "بابا يگول لانتأخر على المدرسة أكعد"
حجه مخلي زيد يتأفئف ويحجي بأنزعاج "روح من خلقتي و گل لأبوك هسه انزل يلا، وممنوع تدخل غرفتي بعد " حجه بجفاف بعدها كمل بحدة للثاني اللي تعود على جفاف زيد وطربقة كلامه لدرجه ماگام يحس بالانزعاج من كره الثاني الغير مبرر أله
طلع من غرفة أخوه بصمت نازل من الدرج اول ما نزل طاحت عيونه على أبوه أللي چان ينقل الچاي للطاولة لسخونته ماكدر يخلي رنا تشيله خوفا عليها من أنه سخونته تأذي أيده بشكل من الاشكال بعدهت ناظر لرنا اللي چانت تخلي الزيتون والجبن
هذا حالهم من وفاة أمهم من 3سنين
تقرب على أحد الكراسي وكعد وحجه"صباح الخير "ابتسمت رنا أول ما شافت وٌهّنِ فتقربت منه بايسه خده وحجة" صباحك خير يبعد عيوني انت"
أنت تقرأ
وٌسِطِ هّزٍآلَ
General Fictionإِنَ المَفاتِنَ فِي عَينيكَ مُخمَرةٌ مِن نَظرةٍ مِنكَ يَغدُ المَرءُ سَكرَانَا .
