وٌسِطِ هّزٍآلَ

وٌسِطِ هّزٍآلَ 3

أول ما فات وعرف نفسه طاحت عيونه على اللي چان يباوع عليه بهدوء ولمن غرق بلونهن تحمحم وحجه بينما عيونه بقت تراقب سكون الثاني  وما انزاحت عنه ولو لثانيه وحده لحد ما گال"دام تعرفتو علي وانا باقي وياكم بس هل كورس لذا انتبهو وياي وماريد اي اهمال اذا تشوفوني اليوم اضحك وياكم باجر تلكوني بشكل ثاني وهسه يلا عرفوني عنكم "

حچه وهوة مبتسم بعدها دار عيونه للي چان يلعب بصفحات كتابه مو مهتم للي چان يصير داخل الصف  فتنهد  كاعد على كرسيه بادي الطلاب يسولفون ويعرفون عن نفسهم ومع مشاركة سيف ورافد  عقد حواجبه لمن شاف سكونه مازال مستمر لذا گام من كرسيه وحجه مخاطب سيف"والي يمك شوكت يشاركنه "

حچه قاصد وٌهّنِ االي للان مو منتبه لحد ما نكزه سيف مخليه يرفع عيونه الباهته بعيون الثاني الي مثل الفحم فدار على سيف محرك شكله بمعنى شكو ولمن شاف آصف حركته ابتسم و حجه "اسمك بقيت بس انت ما عرفناك بوية"

حجه وهوة يباوع بعيون وٌهّنِ ولوهلة حس  أن عيونه تكدر تاخذك لاعمق نقطة بس بنظر وحده من عيونه وما زاحهن لحد ما حجه بصوت هادء "وٌهّنِ عصام"

حجه  وٌهّنِ  معرف نفسه للي ابتسم أول ما طخ الاسم براسه حاجي بينما يرجع  يوكف مقابيل الطلاب"هاي هيه يلا احد منكم يگلي وين وصلتو ولحد يا موضوع "

حجه مخاطب الطلاب بينما يتردد براسه أسم  وٌهّنِ  وغرابة الاسم اللي يحمله  وٌهّنِ شكله الباهت وعيونه الي مختفيه لمعتهن ومع ذالك چانت عيونه كفيلة ان تسيطر على نفوس الثاني

بعد ما جاوبوه على سؤاله كعد وحجه"اليوم ماكو دراسه باجر ابدي وياكم وها  اسمعو لغوة مثل الابتدائيه ماريد حركات المزعطه تبطلوها هل كاعد اشوفكم كبار وكل واحد بطولي ف لا تخالفون   والي يخالف نظامي يحجز للسنة الجاية ينتظرني لحد ما اروح "حجه بحده مخلي الطلاب تتأففف والبعض منهم يخاف

ما چانو صغار حتى يجابوه بيي ولا بالعكس چانو كبار طلاب خامس اعدادي لكن بيهم نسبة قليلة من الطلاب اللي چانو ناعمين او بالاحرى قصار القامه  والبعض منهم عمرهم كان بحدود ال20 بسبب سنوات الرسوب ومنهم من كان صغير

طول الدرس چان كاعد مقابيل الطلاب يشوف اللي يشمر ورق على صديقه واللي يتشاقه وياه بعد ما أذن الهم انهم يحجون حولو الدرس الى سوق عامي ولا گانهم كبار بينما رافد وسيف چانو يتعاركون بخفة ولاحظهم  بعد ما شاف عبوس سيف وشلون يضرب بالثاني بشكل خفيف حتى ما يجذب نظر ابتسم وهوة يشوفهم متمحورين بجلستهم و وٌهّنِ بالنص يباوع بصفحات كتابه وهوة عاقد حواجبه من تصرفات اصدقائه انتابه الفضول عن سكون الثاني اللي من بداية الدرس چان ساكن وما يطلع اله صوته وكأنه تخلى عن الحجي  واتخذ الصمت مهرب اله من حياته