حًدهًمٌ يِحًآولّ آهًدآئيِ آلّسعآدة ولّآ يِعلّمٌ بـُ آنهً آجُمٌلّ هًدآيِآ آلّقدر ..
♕ ----------------------------- ♕
ايفين:-كعدت علا بوسات متفرقه علا وجهي ونفس حار علا وجهي مرتاحه للوضع شويه اله فتحت عيوني لكيت ليث يبوس بوجي وانه بحضنه
ليث:-هاا بنوتي شنو ماتكدين لساعه بلعشره بليل كومي خل نطلع نتعشه بره اكو مطعم جديد مفتح وهم نتونس ضوجه
ايفين:-صح مصدومه من تصرفاته ليوم بس كيفت من كال نطلع من اجيت لحسه بس من راد نخطبله وبيت احمد وحنه من لغده كتله وين اكو اماكن حلوه بلناصريه
ليث:-ليندل بلناصريه ويفتر بيه يلكه اماكن حلوه يتونس بيه وبعدين تكومين لو اغر رايي واخليج تسوين اكل هنا
ايفين:-لا كايمه
ليث:-عفيه بنيتي
ايفين:-كمت طلعت بنطرون اسود جينز وقميص ابيض بي حزام علا لخصر وليث طلعته هم بدي ابيض وبنطرون اسود وانه ويا لبسنه احذيه بيضه تكرمون سبحت وبدلت وهوه هم طب وراي خليت ميك اب خفيف بس طلع يجنن طلع ليث مشط شعره رفعه وشعره ناعم من لبدايه خصله نازل زايده جمال ولابسين نفس لشي
ليث:-هلكد حلو وصافنه بيه
ايفين:-استحيت ودرت وجهي كتله لا اشوفك خاف مبهذله ملابسك وتفشلنه وبعدين ليش تقلد لبسي
ليث:-هههههاي منو مقلد انتي طلعتيلي لبستهن
ايفين:-سكتت ولبست حجاب اسود وجنطه سوده وبيه كتابه اجنبيه بيضه بس كلش حلوه واكس سوارات اكيد ليث لبس ساعته سوده ومحبسه اكيد خله عطر زين وماوكعد عطره يجنن خليته يروح يلبس حذاته خذيت عطره خليت منه
ليث:-ولللج بربوك عطري خلص
ايفين:-يممه غير داير وجهك شمدريك
ليث:-جا وانه قشمر مثلج
ايفين:-ليش تقلدني وتكول جاا نفسي
ليث:-اشو ماتنجبين هوه احنه من لجنوب واهل لجنوب كلهم بل جا وين مقلدج ويله بساع تلث دقايق وكدامي جوه
ايفين:-ليث حباب الله عليك خلي نصور بمبايلك
ليث:-لانتخر وينسد تره لثنعش ونص ويعزل
ايفين:-لا ونبي بساع حباب
ليث:-هاج بساع يله
ايفين:-صورت صوتين وحده بس وجهي وحده طلعت حته ملابس واكفه علا لمرايه لي تجي طويله حته نشوف ملابسنه بيه اجه وكف يمي وحضني من خصري
ليث:-يله صوري خو مو بس انتي 😏
ايفين:-شفت وكفته تجنن صورت خذانه لواحس ضلينه نسوي حركات ونصور لحد هدعش وعشره
