ايفين:- مر يومين واحمد نقل لبيته وعمي تعبان كلش وبلفراش مايكدر عمره جبير بس بي حيل جنه ابنه😂 كال ليث احمد عازمنه علا لعشا لن توه نقل طبعن كلمن انطا هديه من اثث بيته بس هدايه غاليه للعصر بدلنه هاي اول مره اطلع كلما اطلع للمستشفه بس لبست تنوره ماروني وبدي ابيض وجنطه وحذا ابيض وحجاب ماروني بلون لتنوره واكس سوارات اكيد وعطر ومكياج خفيف حيل ليث بدل قبلي ونزل اجت نور
نور:-يله ليث متانينه بلسياره
ايفين:-شلوني حلوه
نور:-عمي صاكه خيعون اخوي
ايفين:-دوخري عني بكلشي وحاطه اخوج
نزلنه صعدت بسياره ليث ليوره وخال ليكدام ونور يمي وحيدر ومرته وعمي بسيارة حيدر
ليث:-شهل خره لابخته علا جهرتج
ايفين:- شنو جا اطلع مبهذله
ليث:- وانه عندي مكو.. ـه استعراض طالعه هيج وهلبس لضابج امشي ولي بدلي وامسحي جهرتلج لو ماترحين
ام ليث:-ولك ليث لانتخر خليه وهيه وين رايحه البيت اخيك
ليث:-انه الج ايفين احساب من نرجع
ايفين:-راسك بعده مخيكط وماكاعد راحه حجيت بصوت ناصي
ليث:-مو انزلج ومحمد
ايفين-يمه شسمعه سكتت وصلنه سلمنه عليهم ومنئ تخوزر بيه كعدنه وعمي ولولد يسولفون ولبنات وي خاله وانه بس اسمع ماحجي شي
ايفين:-لبنات كامن وي منئ يصبن كمت وياهن ساعدتهن وتعشينه رادو جاي كتلهم انه اسوي
منى:- لا عيني انه اسوي خلصينه من سحورتج لا تخلينه سحر بلجاي
ايفين:-فتحت عيوني علا كبرهن وكتله انه انه اخلي سحر عيوني غوركت دموع هم فشلتني وهم تكلي خلصينه من سحورتج
احمد:-منىىىى كافي شهل سربته فشلتيني كدام اهلي
ليث:-عوفه خويه ماصار شي خلي نور تسوي جاي كلت خل اخلي نور تسوي جاي حته مايتفشل كدامنه
ايفين:-كوه لازمه لدمعه كامت نور سوت جاي اطتني ماشربت همه شربو جاي وره ربع ساعه تقريبن كال ليث
ليث:-يله هم يله نروح
احمد:-بعد وكت خويه شسالفه
ليث:-لا بعد اخيك هم يله وهم خابوني غير مره نشالله ونتو هم سولكم جيه علينه
احمد:-نشالله خير بس خاف شايل بالك علا منى تره جاهله ماتعرف شتحجي
ليث:-لا يخوي نسيناه
ايفين:-كمنه ورجعنه للبيت ليث سكت عني ماحجه صعدت لغرفتي سبحت وبدلت ورحت نمت علا لجربايه وتغطيت وليث هم سبح واجه نام يمي سحبني لحضنه وانه مختنكه من حجي منى وكوه كاضه روحي ماباجيه
