امراض نفسية

١

الكتاب دا هتكلم فيه عن بعض الأمراض النفسية و معظمها بيكون نادر شوية
فيه مجموعة من المتلازمات اسمها متلازمة سوء التعرف الذهني و اللفظ دا بيتم إطلاقه على مجموعة من الاضطرابات النفسية و العصبية و اللي أطلق المصطلح دا اسمه كريستودولو .... المتلازمة دي غالبا تتضمن اربع اضطرابات نفسية و هما
١ - وهم كابجراس : دا عبارة عن أن الشخص بيكون عنده وهم أن مثلا حد قريب منه اوي زي أخته أو صديقه و هكذا تم استبداله بشخص ليه نفس الشكل و كل حاجة ... في الوهم دا الشخص ممكن يكون مش قادر يتعرف على الأشخاص أو الإمكان و ممكن يكون الوهم دا مؤقت أو مزمن .... و اكتر الأشخاص اللي بتكون معرضة الوهم دا هما الأشخاص المصابة بالفصام العظمي أو الأشخاص اللي عندهم خلل في الدماغ أو مجانين كمان فيه ناس بتقول أنه ممكن يحصل لمرضى السكر و الناس اللي بتعاني من صداع نصفي .... و نسبه حصوله للاناث اكبر من الذكور

مثال صغير لأشخاص عانت من المرض : كان فيه سيدة عندها ٧٤ سنه ربة منزل اتقبلت في إحدى المستشفيات النفسية و اتشخصت انها مصابه بوهم كابجراس و دا لأنها كان عندها اعتقاد أن جوزها تم استبداله بشخص آخر و كانت بترفض أنه يكون متواجد معاها في أي مكان لدرجه انها كانت بتقول على نفسها باب الاوضة و تطلب من ابنها أنه يجيب مسدس عشان تقتل جوزها و طبعا الحوار وصل للشرطه و دخلت المستشفي
و عشان محدش يفكر أن الموضوع مقتصر على كبار السن بس لا فيه بنت اسمها ديانس كانت مصابة بالمرض دا و هي عندها ٢٣ سنة
العلاج اوقات بينفع أن الأشخاص دي تتعالج باستخدام الدواء و المهدئات و اوقات لا على حسب

٢- وهم فريجولي : و دا عبارة عن أن المريض بيتخيل أن الناس كلها عبارة عن شخص واحد بس بيتنكر في كذا شخصية سواء كان الشخص دا ذكر او انثي ...
الاعراض : هلوسة و صرع و عجز في الوعي الذاتي و مشاكل في الذاكرة البصرية
ممكن يتعالج الشخص بردو عن طريق الأدوية أو المهدئات و طبعا العلاج النفسي عامل أساسي

٣- التحوّل التداخلي : و هو اعتقاد الشخص أنه يقدر يعمل شخصية تانية من ناحية الشكل الخارجي و الشخصية ( كأنه متقمص الشخصية يعني )

٤ -  التضاعف الذاتي عبارة عن أن الشخص بيكون عنده اعتقاد أن فيه شبيه ازدواجي ليه و أن الشخص التاني دا هو المسؤول عن كل التصرفات التانية

و طبعا فيه كمان بعض المشاكل الوهمية التانية و لكن بتكون نسله الإصابة بيها أقل من دي بمراحل و منها          
- سوء التعرف الذاتي في المرآة و هو أن الشخص بيكون عنده اعتقاد أن الانعكاس اللي ظاهر قدامه دا شخص تاني
- اعتلال الذاكرة المتكررة و هو أن الشخص مثلا في مستشفي بيكون عنده اعتقاد تام أنه موجود في مستشفي تانية في بلد تاني اصلا يعني مش بيكون عارف يحدد مكانه و برغم أن كل الأدلة واضحة قدامه

- وهم اكوتار و الوهم دا بيكون الشخص عنده اقتناع أنه ميت أو عايش من غير أعضاء داخلية و في بعض الحالات النادرة جدا بيكون عنده اعتقاد أنه عمره ما هيموت
- الرفقاء الوهميين
- التعدد المستنسخ للذات و فيه بيكون الشخص عنده اعتقاد أن فيه أشخاص نفس النسخة منه موجودة بس بس منفصلين عنه جسديا