امراض نفسية

٦

اضطراب ثنائي القطب .. مش كتير يعرف يعني ايه لانه مش مشهور اوي ... هو اضطراب نفسي بيختلف من شخص لشخص ممكن يكون عند حد عبارة عن نوبة اكتئاب اوي و عند شخص آخر عبارة عن نوبة ابتهاج غير طبيعية و بردو بتكون معروفة نوبة الابتهاج دي باسم الهوس الخفيف و بتكون غير ابتهاج بتكون بصورة غير طبيعية لدرجة أن الشخص ممكن يعمل حاجات كتير طائشة زيادة و من غير تفكير في العواقب و الأشخاص اللي بتكون عندهم نوبة الابتهاج دي بيكون نومهم قليل جدا أقل من الشخص الطبيعي بخلاف اللي عنده اكتئاب دا بيشوف الحياة بنظرة سوداوية و كمان بينعزل عن الكل و دائما عنده شعور البكاء ... نسبة الانتحار للمرضي اللي بيعانو من المرض دا تخطت 6% و لو الشخص منتحرش نسبة أن الأشخاص تأذي نفسها من 30 : 40 % ممكن كمان دا يسبب أمراض تانية زي اضطراب القلق أو اضطراب تعاطي المخدرات

اعراضه : تحول المزاج،  وانعدام التلذذ،  وأرق،  وفرط النوم،  ووهام،  وحبسة،  وهلوسة،  وفرط النشاط الجنسي،  وهوس،  وهوس خفيف،  وكآبة،  وإعياء،  وهياج نفسي حركي

الاسباب بتاعته لحد دلوقتي محدش عارف سبب واضح بس فيه عوامل بيئية و عوامل وراثية ... البيئية زي أن يكون فيه معاملة سيئة في مرحلة الطفولة أو أن الشخص يحس بقلق و توتر لفترات طويلة .. أنا الوراثية بالعلماء قالو أن بنسبة 85% من العوامل اللي بتسببه هي وراثية و دي بتكون حاجة خاصة بالكرموسومات ... فيه كمان عوامل عصبية و دي بتكون نسبة قليلة اوي لان الاضطراب مثلا بيكون ناتج عن حدوث سكته دماغية

النوم القهري دا عبارة عن حالة دماغية نادرة طويلة شوية و هي عبارة عن أن الشخص بينام فحأة في أي مكان و في اوقات مش مناسبة ... بيكون فيه المخ مش قادر أنه ينظم حوار النوم بشكل طبيعي و بيختلف من شخص لشخص يعني ممكن يحصل فجأة لشخص و ممكن يكون فيه تمهيد قبلها بأيام و اسابيع عادي ... مفيش علاج بس ممكن يقل عن طريق الأدوية

اسم من اسمائه التانية الخدار

السبب بتاعه مجهول و لكن فيه اعتقادات أنه بيحصل بسبب نقص في مستويات مادة كيميائية اسمها هيبوكريتين و دي بتظبط حوار الاستيقاظ و النوم .... ممكن كمان يكون حصل مشكلة في الجهاز المناعي المسؤول عن إنتاج المادة دي ... كمان ممكن يحصل بسبب تغير هرمونات زي اللي بتحصل في المراهقة أو انقطاع الطمث او بسبب ضغوط نفسيه

الاعراض بتختلف مش شخص لشخص
١ - النوم المفرط أثناء النهار و عدم القدرة على البقاء مستيقظ و عدم القدرة على التركيز
٢ - نوبات نوم مفاجئة
٣ - الجمود و هو عبارة عن ضعف و فقدان التحكم في العضلات و دا بيحصل ممكن أثناء إثارة المشاعر أو الضحك
٤ - شلل النوم او عجز مؤقت عن الحركة اول ما تصحي من النوم
٥- ضعف الذاكرة

دا مرض دماغي مش مرض نفسي بس الكل مفكره نفسي

و لكن ممكن يسبب أمراض نفسيه