جئتم مـع الفجَر ٣:١٣

Bart (1)

- جئتم مـع الفجَر ...
بقلميييي ✨
ـــــــــــــــــــــــــــــــــــــــــــــــــــــــــــــــــ
بغداد 10:00 ليـلاً

كاعدِه بغرفتي كلعِاده بيدي كتابَ واقره الدنيا ليل واختي يم ماما دينتضرن بابا لحتا يجي وانا مااهتم اصلا الـ اجا او لا طز بي دقايق وسمعت صوت ينادي .

بـ : شمسِ شمسِ لجج بنت الكِلب تعايييي

جواهِر (ام شمسِ) : يارجال عوفها لل بنيه شجاك يمعود هنه ثنيوين عدنا وانتَ شاد وياهن

داودِ (ابو شمسِ) : انجبِ انتِ ولاحرف كله من وراج ام البنات خلفتيلي علتين علئ كلبي شكول عليج

رحت يمهم وكلت
شمسِ : بابا شكو شصاير

رفع اصبعه بوجهي وكال بحده
داودِ : باعي لج ام الكليات باجر راح يجي فد واحد وياخذج تزوجج ان قبلتي اولا مايمهني ماجاي اخذ رائيج جاي ابلغج ترتبين هل جهره الزفره لاتفشليني كدام الزلمه فهمتييي؟

شمسِ : عفواً وانتِ منو وتقرر عني ترا عمريي 20 واعرف اختار موطفله

داودِ : انتِ جربي تسوين شي ولو بسيط يخلي الزلمه يطفر وشوفي شسوي والله وبالله اكلب البيت فوك راسج وراس امج واذبحها كدام عيونج

جواهِر : داود فدوه اروحلك لاتسوي هيج شيطان هاذا شيطان ديدفعك علينا احنه عائلتك لاتنسئ انا مرتك

داودِ : انجببِ ولاكلمه تنفذن الـ كلته فهمتن ؟

شمسِ : مافهمت ومااسوي شي راويني شطارتك ياحضرت السكير ابو العرك

جر ايدي بقوه ودخلني للغرفه وقفل علي امي تصيح وتترجئ يفتح الباب وهوه يدفع بيها اختي مكتفيه بل سكوت حقها مابيدها شي ، اسمعه ورا الباب كال

داودِ : الباب باجر ينفتح واريدج ترتبين روحج فهمتي ياعار

شمسِ : تخسي هوه وشاربه محد يكدر يجبرني علئ شي ولو كان ابوي ولو هاذ هم يتسمئ اب هه اكيد لا .

فكرت وفكرت الا ان طلعت بالي فكره خنفشاريه عندي فلوس وذهب ومااحتاج احد انا انثئ اكدر اسوي كلشييي موبحاجه ذكر بحياتي ...

طلعتلي جنطه وحطيت بيها ذهبي وفلوس مجمعتهم عمود كليتي وكتب وكم قطعه ملابس بدلت ولبست عبايه ونقاب حتئ محد يتمكن من معرفتي ونتضرت يصير الفجر وطلعت اتمشئ ع كيف الـ مكان مجهول ماعرف لوين حروح او شنو راح يواجهني بل مستقبل بس عفتِ كل الافكار وركزت بـ الحاضر مشيت ومشيت وصلت مكانِ متروس بيوت زغار ومفلشه مكان مخيف ومجهول بي صوت عالي ............

نجَرت ايدي وانا اصرخخ اريد استنجد بشخص بس لا والف لا لاحياه لمن ينادي حسيت بشي بحلكي وراها دخت ...

؟

فتحتِ عيوني بغرفه ضلمه وبيها زرف زغير مصدر لضوء وبيها ريحه خايسه تموتت ايدي مربطه وحلكي كذالك مايمي ايشي كمت اردد بكلبي