7:00
نهلة : مرية عادية وبسيطة ع گد حالها گلبها طيب تحب بنتها وتخاف عليها، عمرها 45 سَنة، زوجها متوفي، وبَشائر بنتها الوحيدة، ربة منزل، عايشيين ع راتب ابوهم
نهلة: وج اكعدي يمسگوعة تنبل مال نوم خما تنبل
بَشائر: رفعت راسها وعيونها مسدودة من النعس " بيش الساعة يوم؟ "
نهلة: ب 8 يا مسعدة راح عليج الامتحان
بَشائر: عاطت عيطة رجت البيت وكامت من الجرباية تركض ووكعت ب الكاع، ما اهتمت وكامت تركض وراحت للمغسلة تغسل وجها وتحاول تستوعب الديصير
نهلة: على كيفج بنت القندرة هجمتي البيت
بَشائر: يوووووممم ملابسييي وين جنطتي وين وج يوم راح علية الإمتحان اول درس عزههه ما الحكك
ب هل اذناء رفعت بشائر عينها لـ الساعة بـ "7:5"
بَشائر: يمة؟
نهلة هية وتضيع الموضوع: وجع هسة تغسلين وجهج صايرة ب 8
بَشائر: يمة ترا وجه مدا اغسل سيارة
نهلة: دگومي بدلي وعزلي غرفتج صايرة مزبلة حسويلج ريوگ.
بَشائر: خووشش
نهلة: عبالك معاجبج؟
بَشائر: شتگولين انتِ؟
نهلة: مو لسان برنو يمة يمة شون جيل
.......
"عَند مُهيب"
نَايم على بطنة بدون تيشيرت عضلات ضهره بارزة مُختلطة بشوية ندوب صغيرة ناطيتة هيبة وجمال
شعره مخربط وواكع ع عيونة الغرفة ضلمة يدخللها شوية ضوه من البردة
دك المُنبة يم راسة
" 6:30 "
مَد ايده وهوه مغمض عيونة وغلق المنبة
وگام كعد على طرف الجرباية يفرك وجها ويطك ضهره
عدل شعره ب كف ايده ورجعة ليورة
مد ايده للميز واخذ باكيت الجكاير وحط جكارة بحلكة شغلها وسحب نفس قويي طلعة منه شوية والباقي راح لرئته
كام وتوجه لحمام غرفتة
فات جوه الدوش وهوه منتجي ب الحايط بثنين ايديه والماي ينزل على جسمة
" يفگر بيها "
ابتسم لا إرادي وضل صافن بلفراغ
فجأة تذكر " تذكر الماضي " اخذته الذكريات اختفت ابتسامتة؟ ملامح وجه بانت عليها خيبة، وجع، ضلام، ألم
ضرب الحايط ب ايده قوي وزمجر بغضب
مُهيب: كلهن يشابهن مُهيب كلهن نفس الصنف
سد الدوش وسحب المنشفة ولفها على خصرة،
الماي يتقطر على جسمة والمنشفة ملفوفة على خصرة وشعره يقطر ماي شكله كُلش جذاب يجذب صنف حواء بكُل سهولة،
لبس قميص اسود وعاف اول دكمتين ويا بنطرون اسود رش عطر ورتب شعره ولحيتة واخذ سويج السيارة ونزل …
زُمرد: صباح الخير يمة
مُهيب: صباح الخير حجية " باس راسها "
زُمرد: رايح للدوام بهل ملابس؟
مُهيب: اخذت اجازة اسبوعين
زُمرد: لعد وين طالع يمة الساعة ب 7 شعندك كاشخ
مُهيب: عندي شغل يوم اريد اشوف علي صارلي يومين ما شايفة
زُمرد: اصبر خل اسويلك ريوك واطلع
مُهيب: حتريك ويا علي حجية لا تتعبين نفسج
" باس راسها وطلع "
أنت تقرأ
هَوس المُهيب .
Mystery / Thrillerأنا المُهيب جَرب الوقوفَ بوجهي وابحث لكَ عَن وجهٍ آخر .... القصة خيالية والتنزيل حسب المزاج والبارتات قصيرة . القصة اهداء لصديقتي مو ضروري تقروها او تحطولها تصويت 😔🤍.
