معشوقتي المجنونه♥️( بقلم مارينا دانيال )

البارت التاسع ♥️

سمير: هاااا موافقه يا منار
منار بخجل: أنا رايي من رايك يا بابا
سمير بابتسامه: وانا عايز الفرحه اللي في عيونك دي
منار نظرت ل سمير بخجل ووليد نظر لها بكل حب ومنار نظرت له بخجل شديد ووجه احمر
وذهبوا بعد أن وليد اتفق مع والد منار
إنه هييجي هو ووالدته يوم الخميس
وهو بعد بكره وذهبوا
في العربيه وليد قال: امتي وييجي بعد بكره بقي
مي: اتقل يلا فيه ايه
وليد: بحبها يا مي بحبها
مي: رينا يفرح قلبك وسكتت
وليد شافها ساكته وسرحانه وحزينه علي غير عادتها
وليد: مالك يا مي
مي بحزن: معرفتش مكانه يا وليد كنت روحت اطمن عليه( الكرامه يا ميييييي الكرامه يا ماما😂😂😂 )
وليد: متقلقيش هنروح ونسأل علي بيته من الكليه
مي بعياط: معرفش حبيته ازاي يا وليد
وليد حضنها: بطلي عياط بقي مش دي مي اللي اعرفها
مي: مش عارفه حياتي اتشقلبت ليه كده يارب
وليد: بس يا مي بكره هنروح الكلية ونسأل علي بيته ونروحله
مي وهنروحله بصفه ايه.
وليد باستغراب طيب انتي عايزه ايه ( عايزه قلم يا وليد يفوقها اسمع مني أنا 😂😂😂😂)
مي: عايزه اروح ممكن
وليد بحزن علي حال أخته: ماشي
وذهب وليد الي البيت ووصل وقال لمي
وليد: انزلي انتي يا ميوش وانا هركن العربيه واجي وراكي
مي: ماشي
مي طلعت البيت في الشقه
وفتحت الباب لقيت امها قاعده وامها لاحظت حزنها
ساميه: مالك يا ميوش زعلانه ليه.
مي وحاولت تخفي حزنها أمام والدتها : هاااا أنا زعلانه فين ده وقعدت تهزر وتضحك مع والدتها
ساميه: طيب ادخلي غيري واتعشي علشان عايزاكي
مي: ماشي وقامت علشان تغير ولسه هتدخل الاوضه صوت امها أوقفها
ساميه: هو انتوا كنتوا فين كل الوقت ده وفين وليد
ولسه مي هترد وليد دخل وقال : روحي انتي يا مي وانا هقول لماما اللي حصل
ساميه بخوف: فيه ايه يا ابني
وليد بدأ يقص عليها ما حدث اليوم
ساميه بفرحه: الف مبروك يا ابني اخيرا هعيش لليوم اللي هشوفك فيه ببدله فرحك
وليد وهو بيقبل ايديها: ربنا يطول في عمرك ويخليكي لينا يارب
ساميه: ويخليك ليا يا حبيبي. ثم أكملت قوم ياله علشان عايزاكم في موضوع كده
وليد: ماشي يا ماما
وبعد ساعه طلعوا والام قالت مي متقدملها عريس
مي ووليد في نفس الوقت وصدمة: ااااااايه
ساميه:  ايه  أنا قولت حاجه عيب لا قدر الله
مي بهدوء: ماما أنا مش موافقه أنا لسه قدامي سنه تدريب تاني
ساميه: وفيها ايه لما تتخطبي السنه دي انتي اقعدي معاه وشوفيه يمكن يعجبك وبعدين ده ابن طنط سحر يعني عارفين اصلوا وفصلوا
مي بغضب: ماما أنا قولت اللي عندي عن اذنكم
وذهبت إلى غرفتها وما أن قفلت الباب دموعها انسدلت علي خديها

في الخارج
ساميه لوليد: ساكت ليه عاجبك اللي بتعمله اختك ده
وليد: بصي يا ماما أنا مع مي في كل حاجه لان دي حياتها هيا مش حياتي أنا ولا حياتك انتي فا لازم نحترم رأيها هيا ماااشي وقام وخبط علي غرفه مي
ساميه: يعني ايه ده لو مي موافقتش الصداقه اللي ما بيني وبين سحر هتروح كده. لا مي لازم توافق لازم

وفي مكان آخر:
مجهول١ : هااااا عرفت حاجه عنها
مجهول٢: ايوه يا كبير عرفت انها دكتوره وكمان وحدانيه
مجهول ١: اول ما ادي الاشاره تنفذ
مجهول٢: أوامرك يا باشا

وعلي الناحيه الأخري في غرفه مي
الباب خبط وكان وليد
مي: مين
وليد : أنا يا مي افتحي
مي: وليد سيبني شويه علشان خاطري
وليد: طب ممكن تفتحي ونتفاهم
مي: ماشي وفتحت
وليد: هااا قوليلي مالك بقي
مي: يعني انت عارف كل الموضوع وتقولي مالك وغير كده كنت ساكت ومتكلمتش
وليد: عايزاني اقول ايه وبعدين يا مي ده حب من طرف واحد ومش هينفع توقفي حياتك علشانه
مي: يعني ايه الكلام ده افهم من كده انك متفق مع كلام ماما وضحكت بسخرية وقالت ههه ده أنا قولت وليد هو اللي هيفهمني وعيطت

وليد بحزن: واللهي أنا معاكي لاخر لحظه واتخانقت أنا وماما وياستي هنروح الكلية بكره ونسأل علي بيته ونروحله بحجه أننا هنعتزرله علي اللي حصل
مي: ماشي بس حاول مع ماما علشان أنا مش موافقه علي اللي اسمه ايه ده.  ده أنا حتي معرفش اسمه لحد دلوقتي ولا بيشتغل ايه علشان اوافق عليه
وليد: هروح اشوف ماما وانتي نامي علشان النهارده تعبتي يا حبيبتي( ونعمه الاخوات يا وليد😂😂😉)
مي: اوكي يا قلبي تصبح على خير
وليد: وانتي من اهل الخير
وخرج

وعلي الناحيه الأخري عند يوسف
بعد ما سبناه مع الدكتور
يوسف: طيب أزاي بتعمل كل ده علشاني بس انا مش قادر ابطل تفكير فيها ليه هو أنا شكلي وقعت ومحدش سمي عليا ولا ايه وفجاءه فاق لنفسه ليقول بغضب: لااااا يا يوسف كفايه كسرت قلبك مره مش هتعمل يتكسر تاني علشان كلهم واحد
( ابو شكلك عندك انفصام في الشخصيه واللهي🙄😒)

وفي نفس الوقت دخلت داده صباح
صباح بابتسامه: حمد الله على سلامتك يا ابني
وليد بحب: الله يسلمك يا داده ( ملحوظه بس
وليد بيحبها اكتر حتي من أمه علشان هي اللي ربته)
يوسف كمل: داده هو انتي لما جيتيلي المستشفى قولتيلي ايه علشان مكنتش مركز ومش فاكر اوووي قولتي ايه بقي
صباح بتوتر : هااا لا مقولتش حاجه بس كنت خايفه عليك مش اكتر يا حبيبي بس البنت اللي كانت هناك دي بتحبك  دي أغمي عليها اول ما عرفت انك دخلت في غيبوبة
يوسف : سرح في عيونها وفجاه قال

بس كده نكمل البارت الجاي
#marina daneal
روايه معشوقتي المجنونه ♥️
اتمني الروايه تنال اعجابكم
بارت كبير اهو يارب اشوف تفاعل 🥺♥️