#عندما تحب بصدق يجب ان تحارب لاجل من تحبه...
علي ..شفته من بعيد كاعده ورحت عليهه لان هيه بالاعداديه والاعداديه مالته غريبه على الكليه مالتنه فكلت خليني اروح عليهه واحجي وياهه كلمتين توني وصلت يمه وما احس الا واحد صاح عليه لك علاوي
علي..اني ما ضل دم بيه عبالي واحد من اخوته
باوعت طلع اسامه هذه جان صديقي قبل محمد ..هاي وين جنت صارلك اربعة ايام
علي ..يمعود شبيك فززتني
اسامه..شبيك صايره بيك خوفه غير مشتاقلك
علي ..اصبر خل يرجع الي الدم وثاني شي هسه عوفني خليني اروح على زينب احجي وياهه
اسامه ..يمعود عوفه شلزكت بيهه هسه مو هيه عافتك
علي ..لا اسامه لازم اخلي النقاط على الحروف ما يرتاح كلبي الا اعرف ليش فضلتني على ابن عمه الهتلي
اسامه..والله بعد بكيفك انته بس خاف اخوهه مراقبك ويسويلك مشكله
علي ..لتخاف عليه..خليني اروح عليه قبل متشلع.
ياالله من رخصتك
علي ..رحت هيه كاعده تقره ما تدري بيه
سلام عليكم
زينب..وعليكم السلام منو علي
علي ..اي علي شبيج جفلتي لازم هسه صرت ماضي مو
زينب..علي الله يخليك اني هسه مخطوبه وحتى حرام احجي وياك
علي..ولج هسه صار حرام تحجين وياي ولج سنتين اني وياج واحد يحب الثاني ليش خنتيني ها ليش..
زينب..علي الله يخليك مو وكت هذه الحجي ولا يجي واحد من أخواني ويشوفك وتصير مشكله..
علي..وليش هو اكو اكثر من هاي المشكله ها اكو كليلي لا تضلين صافنه عليه ما تشوفيني شلون ارجف عليج اني وانتي ولا هامج رحتي على هذه المهتلف الساقط ولج زينب ليش كليلي ليش لأن اني امكانيتي تعبانه كتلج بس نزوج واكمل جامعه اشتغل وابنالج احله بيت ليش اتركيني بسهوله
زينب ..علي الله يخليك منا العالم لا تصيح حيل بس صدكني مو بيدي ليش اني يهون عليه اتركك بس والله غصبوني عليه شكدر اسوي .
علي ..ليش ما رفضتيه وانطيتيني خبر كليلي تعال اخطبني تره راح يخطبني ابن عمي لو قنعج وكالج هذاك حافي واني ادللج مو
زينب..علي انته ليش تتهمني هيج اتهام صدكني اني ما اكدر كلشي اسوي واذا كتلهم اني احبك غير يذبحوني
علي..ليش اني غريب غير ابن خالتج وهو عيب اذا اعترفتي الهم..
زينب ..علي انته من كل عقلك هيج بسهوله اكللهم انته صارلك سنتين ما خطبتني من البدايه جان ما الهم عذر بس بعد فات الأون
علي..والله اكص ايدي اذا مو هو غسل عقلج وخلاج تحتارينه وتفضليني عليه بس اسمعي هاي الكلمه انتي الخسرانه وراح يجي يوم تتندمين لان صدكي هو اخذج حتى يحرك كلبي ويدري بيه احبج بس انتن البنات مو مال واحد يحبجن صدك مع الاسف على الأيام الكضيته وياج..
زينب..هسه خلصت اعتاب ارتاحيت تسمحلي اروح لأن عندي امتحان
علي..حيل واثقه من نفسج يبنت حسين بس صدكي الا اندمج واخذ حق الايام الي كضيته وياج وخليتيني ابني مستقبلي عليج..يا زينب
علي..رجاءا تعديت حدودك هواي لخاطر حبنه ما راح اسولف الاهلي عن الصار لان ما اريدك تتأذه بس صدكني انته راح تبقه بالكلب ..واني لان بيناتنه عشره خليتك اسولف وياي لان ما يصير اسولف ويام واني اعتبار متزوجه
علي..والله وكت وصرتي حتى الكلام تستحسفينه وياي صدك ما بيجن امان وعهد مني بعد ما راح احب ولا اتزوج وانتي السبب
زينب ..ليش اني شنو
علي..لج انتي خنتيني غدرتي بيه يا حقيره
زينب ..رجاءا لا تتجاوز وروح منا
علي ..اني راح اروح بس خليه ترجيه بأذنج راح يجي يوم تتندمين عليه يا بنت حسين..
علي ..كمت اصيح عليه فقدت اعصابي واجو حرس المدرسه طلعوني بره بس ارتاحيت طلعت كل البكلبي عليه شني هاي النساء يعني تسولف وياي ببرود وكأنما لم يحدث شئ واني فاير دمي عليه واجيت اخنكه بس كلت حرامات ادخل سجن بسببه.
اسامه..انته شبيك تخبلت بلله لو جاي واحد من اخوته وشايفك تصيح وتسب خاف ذيج المرهاخذو منك مليونين هاي المره يذبحونك خلاص ..
علي ..اكلك ما تسكت لا تبيع عليه فعاليات عود تخوفني
اسامه ..علي اسلوبك خطأ وياهه انته تدري هيه بعد ازوجت شلك بعد بهالسالفه الغمه
علي..لك اسامه عقلي ما دا يصدك اليصير ع
معقوله حب سنتين ينتهي بهالسهوله.عمي حقه قيس من تخبل من ما زوجوه ليلى .وليلى بليلة عرسه ماتت
بس عود زينب هم تموت.ههههمم
اسامه..انته صدك بطران هو وين ضل حب حقيقي يمعود وحقك تزوج وتنساك وتخلف وبعد ما تسأل عليك
علي..توني اقتنعت بأن #الحب_مجهول يا صاحبي وبعد ما راح احب ابد..
علي ..رجعت للبيت ضايج وتعبان حيل هم وتفكير شلون راح اتحمل وهيه بيته كبالنه وتجي الزفه وياخذونه الليل كله افكر لان اليوم هيه حنته وباجر عرسه
نمت وكعدت ثاني الصبح ما رحت للدوام مو شي هين تحب وحده سنتين وتتركك بهالسهوله..
أنت تقرأ
(الحب المجهول)💕
ChickLitيقولون ان اصعب الامور التي نمر بها بحياتنا هية الحب ماذا لو كان العشق الله يعين علي
