علي..واني دا اسولف وي احمد وما احس الا ابوي اجاني كالي امك لا حس ولا نفس اني هنا فقدت ..رحت اركض عليه لكيته امدده وما تتنفس...صحت على ابوي شلون وكعت
محسن..والله ما ادري اجيت لكيته واكعه
علي ..ولك احمد خابر على صابر خل يجيب السياره بسرعه
علي..يمه يمه اكعدي يمه اروحلج فدوه لا اتركيني ولك احمد ابسرعه راح تروح امي ..
احمد ..ماشي ماشي خابرته راح يجي
احمد ..اني شلون هسه لازم اجي وياكم
علي..وين تجي ويانه يمعود انته هسه توك جاي تتشافى ما بينه حيل بعد صدمات
محسن..اتصنت على صدره شوفه عايشه
علي..اي طبعا عايشه لعد شنو اني امي ما تعوفني
يمه يمه اكعدي احب رجلج من فدوره الطولج لا تتركيني ..
شلت ايده وجان توكع اني هنا عطت عيطه لسابع جار سمعه
يمهااااااا.لا يمه لا تركيني وين نروح بدونج
اجه ابن عمي صابر وخروني وبسرعه وديناهه للمستشفى وره تقريبا ساعه اجانه الدكتور ..كال المريضه ضاربته جلطه بس الحمدالله والشكر تعدت مرحلة الخطر بس راح تبقى يومين يا الله تصحى..
علي ..اني هنا اريد احب الدكتور من الفرحه
دكتور يعني صدك امي عايشه
الدكتور..انشاالله عايشه وتعيش وياكم تشكرنه من ادكتور..
راح ابوي للبيت بقيت اني وصابر بالمستشفى الليل كله ما نمت من الخوف على امي ..صار الصبح وجبت ريوك الي ول لصابر لأن خطيه ضل بايت وياي صدك ولد العم بالشدات تبين..
صابر ..هاي شنو علاوي حاسبني خطار وجايب الي ريوك
علي..اسكت يخوي انته هاي وكفتك ما انساهه ابد
صابر..يمعود صدك جذب انته غير ابن عمي..
علي ...ونعم ابن العم دتريك هسه لان انته ما تعشيت البارحه
تريكنه ومر يومين وامي صحت ورجعناهه للبيت والدكتور كال الصدات مو زين عليهه ومن ذاك الوكت اني قررت بعد ما اتعارك ولا احب حتى خاف احب انوب وهم تتركني وتصير مشاكل واخسر امي...
علي ..دخلت امي الغرفته ...وتحمدت اله بالسلامه واحمد هم اجه وسلم عليهه وابوي خطيه ما مصدك وذبحنه عجل وعزمنه المنطقه على سلامته...كملنه العزيمه ..ورحت نمت وانوب صارلي بالاسبوع ما رايح للكليه ..اجيت سلمت على امي
يمه..ليش هيج تسوين بينه تدرين احنه بدونج نموت
امه..يمه شسوي كلبي ضعيف واخاف عليكم
الله يسلم كلبج وانشاالله بعد ما تشوفين مني شر
امه الله يوفقك وليدي ويوم تزوج واشوف جهالك
علي ..انشاالله
رحت على احمد ها ابو شهاب جن حلت الك الكعده وتاركني وحيدي
احمد..والله يا ريت كون رجلي تطيب بأسرع وقت هاي يمكن احنه ما مقسوم النه نحب انته تركتك واني توني حبيت اتصوبت..والله حيره خل انضل عزاب احسن النه.
علي ..لا ليش عزاب ربك يفرجه انشاالله
احمد..الله كريم
ترخصت من اخوي ورحت للكليه توني وصلت جان تتلكاني الابنيه الي تعاركت وياهه هيه مجلبه واني ما الي خلك
فاطمه.الحمدالله على السلامه سمعت اخوك متصوب والله انقهرنه عليك..
علي ..الله يسلمج اشكرج من رخصتج اريد ادخل المحاضره
فاطمه..على راحتك..بس صدك اني اعتذر منك على ذاك اليوم
علي لا عادي ما صار شي انتي اختي
فاطمه..هنا اتخربه من ادكول اختي
علي ..من رخصتج.عفته وفلتت اني بيا حال وهاي حاره بالحب.
دخلت الصف وسلمت
سلام عليكم
كلهم .ردو وعليكم السلام
الاستاذ شني هالغيبه وين جنت وين صرت اسبوع انته ماكو
علي والله استاذ الوالده تخربطت واخوي تصوبما كو بس اني عدهم..
الاستاذ ..الحمدالله على السلامه
علي الله يسلمك
الاستاذ ..اتفضل ادخل
علي ..دخلت الصف والمدرس كام يشرح وأني ما منتبه اله حيل ..خلكي ضايج.بس اريده يخلص ..خلصت المحاضره واجوني زملائي..
سامر..يابه دكول خل اسئل على ربعي ماتو عاشو
علي..ليش انتم ما تسئلون علي وصلت للموت لو ما الله لطف من الصدمات..
سامر..بس والله خوش مدميه بعد ايدي اخذت ححك منه
علي..عليمن تقصد..
سامر ..على الي اخذ حبيبتك
علي..ممكن نسده هذه الموضوع لأن ما بيه حيل اسمعه مره ثانيه..
سامر..يابه كلت شي اشو مدحته انوب ما راضي
ردو عليه ..يمعود اتركه هو مجروح وانته تجرح بيه
علي ..عفتهم ورحت ..
خلص الدوام ورجعت للبيت تغديت كملت جان يدك علي رقم
رديت الو منو
فاطمه اني
علي ..يا فاطمه
فاطمه..هاي شنو نسيتني
علي..هاها فاطمه زميلتنه
فاطمه..اي اني شلون وصلت انشاالله
علي ..اي الحمدالله
فاطمه..رددت اكلك شي
علي..كولي
فاطمه..انته ليش ما تحبني
علي..والله النفس ما تهوى واني نفسي ما هوتج واني توني طلع من حب وانتهى بالغدر..
فاطمه..بس مو كل اصابعك سوى
علي..صحيح بس اني ما احب بعد واتمنى تلكين احسن فاطمه..ما اعتقد الكى احلى واحسن منك
علي ..يمعوده استغفري ربج الخلقني خلق احسن مني واني من رخصتج عندي دراسه مع سلامه واتمنى هذه يكون اخر اتصال بينه.وسديت الخط..هسه شلون اخلص من هاي المشكله..اني بيا احال وانتي بيا حال
علي ..كملت دراسه ورحت نمت احمد تشافه كليا ورجع يشتغل وصارت حياتنه هدوءماكو لا مشاكل ولاشي واني يوم رجعت للبيت لكيت امي ويمه وحده اني ضليت فاك حلكي ماكو هيج جرءه كلت منو فاطمه...
امي..كالت يمه هاي ادكول زميلتك واتريد تاخذ الواجب اكعد انته وياهه ..كتله فاطمه شلون ندليتي بيتي شلون وصلتي
فاطمه ..مو صعبه ضليت امشي وراك بسيارتي
علي ..بس انتي جيتج خطأ هسه اذا اجه واحد من اخوانج او احد يعرفج وشافج يمي شكله ..يمعود منو يدري بيه
علي..فاطمه رجاءا اتركيني اني ما افيدج
فاطمه..ليس ما تريد تحبني تخاف اغدر بيك
علي ..لا موهيج بس
فاطمه ..بس شنو احجي..
علي..ما اريد اتزوج اني هسه ..واني دا احجي وياهه جان يدخل احمد ما يدري يمي فاطمه..توه طب
احمد ..علاوي اليوم جايب الك مفاجئه اتفل.....
السلام عليك
علي..فاطمه زميلتي..اخوي احمد
فاطمه ..اتشرفت بيك
احمد..واني اكثر
علي..انوب احمد يحجي ويخزر بالابنيه عاد اني كتله احمد روح جوه
احمد...اي صدك اريد اتغدى اذا اتريد اوصله الزميلتك ما عندي مانع
علي ما يحتاج عدهه سياره
احمد..يله ماشي
علي..فاطمه.رجاءا لا تصدكين اني اكدر احبج وهذه اخر حجي
فاطمه..يعني ما عندك غيره
علي..اي
فاطمه..صوجي ا
أنت تقرأ
(الحب المجهول)💕
ChickLitيقولون ان اصعب الامور التي نمر بها بحياتنا هية الحب ماذا لو كان العشق الله يعين علي
