.
.
افكر انو الحب حرام مو عبث،
عبن شنو
الحب حرام خارج نطاق الزواج عبنه يلعب بمشاعر البشر وَ البشر ما يتحكم فيهم الا مشاعرهم وَ نادراً تلكه واحد يتحكم بِـ عقله أكثِر مَن مشاعره، وَ اكو هواي ناس حُقراء وَ انانيين وَ ما يهتمون لمشاعر احد اصلا
لذلك هي حرام علمود الانسان ما ينكسر فؤاده وَ يموت، 'ليش ربي خلاني بهذا الطرق وَ خلاني احب هَذا الشخص؟' الله ما خله احد احد يحب احد، انته الي حبيت وَ انته الي احتاريت منو تحب، سواء جان هَذا بالفتره الزمنيه او بالشخص،
الله حرمها وَ بعد أنتَ لازم تتصرف، الله ما يتحكم بيك أنتَ ولا بعقلك ولا كاتب لَك شحتسوي مستقبلاً، هَو يعرض احداث المستقبل وَ انما مو احداث حياتك أنتَ بالذات
يعرفها! صح يعرفها وَ لِكن ما كتبها لَك، ماكو شي اسمه قدر، ولا حظ، هاي الاشياء غير موجوده وَ انما مجرد اعذار للانسان الفاشل الناقص
فمثلاً الحظ وَ الشي الحلو الي يصيرلك اله اسبابه، مثلاً اذا فزت بلعبه! فهذا نتيجه لعبك الها أكثِر مَن مره وَ اذا انته اصلاً ما بادي تَلعِب بيها فاي موهبه، المهم،
ماكو شي هيج اسمه، 'قدر' او 'حظ' هَذا كله خرط بمعنى الكلمة
مستقبلنا عباره عن نتائج افعالنا بالماضي، هاي المعادله تفيدكم (الحاظر + افعال مفيده = مستقبل مشرق).
اعزتي الكرام، اذا أنتَ تدور مستقبل اتعب عَلى نفسك تعلم اشاء جديده اقرا عن الاشياء الي ممكن تتعلمها وَ تفيدك صدق، ابني شخصيتك ابني نفسك،
ربي نفسك عَلى الخير وَ لَا تتمنى الشر لِـ احد لان النبي (صلى الله عَلِيه وَ اله وَ سلم)،نفسه بعزت مكانته عِند ربي وَ بكبر قيمته البشريه، ما قد حقد عَلى احد او تمنى الشر عَلى احد،
لذلك دائماً خلي قدوتك النبي، ميحتاج تصير نبي نبي صدق، بس لو تقدي فيه وَ تتعلم خطاه وَ تسمع عن افعاله وَ قصصه أنتَ وجدك حتتغير وَ حتلاحظ كل شي موجود بالكون وَ حولك أنتَ بالذات، وَ راح تلاحظ اشياء اول مره تلاحظها.
متدري شكد. حلو لِمَا تموت وَ الكل يذكرك بالخير نتيجة افعالك الزينه وَ الشي الي حتوصله هوه الي يحدد قيمتك، حتى لِمَا تموت 'مو مهم اني حموت بالنهاية' الكل يموت بالنهايه، وَ اذا جان شي مومهم، ليش عايش لعد؟، ليش كل الناس دتركض وره اشغالها وَ مهامهة وَ كلهم يردون يصيرون الاحسن وَ الافضل،
كلنا مخلوقين لِـ سبب معين، كلنا موجودين لسبب، لذلك خلي وَجودِك بالكون نعمه للاخرين، وَ لتصير مسوي روحك فدشي، كلنه بشر وَ كلنه عباد عِند ربي، محد أكثِر مَن عبد وَ محد اقل، وَ باب التوبه وَ المغفره دائماً مفتوح 🙏🏻.
*تنويه، هَذا الكلام ما فيه اي عنصريه، ولا اقصد احد، ولا اي شي، مجرد دا اعطي بعض الاراء الي عندي وَ اتكلم عن افكاري، بسبب رؤيتي لبعض النماذج بالواقع وَ بالمواقع الالكترونيه، وَ البرامج.
شكراً لحسن القراءة✨.
