#الضابط_وصغيرته
ﻛﻌﺪﺕ ﻣﻦ ﺍﻟﻨﻮﻡ ﻓﺘﺤﺖ ﻋﻴﻮﻧﻬﺎ ﺷﻮﻳﻪ ﺿﻠﺖ ﺗﺒﺎﻭﻉ ﺑﺎﻟﻔﺮﺍﻍ ﻭﺗﺤﺎﻭﻝ ﺗﺼﺤﺼﺢ ﺟﺎﻥ ﺗﻔﺰ ﻣﻦ ﺍﻟﻔﺮﺍﺵ ﺑﺎﻭﻋﺖ ﻣﻨﺎ ﻭﻣﻨﺎ ﻟﻜﺖ ﻣﺎﻛﻮ ﺍﺣﺪ ﻳﻤﻬﺎ ﻭﺳﺮﻣﺪ ﻣﺎﻛﻮ ﺣﻄﺖ ﺍﻳﺪﻫﺎ ﻋﻠﻰ ﻛﻠﺒﻬﺎ ﺑﺮﺍﺣﻪ ( ﺍﻭﻭﻑ ﻃﻠﻊ ﺣﻠﻢ ﺑﺲ ﺷﻨﻮ ﻣﻦ ﺣﻠﻢ ﻃﺎﺡ ﺣﻈﺞ ﻏﺰﻝ ) ﺍﻧﺘﺒﻬﺖ ﻋﻠﻰ ﺃﻳﺪﻫﺎ ﺍﻟﺤﺎﻃﺘﻬﺎ . ﻋﻠﻰ ﺻﺪﺭﻫﺎ ﺷﺎﻓﺖ ﺍﻟﺨﺎﺗﻢ ﺑﺎﻭﻋﺘﻠﻪ ﺑﺼﺪﻣﻪ ﻭﻛﻤﺰﺕ ﻣﻦ ﺍﻟﻔﺮﺍﺵ ( ﻋﺰﺯﺯﻩ ﻫﺬﺍ ﻣﻨﻴﻦ ﺍﺟﺎﻧﻲ ﻳﻌﻨﻲ ﻣﻮ ﺣﻠﻢ ﺍﻟﺒﺎﺭﺣﻪ ﻣﻮ ﺣﻠﻢ ﻭﻋﻢ ... ﻋﻤﻮﻭ ﺟﺎﻥ ﻫﻨﺎ ﺷﻬﻜﺖ ﻭﻟﻄﻤﺖ ﻋﻠﻰ ﺧﺪﻫﺎ ﻳﺎﺍﻳﻤﻪ ﺧﻞ ﺍﻃﻢ ﺭﻭﺣﻲ ﺍﺣﺴﻦ ﻫﺎﻱ ﺷﺴﻮﻳﺖ ﺍﻧﻲ . ﻋﺒﺎﻟﻲ ﺣﻠﻢ ﻃﻠﻊ ﺻﺪﻙ )
ﺑﺴﺮﻋﻪ ﺑﺪﻟﺖ ﻣﻼﺑﺴﻬﺎ ﻭﻟﻜﻦ ﺷﻌﺮﻫﺎ ﺿﻠﺖ ﺗﺮﻭﺡ ﻣﻨﺎ ﻭﺗﺠﻲ ﻣﻨﺎ ﺗﻔﺘﺢ ﺑﺎﺏ ﻏﺮﻓﺘﻬﺎ ﻭﺗﺴﺪﻩ ﻣﺘﺮﺩﺩﻩ ﺗﻨﺰﻝ ﺧﺎﻳﻔﻪ ﻻﺗﺸﻮﻓﻪ ﻭﺷﻮﻥ ﺗﺒﺎﻭﻉ ﺑﻮﺟﻬﻪ ﺑﻌﺪ ( ﻳﻠﻪ ﻏﺰﻝ ﺷﺠﺎﺝ ﺍﻧﺰﻟﻲ ﺍﻛﻴﺪ ﻫﺴﻪ ﺑﺎﻟﺸﻐﻞ ﺍﻧﺰﻟﻲ ﻭﺍﻟﻠﻪ ﻛﺮﻳﻢ ) ﺳﻤﺖ ﺑﺎﺳﻢ ﺍﻟﻠﻪ ﻋﺪﻟﺖ ﺷﺎﻟﻬﺎ ﻋﻠﻰ ﺭﺃﺳﻬﺎ ﻭﻧﺰﻟﺖ ﺍﻟﺪﺭﺝ ﻋﻠﻰ ﻛﻴﻒ ﻭﺗﺒﺎﻭﻉ ﺧﺎﻑ ﻣﻮﺟﻮﺩ ﺷﻬﻜﺖ ﻣﻦ ﺷﺎﻓﺖ ﻫﻨﺎﺀ ﺣﺠﺖ ﻭﻳﺎﻫﻪ
ﻫﻨﺎﺀ : ﻭﺍﻟﻠﻪ ﻫﻲ ﺣﻈﻮﻅ ﺍﻟﻤﺴﻌﺪﻩ ﻧﺎﻳﻤﻪ ﻟﻠﻀﻬﺎﺭﻱ ﻭﺍﻟﺒﺎﺭﺣﻪ ﺣﻔﻠﻪ ﻭﻫﺪﺍﻳﺎ ﻭﺍﻧﻲ ﻃﺎﻳﺤﻪ ﺑﻴﻬﺎ ...
ﻫﻴﻴﻴﻲ ﺍﻧﺘﻲ !! ﺗﺮﻩ ﺍﻧﺘﻲ ﺟﻨﻪ ﺑﻬﺎﻟﺒﻴﺖ ﻣﺜﻠﻲ ﻭﻻﺯﻡ ﺗﺸﺘﻐﻠﻴﻦ .. ﻋﺎﺩ ﺍﻧﺘﻲ ﺷﻠﻮﻥ ﺟﻨﻪ ﺍﻟﻠﻪ ﺍﻋﻠﻢ ﻣﻨﻴﻦ ﺟﺎﺑﺞ ﻭﺣﻄﺞ ﻋﻠﻰ ﻛﻠﺒﻨﻪ
ﺍﺳﻤﻌﻲ ﺯﻳﻦ ﻟﺞ ﺍﻧﻮﺏ ﺗﻨﺰﻟﻴﻦ ﻣﻦ ﻭﻛﺖ ﺗﺸﺘﻐﻠﻴﻦ ﻭﻳﺎﻧﻪ ﻣﻮ ﺻﺎﻳﺮﻳﻦ ﺧﺪﻡ ﻋﺪ ﺟﻨﺎﺑﺞ ﻭﺍﻟﻠﻪ ﻳﺎﻟﻠﻪ ﻭﻫﺰﺕ ﺃﻳﺪﻫﺎ ﻭﻣﺸﺖ ﺍﻟﻐﺮﻓﺘﻬﺎ ﻭﻫﻲ ﻣﺎﻋﺎﺟﺒﻬﺎ
ﻏﺰﻝ ﺗﻌﻮﺩﺕ ﻋﻠﻰ ﻛﻼﻣﻬﺎ ﺍﻟﺠﺎﺭﺡ ﻭﻛﺎﻟﻌﺎﺩﻩ ﻣﺎﺟﺎﻭﺑﺖ ﻻﻥ ﺗﺤﺲ ﻧﻔﺴﻬﺎ ﺛﻘﻞ ﻋﻠﻴﻬﻢ ﻭﺍﻧﻮ ﻫﻢ ﻣﺘﻔﻀﻠﻴﻦ ﻋﻠﻴﻬﺎ
ﺿﺎﺟﺖ ﻛﻠﺶ ﺗﻮﺟﻬﺖ ﻟﻠﻤﻄﺒﺦ
ﻣﺎﻛﻮ ﺍﺣﺪ ﻣﻮﺟﻮﺩ ﻏﺴﻠﺖ ﻭﺟﻬﻪ ﺣﺘﻰ ﺗﺨﻔﻲ ﺩﻣﻮﻋﻬﺎ
ﺻﺒﺘﻠﻬﺎ ﺍﺳﺘﻜﺎﻥ ﺟﺎﻱ ﻭﻟﻔﺖ ﺟﺒﻨﻪ ﺑﺎﻟﺨﺒﺰﻩ ﻭﺍﻛﻠﺘﻪ ﻭﻫﻲ ﺍﻟﻌﺒﺮﻩ ﺑﺪﺍﺧﻠﻬﺎ
ﻧﺰﻟﺖ ﺯﻳﻨﺐ ﺍﻟﺪﺭﺝ ﻭﻫﻲ ﺗﺮﻛﺾ
_ ﻫﻼﻭﻭ ﻏﺰﻝ ﺃﺧﻴﺮﺍ ﻛﻌﺪﺗﻲ ﺍﻟﻴﻮﻡ ﺗﺄﺧﺮﺗﻲ ﺑﺎﻟﻨﻮﻡ ﻭﺍﻧﻲ ﻣﻠﻴﺖ ﻭﺣﺪﻱ ﻛﺎﻋﺪﻩ ..
ﻏﺰﻝ ﻣﺎﺟﺎﻭﺑﺖ ﻫﺰﺕ ﺭﺍﺳﻬﺎ ﺗﺤﺎﻭﻝ ﺗﺨﻔﻲ ﺍﻟﻌﺒﺮﻩ ﺍﻟﻲ ﺑﺪﺍﺧﻠﻬﺎ
ﺯﻳﻨﺐ ﺑﺎﻭﻋﺘﻠﻬﺎ ﺑﺘﺴﺎﺅﻝ ﻏﺰﻭﻟﻪ ﺷﺒﻴﺞ ﺣﺒﻲ
ﻏﺰﻝ ﺑﺎﻭﻋﺖ ﻟﺰﻳﻨﺐ ﺑﻌﻴﻮﻥ ﻣﺪﻣﻌﻪ ﻭﺑﻌﺪﻳﻦ ﺣﻀﻨﺘﻬﺎ ﻭﻛﺎﻣﺖ ﺗﺒﺠﻲ
_ ﻳﺎﺍ ﻏﺰﻭﻟﻪ ﺣﺒﻴﺒﺘﻲ ﺷﺠﺎﺝ ﻣﻨﻮ ﻭﻳﺎﺝ ﻋﻤﺮﻱ ﻭﻟﺞ ﺷﺒﻴﺞ ﺍﺣﺠﻲ ﻭﻛﺎﻓﻲ ﺑﺠﻲ
_ ﻏﺰﻝ ﻭﻫﻲ ﺗﻤﺴﺢ ﺑﺪﻣﻮﻋﻬﺎ ﻻ ﻣﺎﻛﻮ ﺷﻲ ﺑﺲ ﻫﻴﺞ ﺿﺎﻳﺠﻪ
_ ﺯﻳﻨﺐ ﺑﺤﺰﻥ ﻣﻴﺨﺎﻟﻒ ﺣﺒﻴﺒﺘﻲ ﺑﺲ ﻣﺘﺄﻛﺪﻩ ﻣﺎﻛﻮ ﺷﻲ ﺛﺎﻧﻲ
_ ﻻ ﻣﺎﻛﻮ
_ ﺯﻳﻦ ﻳﻠﻪ ﻛﻮﻣﻲ ﺧﻞ ﻧﺼﻌﺪ ﻟﻐﺮﻓﺘﻲ ﻧﺸﻮﻑ ﻓﻠﻢ ﺍﻧﻲ ﻭﻳﺎﺝ
ﻛﺎﻣﺖ ﻭﻳﺎﻫﺎ ﻭﺻﻌﺪﻥ ﺍﻟﺪﺭﺝ ﻓﺎﺗﻦ ﻟﻠﻐﺮﻓﻪ ﺷﺎﻓﻦ ﻗﺘﻴﺒﻪ ﻭﻣﺮﻳﻢ ﻣﻬﻮﺳﻴﻦ ﺍﻟﻐﺮﻓﻪ ﻭﻣﺸﻤﺮﻳﻦ ﺍﻟﻤﻼﺑﺲ ﺑﻜﻞ ﻣﻜﺎﻥ ﻭﻳﻜﻤﺰﻭﻥ ﻋﺎﻟﺠﺮﺑﺎﻳﻪ ﺑﺲ ﺷﺎﻓﻮﺍ ﺯﻳﻨﺐ ﺧﺎﻓﻮﺍ ﻭﻛﻌﺪﻭﺍ ﻋﺎﻟﺠﺮﺑﺎﻳﻪ ﻋﺎﻗﻠﻴﻦ
ﺯﻳﻨﺐ : ﺑﻔﺰﻉ ﻭﻟﻜﻤﻤﻢ ﻫﺎﺍﻱ ﺷﻨﻮﻭﻭ ﺍﺩﺑﺴﺰﺯﻳﻪ ﻧﺰﻟﺖ ﺧﻤﺲ ﺩﻗﺎﺋﻖ ﻫﻴﺞ ﻣﺴﻮﻳﻦ ﺑﺎﻟﻐﺮﻓﻪ ﻣﻦ ﺧﺮﺑﺤﻈﻲ ﺷﻮﻭ ﻛﺪﺍﻣﻲ ﺍﻧﺰﻟﻮﺍ ﻭﺍﻟﻴﺼﻌﺪ ﺍﻛﺴﺮ ﺭﺟﻠﻴﻪ ﻳﻠﻠﻠﻪ
ﻟﺰﻣﺖ ﻗﺘﻴﺒﻪ ﻣﻦ ﺃﻳﺪﻩ ﺗﺨﺎﻑ ﻋﻠﻴﻪ ﻳﻮﻛﻊ ﺍﺑﻮﻫﺎ ﻣﻨﺒﻬﻬﺎ ﻣﺎﻳﻨﺰﻝ ﻭﺣﺪﻩ
ﻧﺰﻟﺘﻪ ﺍﻟﺪﺭﺝ ﻭﻛﺎﻟﺘﻠﻬﻢ ﺭﻭﺣﻮﺍ ﻳﻢ ﺑﻴﺒﻲ ﻭﺍﻟﻴﺠﻲ ﻳﺎﻭﻳﻠﻪ
ﻫﻤﻪ ﺭﻛﻀﻮﺍ ﻟﻐﺮﻓﻪ ﺑﻴﺒﻴﺘﻬﻢ ﻭﻫﻲ ﺻﻌﺪﺕ ﺗﺘﺤﻠﻄﻢ ﻓﺎﺗﺖ ﺍﻟﻐﺮﻓﻪ ﺷﺎﻓﺖ ﻏﺰﻝ ﺗﻌﺰﻝ ﺑﺎﻟﻐﺮﻓﻪ ﺑﻬﺪﻭﺀ
ﺯﻳﻨﺐ : ﺍﻭﻭﻑ ﻣﻨﻬﻢ ﺍﻋﺰﻝ ﻣﻨﺎ ﻳﻮﺳﺨﻮﻥ ﻣﻨﺎ ﻭﺍﻟﻠﻪ ﺍﻟﺼﻮﺝ ﻣﻨﻲ ﻣﺼﻌﺪﺗﻬﻢ ﻳﻤﻲ
ﻋﺰﻟﻦ ﺍﻟﻐﺮﻓﻪ ﻭﻛﻌﺪﻥ ﻋﺎﻟﺴﺮﻳﺮ ﺯﻳﻨﺐ ﺿﻠﺖ ﺗﮕﻠﺐ ﺑﺎﻟﻤﻮﺑﺎﻳﻞ ﺣﺘﻰ ﺍﻃﻠﻊ ﻓﻠﻢ ﺣﻠﻮﻭ ﺷﻮﻳﻪ ﻭﺻﺎﺣﺖ
ﺯﻳﻨﺐ : ﻫﺎﺍﺍﻱ ﺷﻨﻮﻭﻭ
ﻏﺰﻝ ﻓﺰﺕ ﺑﺴﻢ ﺍﻟﻠﻪ ﺷﺒﻴﺞ ﻭﻟﺞ ﻓﺰﺯﺗﻴﻨﻲ
ﺯﻳﻨﺐ ﻛﺎﻣﺖ ﻛﺪﺍﻡ ﻏﺰﻝ ﻭﻟﺰﻣﺖ ﺃﻳﺪﻫﺎ ﻭﺗﺒﺎﻭﻉ ﻟﻠﺨﺎﺗﻢ
ﺍﻟﻠﻠﻠﻪ ﻭﻟﺞ ﻏﺰﺯﻝ ﻣﻨﻴﻠﺞ ﻫﺬﺍ ﺍﻟﺨﺎﺗﻢ ﻳﺠﻨﻨﻦ
ﻏﺰﻝ ﺑﺨﺠﻞ ﻭﻫﻲ ﺗﺨﻔﻲ ﺃﻳﺪﻫﺎ : ﻫﺎﺍ ﺍﺀﺀ ﺍﻣﻤﻢ
ﺯﻳﻨﺐ : ﺷﻬﻜﺖ ﻭﺑﺎﻭﻋﺖ ﻟﻐﺰﻝ ﺑﻤﻜﺮ ﺑﺎﺑﺎ ﺟﺎﺑﻪ ﻣﻮﻭﻭ
ﻏﺰﻝ ﺣﻮﻣﺮﺕ ﻣﻦ ﺍﻟﺨﺠﻞ ﻭﻫﺰﺕ ﺭﺍﺳﻬﺎ
ﺯﻳﻨﺐ : ﺍﻱ ﻋﻴﻨﻲ ﻫﺪﺍﻳﺎ ﻭﻛﺬﺍ ﻭﻏﻤﺰﺗﻠﻬﻪ
ﻏﺰﻝ ﺿﺮﺑﺘﻬﺎ ﻋﻠﻰ ﺑﻄﻨﻬﺎ : ﻭﻟﺞ ﻛﺎﻓﻲ ﺯﻳﻨﻨﺐ
ﺯﻳﻨﺐ ﻛﺎﻣﺖ ﺗﻀﺤﻚ ﻋﻠﻴﻬﺎ ﻣﺎﺧﻠﻴﺞ ﺗﺸﻮﻓﻴﻦ ﻓﻠﻢ ﻭﻳﺎﻱ ﺍﺫﺍ ﻣﺎﺩﻛﻠﺘﻲ
ﻏﺰﻝ ﺿﺤﻜﺖ ﻭﻃﻠﻌﺘﻠﻪ ﻟﺴﺎﻧﻬﺎ 😝 ﻣﺎﺭﻳﺪ ﺍﺻﻼ ﻋﻨﺪﻱ ﻣﻮﺑﺎﻳﻞ
ﺯﻳﻨﺐ : 😳 ﺗﺠﺬﺑﻴﻦ ﻣﻨﻴﻠﺞ
ﻏﺰﻝ : ﻫﺪﻳﻪ 😝😁 ﻭﻃﻠﻌﺖ ﻣﻦ ﺍﻟﻐﺮﻓﻪ ﺭﻛﺾ
ﺯﻳﻨﺐ ﺭﻛﻀﺖ ﻭﺭﺍﻫﻪ ﺗﺮﻳﺪ ﺗﺸﻮﻑ ﺍﻟﻤﻮﺑﺎﻳﻞ : ﻭﺍﻟﻠﻪ ﺣﻈﻮﻅ ﺍﻧﻲ ﻫﻢ ﺍﺭﻳﺪ ﻓﻮﻥ ﺟﺪﻳﺪ ﺷﻨﻬﺎﻱ 😭😐 ﻭﻟﺞ ﻏﺰﻳﻠﻪ ﺧﻞ ﻧﺒﺎﺩﻝ ﺣﺒﺎﺍﺍﺑﻪ
ﻏﺰﻝ : ﻳﺎﺍﺍ ﻻ ﻋﻴﻨﻲ ﻣﺎﺑﺎﺩﻝ
ﺯﻳﻨﺐ : ﻳﻠﻪ ﺑﻌﺪ ﺷﻬﺮﻳﻦ ﻋﻴﺪ ﻣﻴﻼﺩﻱ ﻭﺍﻛﻮﻝ ﻟﺒﺎﺑﺎ ﻳﺠﻴﺒﻠﻲ ﺍﺣﻠﻰ ﻣﻦ ﻣﺎﻟﺘﺞ ️☹
ﻭﺿﻠﻦ ﻳﻀﺤﻜﻦ ﻭﻳﺴﻮﻟﻔﻦ
.
.
.
.
ﺑﻠﻴﻞ ﻛﺎﻋﺪﻳﻦ ﺑﺎﻟﻬﻮﻝ
ﺩﺧﻞ ﺳﺮﻣﺪ ﻋﻠﻴﻬﻢ ﺳﻠﻢ ﻭﺭﺍﺣﺖ ﻧﻀﺮﺍﺗﻪ ﻟﻐﺰﻝ
ﻫﻲ ﺑﺴﺮﻋﻪ ﺳﻠﻤﺖ ﻭﺷﺮﺩﺕ ﻣﻦ ﻳﻤﻪ
ﻫﻮ ﺿﺤﻚ ﺑﺪﺍﺧﻠﻪ ﻋﻠﻴﻬﺎ ﻋﺮﻓﻬﺎ ﺭﺍﺡ ﺗﺎﺧﺬﻟﻬﺎ ﺷﻬﺮ ﺗﺘﻬﺮﺏ ﻣﻨﻪ
.
.
.
ﻭﺭﻩ ﻣﺮﻭﺭ ﻛﻢ ﻳﻮﻡ ﻭﻏﺰﻝ ﺍﻱ ﻣﻜﺎﻥ ﻳﺘﻮﺍﺟﺪ ﺑﻴﻪ ﺳﺮﻣﺪ ﻫﻲ ﺗﻜﻮﻡ ﻣﻨﻪ ﻭﺧﺎﺻﻪ ﻫﻮ ﺑﺲ ﺑﻠﻴﻞ ﻣﻮﺟﻮﺩ ﻻﻥ ﻋﻨﺪﻩ ﺷﻐﻞ ﻭﻣﺮﺍﺕ ﻳﻠﺰﻡ ﺧﻔﺎﺭﺍﺕ ﺑﻠﻴﻞ ﻭﻛﻠﺒﻪ ﻃﺎﻙ ﻋﻠﻴﻬﺎ ﻣﺸﺘﺎﻗﻠﻬﺎ ﻛﻠﺶ ﺑﺲ ﻣﺨﻠﻴﻬﺎ ﻋﻠﻰ ﺭﺍﺣﺘﻬﺎ .. ﺣﺘﻰ ﻏﺮﻓﺘﻬﺎ ﻛﺎﻣﺖ ﺗﻘﻔﻠﻬﺎ ﺑﻠﻴﻞ ﺟﺎﻥ ﻋﺎﻻﻗﻞ ﻳﺸﻮﻓﻬﺎ ﻫﺴﻪ ﺣﺎﺭﻣﺘﻪ ﻣﻨﻬﺎ ﻭﻃﺎﻙ ﻋﻠﻰ ﺷﻮﻓﺘﻬﺎ
.
.
.
.
ﺍﻟﻜﻞ ﻛﺎﻋﺪﻳﻦ
ﺩﻙ ﻣﻮﺑﺎﻳﻞ ﺍﻟﺤﺠﻴﻪ : ﺍﻟﻮﻭ ... ﻳﺎﻫﻼ ... ﺍﻟﺤﻤﺪ ﻟﻠﻪ ﺍﻧﺘﻲ ﺷﻠﻮﻧﺞ ... ﺍﻟﻠﻪ ﻳﺴﻠﻤﺞ .... ﻫﻼ ﺑﻴﻜﻢ ﺑﻜﻞ ﻭﻗﺖ ﺗﻨﻮﺭﻭﻧﻪ ﻭﺍﻟﻠﻪ ..... ﻫﻼ ﺑﻴﺞ ﻳﻤﻪ .... ﻣﻊ ﺍﻟﺴﻼﻣﻪ
ﺯﻳﻨﺐ : ﺑﻴﺒﻲ ﻣﻨﻮ ﺭﺍﺡ ﻳﺠﻴﻨﻪ
ﺍﻟﺤﺠﻴﻪ : ﻫﺎﻱ ﺑﻨﺖ ﺍﺧﺘﻲ ﺧﺎﻟﺘﺞ ﺣﻨﺎﻥ ﺭﺍﺡ ﺗﺠﻲ ﻫﻲ ﻭﻋﺎﺋﻠﺘﻬﺎ ﻳﻤﻨﻪ ﻋﺪﻫﻪ ﺯﻳﺎﺭﻩ ﻻﻫﻠﻬﺎ ﻭﺭﺍﺡ ﺗﻤﺮ ﻋﻠﻴﻨﻪ
ﺯﻳﻨﺐ ﺑﻔﺮﺡ : ﺍﻟﻠﻪ ﻳﻌﻨﻲ ﺭﺍﺡ ﺗﺠﻲ ﺭﻗﻴﻪ
ﺍﻟﺤﺠﻴﻪ : ﺍﻱ ﺗﺠﻲ ﻫﻲ ﻭﺍﺧﻮﻫﺎ
ﺯﻳﻨﺐ : ﺍﻭﻭﻉ ﺑﺲ ﻻ ﺭﺍﺡ ﻳﺠﻲ ﺯﻳﺪ ﻭﻳﺎﻫﻦ
ﺍﻟﺤﺠﻴﻪ ﺧﺰﺭﺗﻬﺎ : ﻋﻴﺐ ﺷﻨﻮ ﻫﺬﺍ ﺍﻟﺤﺠﻲ ﺍﺑﻦ ﺧﺎﻟﺘﺞ ﻭﻏﺼﺒﺎ ﻋﻠﻴﺞ ﺗﺤﺘﺮﻣﻴﻪ
أنت تقرأ
غزالة سرمد
Fiksi Umumالقصه الضابط وغزل الصغيرونه هذه القصه تتحدث عن ضابط متزوج وعنده 3 جهال..........؟؟؟ قصة رومنسيه جرئيه........... نور ال محمد
