......
يجلس يبكي بنهيار و قدامه ضفدع ميت
يصيح بصوت مبحوح عالي
:...ضفدعي لا ي ضفدع لاااعااا ليش ليش اكلتك نمله امس ليش مت تكفى!
يشيل الضفدع الميت بين يدينه يقربه من وجهه المليان دموع
:...لا تموت تكفى لا لا!
يدخل عليه صديقه و شريكه بسكن يشوفه جالس بالارض
وشايل الضفدع الي فاتح فمه واضح انه ميت
:...مايد وشفييك؟
يقوم مايد برجفه يقرب الضفدع منه
:...شوف يا بااسم شوف ضفدعي مااات!
يقلب باسم عيونه بملل ...لطالما كان صديق طفولته حساس بطريقه متناقضه
كان مايد يحب يجمع الكائنات بجميع انواعها أما الحشرات هو حرفيا يعشقها
طفولته مع صديقه مايد كانت مميزه ...
كانت مغامراتهم عبارة عن انهم يدسون حشرات و يربونها بالبيت
يسببون جنون أم مايد الي ترتعب من الحشرات
و ما ينسى يوم قرر مايد يربي بيضة الثعبان الي لقيها بالبر...
بس كانت نهايته المستشفى لانها لدغته اول ما فقست
و يوم عرف ان ابوه قتلها
زعل منهم كلهم حتى انه زعل منه
و هو للحين ما يدري و شدخله عشان يزعل منه و كل ما يذكره يرد مايد عليه بامتعاض
:...كنت تقدر تدسها عن ابوي و ما تخليه يقتلها!
كبر هو ومايد مع بعض رغم انه اكبر منه بسنه الا انهم كانو اعز الاخويا
و كأنهم أخوان...درسو مع بعض الين دخلو الجامعة
و مثل ما توقع الكل دخل مايد تخصص الأحياء لحبه لكل شي حي
أما هو فدخل تخصص الأمن الدولي لميوله الكبير له...
اطرو يسافرون لرياض بسبب قبولهم بالجامعة
كان هو و مايد ساكنين بغرفة وحدة بسكن الجامعة
على الرغم من انهم شارين شقه ملك لكن كانت بعيده عن الجامعة
فا فضلو يسكنون هناك اقرب لهم...
و الضفدع الي بين يدين مايد قد هربه من المختبر
تحت ادعائه انه انقذه من مصيره المحتوم ما يبيهم يشرحونه فا انقذه
و ماكذب يوم قال انه متناقض لنه متاكد انه بيشرحه و بيدرس عليه
يقول بتعب نفسي يمسك جبهته بصداع
:...مايد ليش تبكي عليه ونت بتشرحه بعد شوي!
يمسح انفه يقوم يحطه بالحوض الصغير
:...وخر اهم شي اني ما كنت السبب بموته!
يتنهد يمشي يفصخ ملابسه
:...تصدق ان دكتورك كلمني!
يلتفت له بسرعه يقول بلهفة
:الدكتور صقر!؟...وش قالك؟
:...قال وهو يضحك عليك انه يدري ان كل شي حي يختفي من مختبره تكون انت الي سارقه!
يرد وهو يجهز شنطة السفاحين مثل ما سمها باسم
:...هو يحبني ما بيقول شي!
