( وكم هي الخيانة بسيطة ككسر قشرة البيضة...)
............
........Flash back........
يدخل يتنهد يحط أغراضه على مكتبه يجلس بتعب
يفتح الثلاجة الصغيرة ساحب قارورة موية بارده
يشربها بعطش وهو يناظر بحوض السمك قدامه يصغر عيونه بشك
و بعد ثواني يوسعها بصدمها يشرق وهو يشرب يكح كحات متتالية
يمسك الحوض يقربه منه وهو يتفحصه بصدمه
يصيح...:كييييف؟
يدقق بالبيوض الصغيرة المنتشرة بالحوض
يعقد حواجبه سمكته السوداء يوم فحصها كانت أنثى
و البيضاء فحصها قبل و كانت أنثى بعد...مايصير!!
يفز بسرعه لابس قفازاته يقرب من الحوض يرجع يفحص البيضاء ممكن غلط أو لخبط
بس البيضاء نفسها أنثى!
يوسع عيونه هو متأكد مية بالمية أن هيبة انثى لنه فحصها اكثر من مره
يوم اهدها صقر له ...
يحس بالبيضاء تتحرك بسرعه بيده يرجعها
يمد يده وهي ترجف يمسك السودا يطلعها يفحصها
وهنا يشهق لانها ذكر وهو متاكد انها كانت انثى كيف صارت ذكر؟
يرجعها يرمي قفازاته يحط يده ع فمه يسترجع الاحداث الي صارت
وجهه باسم القامط ...أثر القزاز الي تجاهله ...
عبدالاله إلي فجأة جاب سمكه بيضا ومن نفس نوع سمكته لباسم
يعقد حواجبه يبدا يربط كل شي ببعض وماهو غبي عشان لا يخمن الي صار
يعني هيبه ماتت؟
مو مغبون من شي كثر أنها ماتت ولادري عنها
يتمتم بغصه:...ياحليلها!
يدق جواله فجأة
يفز ياخذه يشوف صقر مرسله
يسرح ...صقر يعرف ؟
يقوم بسرعة يتجهه للباب
يمسح وجهه و يعدل شعره و عيونه على حوض السمك
