.
.
وعد وهي تنادي : ملاااذ وينك
ملاذ وهي تعدل العبايه : يعني لازم اجي
وعد : ماقدر اعيش بدونك
طلعو ولفو سريع على البيت وقالت ملاذ : وين راح ذا
وعد : المشكله سيارته موجوده
ملاذ : هو خويه صقر صح؟
وعد : شدراني مين صقر اصلا
ملاذ وهي تأشر عليه بيدها: شوفيه ذاك ولد ام صقر
وعد : ماعرفه يابنتي
ملاذ : طيب بسأله... صقرر
صقر التفت عليهم وقرب عندهم وهو منزل عيونه: هلا
ملاذ : شفت نياف
صقر : لا والله
وعد : ياليييلل وين راح ذا
نياف طلع من وراهم : هيه
وعد لفت وضربته على كتفه : وينك انت!
نياف : بسم الله متى طلعتو انتو
ملاذ : راسي صدع ادخل البيت
نياف : وليه
وعد: وش الي ليه ماتحمد ربك بعد ياحضرت السيد نياف طالعين في ذا الشموس ندور عليك عشان تدخل البيت ترتاح
نياف ضحك : غصب يلا يلا بس امشو
ملاذ :قسم بالله مايفيد الطيب في عيال هذا الزمن
وعد بسخريه : العيال وش متوقعه منهم
مشو والتفت نياف على صقر : بسم الله من متى انت موجود
صقر استوعب : هاه ياخوك من يوم جيت انت وانا هنا
نياف : سو نفسك ماسمعت شي انفداك
صقر ضحك : زين وشخبارك انت مالك حس
نياف : ابد اشغال الحياه انت شلونك شلون عمي
صقر : الحمدلله كلنا بخير وشذا الرسميات
نياف: يمكن ضربت شمس المهم بروح ارقد اذا قمت بجيك انت والعيال عاد ظبطو الجلسه
صقر : زين مير لاتسحبها نومه
نياف : معليك
دخلو البيت وفكو عباياتهم
وعد : وربي ماخليه
ملاذ : خلاص احسني دخت منكم
وعد : ياعمري ملوذي معليك باأدبه انا
ملاذ : وش قلتي؟
وعد : باأدبه لك
ملاذ : لا قبلها قبلها
وعد ضحكت : ملوذي
ملاذ : اخ ياراسي بينفجر
ريم طلعت بحماس : بناتتتت امي دقتت علي تقول خالك جاي بالطريق
ملاذ بحماس: الله حماس ابي اشوفهم اشتقت للهنووف احس ذكريات
وعد : اييييه مع انهم مايجون كثير بس صدق ذكريات حلوه
ريم : اممم احسني مو مرتاحه مره بس احس حلو احداث جديده
ملاذ : انتي تتابعين مسلسلات كثير ذي الفتره صح
ريم : النقاش معكم متعب
وعد : ملوذي صدق وين مكتبتك ابي اشوفها خلصتيها
ريم جلست وهي تضحك: مقدرررر ملوذي اجل
ملاذ : اف وعد لاتقولين ذا الاسم
وعد: وش تبين اناديك
ملاذ : ملاذ !
وعد: طيب طيب ميمي حلو صح
ريم : الله لايشغلنا الا بطاعته
ملاذ : قلت لك ملاذ يلا تعالو اوريكم المكتبه
رقو الدور الثاني وفتحت لهم ملاذ
وعد : واووووو!!!! ملاذ كيف كذا ماشاءالله تجننن مره
ريم : اييييي كيف خلصتيها وكيف كذا احس اني بمكتبه صدق
ملاذ ابتسمت : لاتبالغون
ريم : والله ماابالغ يعني شوفي بيت امي نوره كله قديم لانه بالديره لكن مكتبتك مدري شلون تحسينك بالعصر الحاضر
وعد : شذا كلامك مب مفهوم بس صح صادقه
ملاذ ابتسمت : يلا اول ناس بيقرون كتبي انتو
ريم : لحظه الحين كل ذا طلبتيه بوقت واحد
ملاذ : تستهبلين والكتب الي تشوفيني اقراها 24 ساعه وشهي
ريم : ماتوقعتها كثيره كذا
وعد : هذي غبيه احسها في عالم موازي
ريم ضحكت : انا ولا انتي على الاقل انا وملاذ عندنا احلامنا وهوايتنا انتي وش عندك
وعد تكتفت : لا والله وش احلامك يالاخت ريم
ريم : بصير محاميه وملاذ تقرا كتب يعني مثقفه وكذا لكن انتي
وعد: حبيبتي انتي مره رسامه ومره محاميه حددي شي واحد وبعدين من قالك ماعندي هوايات طبعاً عندي
ملاذ ضحكت: وش هواياتك
وعد تفكر : الطبخ والقراءه ووو
ضحكت ريم: اااااخ تسمين هذي هوايات
ملاذ : اي هوايات هذي بس وش احلامك يعني وش تبين تصيرين بالمستقبل
وعد : هذا مافكرت بس تخصصي ادارة اعمال
ريم : اجل لاتجلسين تتفلسفين على راسي
وعد : اقول اسكتي انتي بزر وتسولف
ريم : يا...
ملاذ : وجع خلاص ازعجتينا انتي وياها اسمع جوالك يدق ياوعد روحي اخذيه
