صحت اليوم بتفائل وصلت واتجهت للمطبخ التفت حولها وضحكت من جات الفكره براسها ودخلت على غرفة البنات ولعت النور : نداء نداء ابي وحده تقوم تجرب حياة الديره
ريم وهي تفرك عيونها : قفلي النور شذا عيوني
وعد بنوم : ملاذ مو وقتك
الهنوف جلست : جوي
ملاذ ضحكت وتكتفت : مادام انتي يالهنوف عارفه اجواء الديره خلينا نخلي وحده من ذولي الثنتين
وعد: بنات تكفون ابي ارقد مارقدت الا الفجر
ريم قامت : انا بتكفل بالمهمه
ملاذ : كفو هذي البنت السنعه
الهنوف : شفيتس انتي صرتي نفس الامهات
ملاذ : حبيت الشعور
ريم : يلعن ام التخف ياشيخ
ملاذ : وجع لاتلعنين
الهنوف: اعوذ بالله متحور امهاتنا بدا ينتشر
ملاذ ضحكت : اقول لايكثر والبسي عبايتك ياريم وامشي
ريم وهي تلبس عبايتها وتلحق ملاذ : شكلي مابلبس نقابي عادي
ملاذ : اي عادي انا اذا رحت اخذ البيض مالبس لانه جنب البيت اصلا
ريم :سؤال هل انتي تستمتعين
ملاذ : طبعاً
ريم: هو متعه بس احس اذا كل يوم لااا
ملاذ : لا مو كل يوم اذا خلص البيض اجي
ريم : ايه كذا وناسه
فتحت الباب ملاذ ولفت على ريم : حطي الطرحه على وجهك اذا وصلنا عند الشبك افتحيها
ريم : ادري موب انتي الي تعلميني
ملاذ : لو ماعلمتك كان طلعتي كنك مهبوله بدون طرحه
ريم : مايضحك
ملاذ وهي طالعه : ماقلت نكته
ريم وهي تمشي جنبها: مسويه لعبتي الردود
ملاذ : عليك ربط مواضيع
ريم : اص بس هذانا وصلنا يلا ادخلي
ملاذ : لا والله وش بتسوين انتي
ريم : بشوفك واتعلم
ملاذ : محسستني بتطبخين حبيبتي ترا بس خذي البيض الي طايح
ريم : ابلش
ملاذ ضحكت : شكلك خايفه يالمحاميه
ريم : ضحكتيني يلا بس ادخلي قدامي وانا وراك واوريك الشغل الصح
قربو يفتحون الشبك الا ينفتح الباب ويصرخون البنات وبدا يضحك بقوه
ريم ركضت عنده وضربته: ماتستحي انت الله ياخذك قلبي
نياف وهو ميت ضحك: اقطع شكلكم انشهد انكم رفل
ملاذ صرخت: مايضحك انقلع عن وجهي
نياف مسح دموعه : لاتهايطين انتي وياها لا اجيب ذا الدجاجه واحطها في راستس
ريم : جرب بس عشان والله العظيم ماتسلم مني
سلطان وهو طالع : وش ذا الفوضى
نياف : اقول ادخل عن محارمنا
ريم : من ذا
نياف : ولد خالنا
ملاذ بصوت خفيف: اوف هذا سلطان مايشبه الهنوف
ريم بهمس لملاذ : صدددق الهنوف احلى
سلطان تنحنح : نياف امي نوره تبيك تروح الدكان
نياف : زين ادخل انت داخل وذولي يجيبون البيض
ريم : نياف والله لو تسوي شي ثاني ان اعلم امي
نياف : اصغر عيالتس تعلمين امي علي اقول طسي بس
ريم : جرب بس تسوي شي والله ان اسويلك شي تندم عليه
نياف تكتف : يلا وش بتسوين
لف على سلطان : انت للحين هنا ادخل ياورع
سلطان : اقول اسمع بس امي نوره تقولي خل المرجوج نياف يروح الدكان ويجيب 2 قشطه ووحده تونه
ريم : صدقت امي نوره مرجوج
ترف وهي جايه : السلام عليكم
ملاذ وريم : وعليكم السلام
ملاذ : تروووفه اهلين
ريم ركضت لترف وحضنتها : اوف ترف اشتقت لك
ضحكت ترف : ماقدر احضنك القهوه بيدي
نياف تنحنح: انا وسلطان بنروح تبون شي
ملاذ : لا بس لاتنسى التونه
نياف هز راسه وهو ماشي : لاحول
ترف ضحكت : شفيه
ريم : ابد والله من صباح الله خير جايين ناخذ البيض الا فجاءه يطلع بوجيهنا
ملاذ : مسبب لنا رعب
ترف وهي تضحك :ياحليله
ريم : ياحليله اجل الله يصبرنا بس
ملاذ : اي والله ترف مادامك جيتي ماودك تساعدينا نجيب البيض
ترف وهي ترفع كتوفها : انا متعوده اجيب كل يوم خلي ذي
ريم : خير وشذا الحقد
ترف : اقول بس بدخل اشوف بنت خالكم
ملاذ : شفتي الي مع نياف
ترف : ايه عرفته اخوها سلطان
ريم :يمه كيف عرفتيه
ترف : وش يعني ماعندكم ولد غير نياف والثاني اكيد سلطان
ملاذ : ذكيه
ترف: ادري يلا بروح اسلم عليهم
دخلت ترف وهي تضحك وقابلت الجده نوره وام نياف وام سلطان وسلمت عليهم
الجده نوره : ترف يامي قومي البنات
ترف : لا عادي خليهم مرتاحين الحين بيجون ملاذ وريم
