ههلااوو
شلونكم شريان قلبي ❤
نبدي بأول بارت من قصتنه!!.
***********************
عائلة ظالمة ، مُعقدة ، تنطي حقوق للرجُل اكثر من المرأة ويعتبرون المرأة عيبٌ
اذا ماتزوجت
يقدسون الرجال وميصير كلمة من بعد كلمتهم وماياخذون موافقة المرأة بالزواج اذا اهلها وافقوا يزوجوها ماوافقوا ميزوجون
ماعندهم شيء اسمة حُب
واليدرون بيها تحب او تعشگ هاي عار!
هذا چان تفكير الجاهلية الي لحد الان
اكو عقول هيج بس قليلين!
نسرين: كُلش صعبة اتزوج من شخص
وگلبي وعقلي وي شخص ثاني!
شنو ذنبي حتى انكتبلي اتمرمر كُل عمري؟
::ـ يااا هاي بعدج ماكملتي غريضاتج!
بچيت بقلة حيلة
نسرين: يمة ليش هيچ تسوين بية؟
تدرين بيه كُلش زين اني گليبي
هاوي ابن اختج!
اجت بسرعة علية تسد حلگي
::ـ اشش ولچ لا يسمعونج والله يذبحوج
وخرت ايدها وصارت گبالي تحجي
بعصبية
::ـ تدرين بينه العشگ مو ثوبنه
باوعتلها بقلة حيلة لأن اعرف
مايفيد الحجي
واجة يوم عرسي من ابن عمي وياريته ماجة اكثر واحد اكرهه من ابن عمي احمد وتالي صرت زوجته؟!
وانزفينة وانسد علينه الباب ومن تعرفت على شخصية احمد گلت ريتني باقية بس على قبل وكرهي مال قبل
احمد انسان افشل من الفاشل مخلص حياتة بالشرب والنوادي الليلية
ومع كل هذا اهله محسسيني ماخذة الامير مو واحد شراب عرگ!
اخر شيء من كثرت زعلاتي لبيت اهلي علمود اهله ابوي راد يخلص مني وانطاني بيت ببغداد واني عندي جعفر وسُمية
رحنه البغداد وگعدنه بالبيت وماتغير شيء التغير بس زادت طلعاتة وتأخرة
وولدي طلعوا خبيثين على اجدادهم وكا مايرحون الاجدادهم ويرجعولي الگاهم مشحونين علية
واحمد اوف ياحمد اذا ماعجبة شيء شال أي شيء گدامة ويفلشة علية جسمي صار كلة اثار ضرب وزراگ وخضار فضييع
وهيج مرت السنين الحد ماصاروا عندي جعفر وسُمية وناصر ومقتدى وروان و ورود وختامها بيوسف
