ههلاوو يُبا
شلونكم مشتاقين
ممكن
تصويت + متابعه + تعليق
...........................♡.........................
رجعنه للبيت لكينه الكل نايم ڪُل واحد راح الغرفته اني دخلت صورت شويه وبعدها سبحت ومسحت المكياج ونمت
.........
مريم
حرفيًا اجمل بداية سنه مرت عليه اول مره اطلع دائمًا جنه اني وهـُدى نوكف يم الشباك ونسمع صوت السعادات بهيج وقت بس هل مره شفت شلون يطلقون السعادات وشلون ااناس كلها كاعده بفضل اخوتي كدرت اطلع والا اني چان نفس ڪُل بداية سنه
بس المحلو باليوم انُ هـُدى مو وياي چنت دائمًا هيَّ اول وحده اعايدها بدخول العام الجديد هاي المره ماكو هيَّ يمي
سبحت ونمت كعدت ثاني يوم ؏ رنه مال عرگه غسلت وجهي ولبست حجابي ونزلت ولكيت الشيخه ام محمد ترزل بجناينها رحت صبحت ؏ ماما
نجمه: يمه روحي اخذي حسن شلع گلب مرة اخوج
مريم: ها يمه بعدنه بسم الله هسه كعدت
نجمه: هوَ احمدي ربج ترى الساعه بـ 11 لو ما كيان كال عوفوها نايمه چان عمتي من الصبح صعدتلج بالعوده
مريم: حيل ولا انتبهت للساعة
نجمه: ولجج روحييي اخذي حسن لا تسودنيني
رحت حتى اخذ حسن من رؤى شفتهم يتباچون واني شلون الي خلگ اسمع رنه البچي مال جهال اتخبل منه
مريم: اشو انطيني حسن
اخذت حسن اشو هذا يملخ بيه انوب طالعاتله اضافر موتني حسن وحسين نفس الوكاحه ماينجرعون بس لبوة ميته بحسن وهو يموت ؏ لبوة من تجي يرفع الها ادي بمعنى شيليني
حسين يغار يضل يباوع بالوجوه تجي فاطمه تشيله وتبوسه وتاخذه الغرفتنه
صبينه غده تغدينه وصبيتلهم چاي وماكو احد جدي نايم وبعض من عمامي هم ابوي نايم ولولد طالعين بالشغل بعدهم مجايين واحنه النسوان ملتمات بالصاله كملنه الچاي وڪُل واحد راح الغرفته واني اخذت فون امي ورحت الغرفتي اخابر بـ هـُدى
مريم: الوو
هـُدى : هلا عيوني
مريم: هلا بيج چنتي نايمه؟
هـُدى : لا وين انام گاعده
