ههلاوو
شلونكم قَلبي
تكول لبوة لـ مهيوب...
شلونك ؟
بالتراب شلون كَاضيها ؟
هيج بصُورتك ضليت احاجيها .
المفروض الوَرد يندفن بالبُستان .
شجابك للكُبور شَعرفك بيها ؟
يَابو ضحكة الحلوه هِاي تاليها .!!
...............................♡...............................
كرار جتفها وحيدر ضربها ابره هيَّ ثواني وهدئت ونامت
نجمة: اهخخخ يايمه ليش هيج لبوة ليش هيج اسوين بروووحج ليششش
ضلن عماتي ونسوان عمامي يصبرن بيها .... شوايه وكالو ام رائد اجت رجعنه الوضع طبيعي ولا عبالك اكو شيء
استقبلنه ام رائد وجنتها وضيفناهن
ام رائد: البقية بحياتكم وخاتمة الاحزان يارب
ام محمد: مشكوره ام رائد وحياتج الباقيه خيه
ام رائد: حبيبة الله يصبركم ويقويكم ويبرد كلبكم بوفاة الشيخ ويا خيه لا تسون بروحجن هيج والله ميصير هاي السيدة زينب بطلة كربلاء عليه السلام .... شافت اخوتها و ولدها كدامها يذبحون شلون لو انتِ؟ .... بمكانها ومع ڪُل هذا ضلت تحمد ربها وتشكره
ام عزام: خيه روحة الشيخ من ادينه خلت جمرة بگلوبنه وضوگتنه الوعه وصرنه لا ليلنه ليل ولا نهارنه نهار
ام رائد: حبيبه الله يكون بعونكم ويقويجن ؏ فراك الشيخ ... يلا انه هم يلا اروح مرخصتجن
ام محمد: يااا خيه وين رايحه
ام عزام: هسه اجيتي وتردين تروحين
ام وائل: مايصير ومانخليج تروحين ابدد
ام رائد: خيه هم يلا اروح وراي عايله صدُگ وين لبوة اسلم عليها واروح
ام عزام: خيه من اجت من المستشفى لحد الان وضعها ممستقر
ام رائد: يا يا عزا بعيني لعد ليش جبتوها
ام عزام: خيه ملو اخوتها ڪُل شوي ومزرفين اديها بهل كانونات ويجربون هذولي الجدد بيد لبوة ورمو ايدها
ام رائد: تؤؤ تؤؤ حسبي الله ونعم الوكيل وهسه شلون وضعها
ام محمد: بيد الباري
ام رائد: ونعم بالله يلا انه اروح مرخصتجن وان شاء الله ادخللجن بالافراح
