مشاكل لين

السادس

كريم : ها خلصتي ضحك معا العملاه
لين : نعم ضحك اي
كريم : بقولك اي اسمعي من اولها مش عايز الشويتين دول
لين بغضب : لا انت الي اسمع انا سكتالك من ساعه مجيت وانت عمال تشخط وتنتر لكن تيجي تتهمني بحاجه محصلتش مش هسكت
ليغضب كريم اكثر وولكن تدخل ليلي وكانت قد استمعت لصراخهم ليردف
: انسه لين ورايا علي المكتب
ويذهب للمكتب
ليلي باستغراب : اي دا حصل اي صوتكم جاب اخر الشركه
لين بغيظ : دا انسان مستفز ونا شكلي مش هكمل اليوم دا علي خير
ليلي : طيب روحي شوفي الاول عايز اي
لين : هيكون عايز اي غير فوران دمي
وتدخل المكتب دون ان تطرق الباب
كريم بغيظ من تصرفتها
: مش في باب نخبط عليه ولا وكاله من غير بواب
لين : بقولك اي جبها علي بلاطه احسن
كريم باستغراب : هي اي دي
لين : هي انك عايز ترفدني في ارفدني من غير حجج فارغه ولا اقولك انا خلاص هسيب الشغل
كريم : استني عندك هو انا قلت تمشي
لين : مهو باين من تصرفاتك كفايه
كريم : بطلي شغل عيال مكنتش وافقت عليكي من الاول
لين وقد اقتنعت اذا لم يكن يريدها لم يكن ليوافق عليها لكن ممكن يريد الانتقام منها علي ما صدر منها : احم يبقا التعامل يبقا في حدود الشغل وبنسبه لموضوع الفاتحه الي اتقراءه دي انا عايزه اقولك اني مش موافقه واحنا لازم نسيب بعض احسن
ليقف كريم يزمجر بغضب من كلامها من هيا حتي لاتراه مناسب وهو من يلفت النظر في اي مكان شعر بالاهانه لرفضها الصريح لها ليقرر استكمال لعبه الخطوبه هذه لتاديبها قليلا وكسر انفها : يعني اي الكلام دا اهلك مقالوش لي الكلام دا
لين بكدب : لا ماهما كانو هيتصلو ويقولو اكيد
كريم لمح كذبها وارتباكها : لا مفيش كلام من دا ومحدش قال وانتي دلوقتي خطيبتي سواء وافقتي ولا لا وتتفضلي علي شغلك ومش عايز ضحك معا حد خالص
لترمقه لين بغيظ شديد وتذهب لمكتبها

***********************************************
عند مي فقد قبلت في وظيفه السكرتيره
زين : مبروك عليكي يا انسه مي الوظيفه
مي ببسمه : الله يبارك فيك يفندم
زين : دلوقتي في ميتنج والبشمهندس كريم هيكون موجود فيه هروح مكتبه عشان عايزه في كام حاجه ونتي ظبطي الورق وتعالي هناك
مي : تمام يفندم
ليذهب زين لمكتب كريم ليراه ولكن يري فتاه اخري بجانب ليلي فخمن انه السكرتيره الجديده : ليلي
ليلي : تحت امرك يا زين بيه
زين : كريم جوه
ليلي : ايو حضرته جوه
زين : طيب انا هدخله ونتي بقا فنجانين  قهوه بسرعه
ليلي : حاضر يفندم
وترحل ليلي ولكن قبل انا يدخل يلفت نظره السكرتيره التي لم ترفع عيناها عن الورق : انتي السكرتيره الجديده
لين بانتباه : انا
زين : هو في غيرك
لين في سرها اللهم طولك يروح هما كل الي هنا بنادمين براس كلاب ولا اي
زين باستغراب : روحتي فين
لين : ايو انا السكرتيره الجديده
زين سرح في جمالها الطبيعي وشكلها الغريب فهي لا تضع نقطه واحده من  مساحيق التجميل وترتدي سلوبته من القماش لونها ابيض وتعكس شعرها بطريقه تشبه الاطفال : اسمك اي
لين : لين
زين في سره اي الاسم دا يخربيت حلاوتك يشيخه : اممممم انا زين ابقا شريك  بشمهندس كريم في الشركه هنا
لين ببتسامه وعفويه  : تشرفنا يا زين
ليفتح كريم الباب في هذه اللحظه بعدما سمع صوت زين وعندما تاخرفي الدخول  ليذهب ليري زين يقف امام لين ويبتسم لها ابتسامه بلهاء
ليغلي كريم من الغضب وهو يسمع لين تنادي زين بدون القاب : اي يا زين بقالي ساعه مستنيك
زين باستغراب من عصبيته : كنت جاي اهوه
كريم بحده : اوك اتفضل يلا
ليبدا الاجتماع وينتهي بدخول لين لتاخذ الملفات
لين : بشمهندس ممكن اروح لاني اتاخرت و انا خلصت الشغل الي حضرتك
سلمتهولي 
كريم : اها تقدري تروحي احنا مش بنتاخر كده علطول عموما
ليقطع زين حديثه : انا ممكن اوصلك انتي اتاخرتي انهارده بسبب المتينج بتاعنا ودا مش ذنبك
كادت لين تعتذر وتخبره انها ستذهب معا صديقتها فهي تنتظرها
ليتحدث كريم بغيظ : لا ملوش لزوم يا زين انا هوصلها
زين بذهول : انت هتوصلها
كريم : ايوه فيها اي
زين : لا مفهاش خلاص تمام هروح انا
ليذهب زين وتقف لين تكتف يداها ليرمقها
: يلا جهزي حاجتك عشان اوصلك
لين بغضب : وانت توصلني بصفتك اي انا همشي لوحدي
ليمسكها من معصمها بقوه : بصفتي خطيبك ولا نسيتي وبعدين اي مش كفايه هئ و مئ وضحك معا الي رايح والي جاي وحسك عينك تنادي زين او غيره بدون القاب انتي مفكره نفسك مين صحبته عشان تناديه من غير لقب ومش عايز اسمع كلمه تروحي تجيبي حاجتك عشان هوصلك
لين بغيظ : ازاي تكلمني كده مصدق اوي انك خطيبي طب دا بعدك والله
ولتذهب سريعا وتكون بانتظارها مي وتراها تغلي من الغضب : لين مالك في اي
لين بحنق وهي تشدها من يدها ليخرجو : يلا يا مي انا عايزه امشي دلوقتي حالا
مي باستغراب : حاضر يبنتي اهدي براحه
ويركبو تاكسي لينطلق الي الحي الخاص بهم
مي : احكيلي بقا مالك عامله زي الساحره الشريره كده لي وبطلعي دخان من ودانك
لين بغضب : انا مانا هاديه خالص اهوه
مي : ماهو باين يبت تعالي خديلك قلمين بدل مانتي بتشخطي فيه كده
لين : يووو يا مي مانتي متعرفيش في اي
مي : طيب مستنيه ايه قولي
لين بسخريه : مش انا طلعت اعرف صاحب الشركه لا وايه معرفه مهببه
مي : تعرفيه منين
لين بغيظ : اصله يبقا خطيبي
مي بصدمه ويتبرقع عين : انتي بتكلمي جد
لين : ابو جد بقولك طلع الزفت الي خطبني
مي : طيب وبعدين
لتقص لين علي مي ما حصل
مي : مش كنتي سبتيه يوصلنا ولا عجباكي مرمتطنا باليل دانتي بت مفتريه
لين بغيظ : هي البعيده معندهاش دم بقولك مبطيقهوش اقوم أخلي يوصلنا عشان في نص الطريق اطبق في زماره رقبته
لتقطع كلامها حين كان يسعل السائق وهو ينظر لهم بريبه ويردد في سره ولكن مسموع : احفظنا يارب احفظنا
لتضحك مي وهي تهمس لها: ههه شايفه اهو الراجل خاف انتي بردو لو تتقلي شويه كريم دا هيطفش لوحده دانا مشفقه عليه من دلوقت 
لين بحنق : ياختي نقطينا بسكاتك

*******************************************

في بيت كريم
ليدخل كريم البيت وهو يفكر في ذالك العنيده الذي لم تستناه ليقطع تفكيره ويلقي السلام علي والدته
: عامله  اي ياماما
كاميليا بضيق منه فهي لم تنسي موقفه بانهاء الخطوبه قبل ان تبدا لا اعرف ماذا تفعل معه فهو لا يستسلم : كويسه
ليردف هو قد ادرك انها ما تزال غاضبه منه بسبب
حديثهم قبل خروجه للعمل : امال فين نادين
كاميليا باقتضاب : في الجنينه
كريم: مش هتصدقي يا ماما الي حصل انهارده
كاميليا وقد انتبهت لكن لم تبين انها تهتم بحديثه : اكيد صفقه شغل حلوه ولا حاجه ماهو دا الي بيبهرك
كريم : احم لا مش كده بس انا شوفت البنت الي كنت هخطبها
نادين وهي تدخل : اوه تقصد لين وشفتها فين بقا
كريم : فالشركه عندي كانت جايه تقدم علي وظيفه السكرتيره وقال ايه متعرفش ان انا
نادين : مايمكن فعلا متعرفش
كامليا : اختك معاها حق اكيد متعرفش
كريم : انتو واقفين في صفها لي وولي متكونش عارفه وجايه علي الاساس ده
كامليا بتهكم: ودا بامره اي جايه علي اساس انها تعرفك ماكلنا شوفنا انها ماكنتش مبسوطه بالقاعده اساسا ومن كتر مانبسطت لما شفتك دلقت العصير كلو عليك فهتجيلك مكتبك لحد عندك !
نادين لم تقدر علي التماسك وانفجرت بالضحك : هههههههههه فعلا يا مامي كانت مغصوبه زي كيمو بالظبط هههههه ايو ماهو ربنا حققلها الي هي عايزاه
وكل حاجه هتتلغي زمانها هتموت من الفرحه
كريم بغيظ : نادين اسكتي
كامليا بضحكه خبيثه : بتزعق في اختك ليه ماهي معاها حق البت مكانتش طيقاك واهو كل حاجه ترجع لاصلها احسن
كريم بغضب : مفيش حاجه من دي هتحصل
كاميليا باستغراب : يعني اي  الكلام دا
كريم : يعني مش هننفصل الفتره دي
كاميليا ونادين فصوت واحد وصدمه : بجد يكريم