(Unicode)
“ သက်လွှာ…မင်းထိုင်ချင်ရင် ငါ့သူငယ်ချင်းဖြစ်ပေးရမယ် ”
‘ ကျားသားမိုးကြိုး နေအနောက်အရပ်ကများထွက်ကုန်ပြီလား ’
ခန့်က ဒီအသက်အရွယ်ထိ သူတစ်ယောက်ထဲကိုသာ သူငယ်ချင်းအဖြစ်သတ်မှတ်ခဲ့ဖူးသူ။ ခန့်ဘက်ကသူငယ်ချင်းဖြစ်ချင်ပါတယ်လို့ပြောလာတော့ လင်းဒနမှာ ကိုယ့်နားကိုယ်တောင်မယုံကြည်နိုင်ဖြစ်နေပေမဲ့ သကောင့်သားက အေး"လူ"ပင်။
“ ခန့် မင်းဘာတွေကြံနေတာလဲ ထပ်ပြဿနာရှာရင် မင်းအမေကိုငါတိုင်မှာနော် ”
“ မင်ကလည်းကွာ ငါပုံစံကပြဿနာရှာချင်တဲ့ပုံပေါက်နေလို့လား ကြည့်မရရင်ဆွဲထိုးလိုက်တာကြာရောပေါ့ ”
သက်လွှာမှာ အချေမတင်ဖြစ်နေသည့် ထိုလူနှစ်ယောက်ရဲ့အလစ် ထွက်ပြေးဖို့လုပ်လေတော့ ရုတ်တရက်လက်ကောက်ဝတ်ကနေ ဆောင့်ဆွဲခံလိုက်ရသည်။
လှည့်ကြည့်လိုက်တော့ ပေါက်ထွက်မတတ်စူးစိုက်ကြည့်နေသည့် ခန့်ဆိုတဲ့လူက ဒေါသထွက်နေသလိုပင်။
“ မင်းနားကန်းနေတာလား ”
“ မ..မဟုတ် အ! နာတယ် ”
တင်းကြပ်စွာဆုပ်ကိုင်ခံရသည့် လက်ကောက်ဝတ်ကနေ နာကျင်လာတာမို့ ဆွဲရုန်းဖို့ကြံပေမဲ့ပို၍သာဖျစ်ညစ်လာတာကြောင့် သက်လွှာ တစ်ကိုယ်လုံးတုန်ယင်လာခဲ့သည်။သွေးလည်ပတ်မှုမရှိတော့သည့်အတွက် လက်တစ်ဖက်ကလည်း ထုံထိုင်းစပြုလာသည့်အပြင် မျက်ရည်တွေတောင်မှမခိုင်နိုင်တော့။
“ မင်းကို ဘယ်သူကထွက်သွားခွင့်ပေးလို့လဲ ”
“ လွတ်ပေးပါတော့ ဟင့် နာတယ် ”
‘ ကြောက်တယ်အမေ လက်ကောက်ဝတ်ကလည်းနာနေပြီ အမေသာရှိရင် သားဒီလိုတွေကြုံရမှာမဟုဘူး ဘာလို့ သားကိုတစ်ခါထဲမခေါ်သွားရတာလဲ '
“ ခန့် တော်တော့ လွှတ်လိုက် ”
“ မင်း ဖယ် နေ စမ်း ပါ ”
“ ကျွန်တော်…ခင်ဗျားနဲ့သူငယ်ချင်းဖြစ်ချင်ပါတယ် ”
“ ဟမ် ”
ပြောတုန်းက လက်မခံချင်သလို ထွက်သွားဖို့ပြင်နေတဲ့ လူက အခုမှသူငယ်ချင်းဖြစ်ချင်တယ်တဲ့လေ။ နာကျင်လို့ ဝေသီ့နေသည့် ချွေးစတွေနှင့်တောက်ပနေသည့်မျက်ဝန်းဟာ မျက်ရည်စတွေကြောင့်စိုစွတ်နေသလိုပင်။ အောက်နှုတ်ခမ်းကို ပြတ်ထွက်မတတ်ဖိကိုက်ထားသည့်မှာလည်း သွေးပင်စို့နေချေပြီ။
YOU ARE READING
သက်လွှာ
Romance' ကျွန်တော်သာ မိန်းကလေးအဖြစ်မွေးလာခဲ့ရင် ခန့် ပြန်ချစ်လာမယ်ထင်ပါရဲ့ ' •သက်လွှာ ' ကြၽန္ေတာ္သာ မိန္းကေလးအျဖစ္ေမြးလာခဲ့ရင္ ခန႔္ ျပန္ခ်စ္လာမယ္ထင္ပါရဲ႕ ' •သက္လႊာ Start-19.4.2023 End- #Lia
