Empress and his Servent✔

9ခု

9ခု
Uni

ဧကရီရဲ့ထောင်ဟွားနန်းဆောင်ကနေညည့်အချိန်၌အနက်ရောင်ဝတ်ရုံကိုခေါင်းစခြေဆုံးဝတ်ဆင်ထားတဲ့လူကထွက်သွားသည်။လှုပ်ရှားမှုတွေကပေါ့ပါးဖျက်လက်ပြီးမျက်စိတမှိတ်အတွင်းပျောက်ကွယ်သွားနိုင်တာမလို့ဘယ်သူမှထိုလူကိုသတိမထားမိလိုက်ပေ။ထိုအနက်ရောင်ဝတ်ရုံနဲ့လူကမက်မွန်ဥယျာဥ်တောထဲပြေးဝင်သွားသည်ထိနန်းတွင်းအစောင့်တွေကသူ့ကိုမတွေ့။

ပေါ်တင်ကြီးသူတို့အရှေ့ကဖြတ်ပြေးသွားတာကိုတောင်လေတစ်ချက်ဝှေ့လိုက်သည်ကိုသာခံစားမိပြီးဘာမှမထူးဆန်းကြပေ။အနက်ရောင်ခြုံထည်နဲ့လူသည်မက်မွန်ဥယျာဥ်ကိုဖြတ်ကာတောအုပ်ငယ်ထဲတိုးဝင်ပျောက်ကွယ်သွားသည်။

"ဘာသတင်းရသေးလဲ"

အနက်ရောင်ခြုံထည်နဲ့လူကသူ့ရှေ့ကလူငယ်ကိုမေးလိုက်ပြီးခေါင်းကိုဆောင်းထားတဲ့ခြုံထည်ကိုဖယ်ရှားလိုက်သည်။ကျောက်စိမ်းသမျှဝင်းမွတ်နေတဲ့နူးညံ့တဲ့မျက်နှာလေးနဲ့ဖြောင့်စင်းပြီးအဖျားလုံးနေတဲ့နှာတံစင်းစင်းတို့ကထွက်ပေါ်လာသည်။ရှည်လျားပြီးနူးညံ့ပျော့ပြောင်းတဲ့ဆံနွယ်တို့နဲ့တင်းတင်းစေ့ထားတဲ့နှုတ်ခမ်း..စူးရဲနေတဲ့စွန်ရဲမျက်လုံးတွေနဲ့လိုက်ဖက်စွာခပ်ထူထူမျက်ခုံးနက်တွေကအရှိန်အဝါတွေခံစားမိတယ်။မျက်ခုံးထောင့်စွန့်အောက်ကမှဲ့နက်သည်ကချောမောတဲ့မျက်နှာလေးကိုပိုပြီးလှပအောင်ပံ့ပိုးပေးနေသယောင်။

"ကျားလုသတင်းပို့လာတယ် ယမ်နဲ့ယွမ်ကမကြာခင်ဆောင်တိုင်းပြည်ကိုရောက်လာတော့မယ်တဲ့"

လူငယ်လေးဆီကစကားကြားပြီးမျက်ခုံးနက်တွေကအလိုမကျဟန်တွန့်ချိုးသွားသည်။

"သူတို့ကဘာလာလုပ်မှာလဲရွှယ်ရှန်းမှာကျားလုတစ်ယောက်ထဲအဆင်မပြေဘူး ခုချိန်မှာနန်းတွင်းအခြေအနေတွေကရှုပ်ထွေးနေတာပုန်ကန်သူတွေမရှင်းထုတ်နိုင်မချင်းငါလဲပြန်လို့ရမှာမဟုတ်သေးဘူး ဧကရာဇ်တစ်ယောက်အနေနဲ့ဒီလိုတစ်ကိုယ်ကောင်းဆန်ပြီးထွက်ပြေးတိမ်ရှောင်းနေရတာဖြစ်သင့်ရဲ့လား "

အသံတွေကခက်ထန်မာတင်းလာကာဒေါသစိတ်တို့ထွက်လာရပြန်သည်။လက်သီးနှစ်ဖက်ကိုတင်းတင်းဆုပ်ပြီးမျက်လုံးကိုစုံမှိတ်ချကာသက်ပြင်းချ၍စိတ်လျော့လိုက်တယ်။