البارت الخامس
مريت بظروف صعبة وحتاجيت افلوس فزوج اختي عرض عليه عرض غريب ينطيني افلوس بس شرط ازوج متعة .. والحقيقة اني جنت محتاجة الفوس كلش اخذتهم وبعدني ليهسسه ما مقتنعة بازواج هذا الي يسمونه متعة حتى اسمه اضوج منه .. وهو هسه دا يضغط عليه واني اتهرب … وما عندي افلوس ارجعهن اله حتى اني انام على الكاع اني وجهالي بعد ما بعدت كلشي املكة ..
نايمة اني وجهالي الظهر .. واندك الباب علينا .. من فتحته طلعت هنوده بت الحجية ام جاسم .وبيدها التليفون .. كالت ورود هذه الرقم ايدك عليج .. وانطتني اياه شفته رقم رجل اختي كضيت وطفيته وطفر كلبي … كتلها عفيه هنوده اذا دك عليج اغلقي او احضري معرف شسويله بس حبابه غلسي علي … كالت والله مغلسه عليه بس من امس ايدك عليج … ورود شنو قصة هذا الرقم ؟
اني هم شفت البنيه خايفة وحقها لان استخدمت هاتفها
كتلها لا ورود لا تخافين .. هذا زوج اختي
هي تعجبت رجل اختج ؟
ليش ما تردين عليه
وشيريد منج ؟
هم اشوفها استغربت … ردت افهمها حتى لا تفتهم غلط
كتلها…لا ماريد شي بس هذا …. هذا…
ردت احجي بس اذكرت اني حالفة محد يدري بالموضوع…
اخذت التليفون من البنية وجاوبته كتلها علي شرايد
كال ورود اشبيج اسأل على حسوني .. كتلها زين ومايريد اي واحد يسأل عليه ولا تتصل على هذا الرقم تعرف مو مالتي، مال البنية فلا تتصل عليها ولا تزعجها
وقفلت التليفون … رجعت نمت نمت وتمنيت ما اكعد
لهنا وبس صح نايمه على الكاع لا اثاث عني ولا حتى خبزه بس كلشي ولا نفسي معرف ابيعها معرف اروح لرجال ثاني غير زوجي … يارب ما تخلصني من هذا الموضوع يارب اني خايفة شسوي والدنيا تفتر بيه .
بهاي الايام التاليه علي مابطل اتصال والبنيه كلش انحرجت واني ماكدر احجي .. ردت انهي السالفة
بس معرف اشلون .. لحد ما اجت الساعة الي اجه بيها علي للبيت .. وعيونه بكصته … وجكارته بحلكه ياكل بيها اكل
واني هم اتحضرتله .. أول ما شافاني صاح ورود شبيج .. هيج اسوين بيه .. هذا ذنبي امنت بيج وطلعتج من مشكلتج وج لو ما اني جا ابنج ليهسه نايم عل ظهره ليش هيج اسوين..
توني اريد احجي ..
صاح كافي انتي مو صغيره .. احنه اتفقنا .. ماكو تراجع بعد…
اليوم يجي وتعقدون .. اس ولا كلمة الولد دفع افلوس وحقه بعد…. مو لعب جهال
بليل نجي نعقد وياخذج لبيته
