"ستذوق طعم الجّبر ولو بعد حين❤️🥺"

البارت 9 و الاخير

" و راح وافي بيتهم "
وافي :يمهـ و لميس تعالوا ابيكم بموضوع
لميس:هلاً وافي لحظات بنادي يمه
وافي:طيب
"جات لميس مع امها"
ام وافي:هلا ولدي وش تبي
وافي :انا رحت لدكتور و طلعت فحوصي و طلع فيني السرطان
ام وافي و الدموع فعيونهاا: شنو،ولدي لا تتركني و تروح نفس ابوك
"و لميس صرخت
لميس:مصدجت انك تطلع من الغيبوبه الا ويطلع فيك مرض خبيث
وافي:اتقي الله يا لميس و هالشي خير لي من اشياء كانت من المحتمل تكون اسواء
لميس:شجّن عندها علم بهالشي
وافي:لا و لاتخبريها
لميس:ليش
وافي:بس
وطلع وافي عنهم و هم يبكون و اتصل بابو محمدد
وافي:هلا عمي اشلونك
ابو محمد: هلا و الله بالنسيب المستقبلي
وافي:عمي ابي اكلمك بموضوع مهم بس ما اقدر اجي بيتكم بكلمك الحين
ابو محمد : اتكلم ولدي
وافي:لما طلعت عنكم رحت للمشفى علشان اطلع فحوصي بس حصلت فيني السرطان من درجه ثانيه
ابو محمد : الله يشفيك ولدي
وافي: عمي انت حسبتك مثل ابوي انا بكره راح اسافر علشان العلاج ولا تقول حق شجّن اني مريض بهالمرض قولها انها وافي اللغى الخطبة
علشان تكرهني بعد موتي ما ابيها تعيش الفقد اللي عاشته بعد موت امها و اخوها
ابو محمد: لا مستحيل اقول هالشي
وافي:عمي تكفى قول هالشي علشان خاطري  و علشان ما ينكسر قلب بنتك من الفقد مرة ثالثه و السبب اناا
ابو محمد: طيب
وافي :خبرها هالشي بكره العصر انا راح كون سافرت
ابو محمد :طيب
"وافي خلا اغراضه داخل الشنطة و حجز التذكره حق السفر،وطول الليل ما جاه نوم و يفكر هل اللي يسويه مع شجّن صح ولا
و اذن الفجر و قام وصلا الفجر و راح حق امه و لميس و جلس معهم و يعذرهم  و قال لهم ابدا لا تقولوا حق شجّن اني سافرت علشان اعالج مو اني سافرت علشان ما ابيها تكون فحياتي وطلع من البيت ووصل حق المطار و سافر
"مع شجّن اللي من قامت الصبح و هي ابدا مو مطئمنه كانت ترسل حق وافي بس بدون اي فايدة فبكت تلقائيا
وراحت حق ابوها: يبه اتصل بوافي بس ابدا ما يرد
ابو محمد: حبيبتي شجّن نسيت اقولك انّ وافي اللغى الخطبه
شجّن: شنو كيف يعني اللغاها ترانا خاطبين للبارحه
ابو محمد: مدري بس اللغاها
شجّن : راحت لغرفتها و جلست تبكي ،،ياخي ليش انا يصير معي هالشي من بعد ماا وافي دخل حياتي كشخص غريب و حبيته و هو الحين تركني ليس تركني من بعد ما حبيته و تعلقت فيه ليش
"كلنا فهدنيا بنلتقي بشخص لا تنساه الذاكره و العجيب في الامر انهُ لن يكون لنا ،ستعجب به ستكون به كل المواصفات التي نقشها قلبك في عقلك و تمضي الايام دون ان تعرف هو من يكون بالنسبة له"
مسكت الموبايل و ارسلت حق لميس ليش ليش اخوك اللغى الخطبه ليش
لميس ردت عليها مدري و هو الحين سافر
شجّن: بعده سافر ،تماام
"شجّن بدون ما تحس دخلت رقم خالد و تشكي له من تصرفات وافي خالد فاهم الموضوع و جالس يسلك لها
"مرن 3 شهور على غياب وافي و وجع شجّن بس فذي المدة خالد كثير تقرب من شجّن و شجّن تعلقت فيه و شجّن خلصت اول ثانوي
"فبيت امم وافي جاهم اتصال و ردت ام وافي
ام وافي:هلا ولدي من معي
الدكتور :هلا خالتي انا دكتور ولدك وافي و ياسفني اني اقولك ان ولدك وافي يحتضر ولازم تجوا باسرع وقت
"خالد كان طالع من بيت شجّن و كانت شجّن تلحقه لحتى تعطيه محفظته اللي نساها بس خالد جاه اتصال ورد  و شجّن كانت وراه كنت تبيه يخلص من الاتصال
خالد:هلا خالتي ام وافي اش فيه صوتك ليش تبكي
ام وافي:اللحق علي ياخالد اتصل بي واحد من الدكاتره و قال لي ولدك يحتضر
خالد:شنو وافي يحتضر ،الحين بجيك خالتي
"هالخبر انصدمت منه شجّن و عرفت ليش وافي تركها"
و خالد اللتفت وراه و شاف شجّن و انصدم
كانت شجّن طايحه و دموعها فعيونها
خالد:شجّن قومي
شجّن:وش فيه وافي وش فيه كلكم تكذبون علي ليش ليش
خالد: هذا طلب من وافي
شجّن :ليش طلب منكم تكذبون علي
"خالد خبرها كل شي بتفصيل الممل ان هو راح يتعلاج "
شجّن: بمشي معك بيت خالتي ام وافي
خالد: طيب
راحوا و شافوا لميس  و ام وافي يبكون بشكل كبير راحت شجّن و حضنت لميس
خالد:خالتي انا الحين بحجز التذاكر لك و لميس و لي
شجّن: و انا احجز لي
خالد:طيب ما طلبتي شي
"فراحوا كلهم اليوم الثاني الفجر و وصلوا حق المشفى
و دخلوا حق غرفة وافي و كان كل جسمه وايرات و لما فتح وافي عيونهـ جات عيونه بعيون شجّن و دمعت عيونه و شجّن بكت بشكل كبير
شجّن ارتمت بحضنه ليش تكذب علي ليش
وافي:ما ابيك تبكي لفقداني يا شجّن ابيك تضني اني خدعتك
شجّن: عبالك على اساس انت خدعتني كذا انت مو كاسر قلبي
"كلهم سلموا على وافي  و ودعوه
وافي:خالد اقرب شوي
خالد:أمرني اخوي
وافي:ابيكم انت و شجّن تتزوجوا بعد ما تكمل دراستها و انت تهتم بلميس و امي
خالد:م طلبت شي
وافي:شجّن اقربي شوي
شجّن قربت منه و طاحت دمعتها فوقهـ
وافي :اب اسمي يكون فواحد من عيالك
شجّن: طيب
لحظات قليله و توقف قلب وافي و مات و دفنوه
و بعدها بسنتين تخرجت شجّن من الثانويه و حصلت على معدل حلوا و بعدها درست فالجامعه و تخرجت و حددوا موعد زواجها من خالد و مرّ على وفاة وافي 8 سنين
و الحين شجّن مع ولدها الاول اللس سموه وافي
"شجّن و هي تتشوف صورة وافي
"قالوا لي انساك يا وافي بس كيف انسى من يسكن قلبي احيانا يكون القلب اولى من العقل بالنسيان
فهالحياة ربي بيرسل لك شخص من الملائكة على هيئة انسان
"هذي قصة شجّن "
من كان يدري انّ شجّن اللي مرت بحياة صعبة اولا من موت امها فحادثة بشعه و موت اخوها و خذلان صديقتها و ايذاء اخوها اللي من لحمها و دمها لها و تعرضها للخذلان من قّبل شخص تحبه
و فجاة من دون اي مقدمات يدخل وافي حياتها ويغيرها بشكل كبير و ينسي شجّن كل اللي عاشته من حزن و خذلان
فهالرواية تعلمك شي اللي هو "أنّ الانسان مهما مّر بالتحديات و صعوبات فهالحياة تاكد بان الله سبحانه و تعالى مع كل مصائب الدنيا منزل معهن صبر و اللي يصبر له جبّر عظيم من الله و هالجبر صدقوني ماهو قليل هالجبر يخليك تتعجب من عظمة الله "
"صحيح انّ الم الفقد لا يذهب حتى و انّ مرت الاياام الم الفقد موجع جدا فموت الاحبة يبقى غصة في القلب حكاية رحيلهم هي كتلة حزن لن تذهب و لكن اذا صبرت نلت الاجر العظييم🥺💔"
"صلوا على شفيع الامه ✔️"