رواية عودة الملاك ♡
عبير بصدمه: بنتك 😳
سليم بجدية: ايوا ي هانم بنتي ومتشكر ليكم انكم اختوا بالكم منها الفتره دى يلا ي ملاك
وقرب منها مسك اديها ومشي خطوة
ملاك سحبت اديها بغضب: مالك حضرتك داخل سخن كدا ليه ومتشكر على انهم اخدوا بالهم مني الفترة دي انت ليه محسسني انك كنت مسافر وسبتني عندهم اسبوعين انا قعده معاهم عمر بحاله عمر 26سنه هما اللي ربوني وكبروني وعلموني احسن علام واحسن تربيه وعمرهم ما فرقوا بيني وبين سيف ويمكن كانوا بيعملوني احسن من سيف تيجي حضرتك يالي المفروض ابويا اللي رماني في الزبالة وانا لسه بفتح عيني واشوف الدنيا اسبهم وامشي معاك عادي كدا
سليم بضيق وحزن: انتي خلاص بنتي وملكيش اي كلمه وانا هوفرلك عيشه احسن من دي بكتير
ملاك بعين حاده: تعرف لو جبتلي قصر وكتبتلي كل املاكك كدا مقابل اني اعيش مع عيلتي في اوضه واحده هعيش معاهم ولا هاجي معاك
كل دا وعبدو وعبير وسيف بيستمعوا في صمت
سليم بحده: انا مش هتناقش معاكي دلوقت ولا هغصبك علي حاجه هسيبك تهدي وتفهمي انك بنتي وبرضاكي او غصب عنك هتعيشي معايا
سليم مستناش ترد ومشي وسبهم تحت صدمه الكل
ملاك وقعت علي الارض وعنيها اتملت دموع
عبير اخدتها في حضنها: بس ي بنتي بس ي ضنايا حقك عليا
ملاك بعياط: هو ليه بيعمل كده ليه يبوظ حياتي فجأه مكفهوش اللي عمله وكمان مش عايزني افرح لييييه لييييييه
سيف بحزن: ماما دخليها اوضتها ترتاح
عبير اخدت ملاك دخلتها وخلتها تنام علي السرير وسبتها وخرجت
عبدو: مين الراجل دا وهو بجد ابو ملاك الحقيقي
عبير خرجت: ايوه أنت شكلك عارف حاجه ومخبي ي سيف
سيف بهدوء: ممكن تهدوا وانا هفهمكوا كل حاجه
سيف بدأ يحكي
اما فى الداخل
كانت ملاك نايمه علي السرير وعماله تعيط
ملاك بدموع: ليه كده ليه كل ما افرح يحصل حاجه تكسر فرحتي ليييه
بعدها بصت لانعكاس صورتها في المرايا
ملاك بحده وجمود: بس لا مش هسمحلك ي سليم الجيار تكسر فرحتي بعد كل ده وهنشوف مين اللى هيكسب
في الخارج
عبدو بذهول: معقول في حد يعمل في ضناه كده يرميه في الزباله عشان ايه دا كله قضاء وقدر
عبير بحزن: المهم انت هتعمل ايه سيف دا بينله راجل مش سهل
سيف بثقه: ولو حصل ايه هتجوز ملاك برضاه او غصب عنه
أنت تقرأ
"عودة الملاك "
Romanceتحكي الرواية عن قصه حياه طفله تعيش مع عائلة غير عائلتها وتحب ابنهم بدون معرفتها وتعيش معهم وتكبر.... ماذا سوف يحدث؟؟... هل ستعرف من اهلها ام لا....
