فاطمة : ارجعي لحياتج بنتج تبجي وحدها ماعدها حضن تروحله و ابنج عايف حياته و بس يدخن و زوجج مكسور ظهره ع بنته كلهم ماحتاجيج و انتي مواكفة و لا ويه واحد بيهم
و لكن ام نور لازالت تبحث في التراب ..
نهضت فاطمة و كانت عيناها حمراء بسبب دموعها بدأت بالصراغ بغضب ..
فاطمة : ماااشي هيج تريدين تبينين انتي حزينة زينة اني شسوي فهمني اني الي مو من حقي لا ابجي و لا اعيط و لا اتخبل لان اكو ناس لازم اواسيهم توصل بيه مرحلة انو العن ابو الدنيا الي اخذتها مني لان اشتاقلها و ماكدر اشوفها او اسمع صوتها دامشي و اضحك و اواسيكم و انا اريد واحد يواسيني لازم ابقى واكفه ع حيلي علمودكم اني هم كلبي مكسور
جلست فاطمة ع الارض من جديد و بدأت بالبكاء بصوت عالي ..
اقتربت منها ام نور و وضعت يدها ع وجنت فاطمة اليمنى ..
ام نور : فاطمة لا تبجين
احتضنتها فاطمة و هي تبكي .. الى ان نامت ام نور حملتها و ضعتها في السيارة و اتجهنا الى المنزل .. في الطريق اخرجت هاتفي لاتمكن من الاتصال باسامة قبل ان افعل قالت فاطمة ..
فاطمة : اوكف يم الصيدلية
عمر : خلي نرجعها تأخرنه
فاطمة : اوكف نزلني و روح
عمر : ويه اركن يعني ماكو مجال و هسة نتأخر
نظرت لي ..
فاطمة : سكري مرتفع اريد اضرب ابرة نزلني
بقلم الكاتبة سارة مزهر حسابي @_novels1
نظرت لها بصدمة و قلت في نفسي ( بيها سكر !! ) من ثم ركنت السيارةة نزلت فاطمة و لكني لم اذهب بل انتظرتها .. انتظرت عشر دقائق من ثم اتت نظرت لي و ركبت في السيارة ..
فاطمة : ليش مرحت !!
لم أجأبها .. اتجهنا الى منزل نور و تركنا امها من ثم طلبت من حنان ان تخبر اسامة و ابيها .
في لحظة ما نحتاج أن نصرخ أن نخرج ما في قلوبنا أن نجد كتف نستند عليه و نحتاج يد تمسك يدنا لتخبرنا كل شي بخير .. في تلك اللحظات لا نحتاج من هم في حياتنا لان اوجاعنا منهم في تلك اللحظات نريد البديل فقط .
_ فاطمة .
عدت الى المنزل و عمر الى ذهب اشعر بأنني منهكة و متعبة جدآ ليس جسدي فقط بل قلبي متعب كثيرآ لا اريد التحدث او ان ارى احد ابدآ . مضت ساعتين و انا ارقد في فراشي دون ان انام رن هاتفي كان عمر المتصل قمت برفض الاتصال و لم يكن لدينا كهرباء لذلك ليس لدي انترنيت .. قام بأرسال لي رسالة ع شريحة الهاتف ..
عمر : محتاجج بديلة لعد المن راح ادفع فلوس
بالكاد أخذت نفسآ .. من ثم رن مجددآ أشارت الى سما بمعنى ان تخرج أجابت ..
فاطمة : ممكن متخابر بعد اريد انام و كص من راتبي ماشي
أجاب بتعب ..
عمر : بديلةة ضايج و مجايني نوم حتى Ge نام و اني لا اممم اريد اكولج شي نور كلشي جانت بحياتي نور سوتلي شغلات امي مسوتها وياية هي الي خلتني افكر احب الحياة من جديد بعد الي شفته من اهلي هي الوحيدةة الي جنت اتمنى اسوي كلشي تريده فكرة انو تعوفني فجأةة يمكن اكبر من انو اتحملها .
لم ارد عليه كنت أبكي فقط و لكني عاجزةة عن الكلام .
عمر : لا تجاوبين و لا تقفلين ابقي لليل ع الخط لحد ماانام
( آشعر كما لو أنني اتعامل مع طفل )
عمر : حطيت رأسي ع المخدةة لا تنامين لحد ماانام
وضعت رأسي ع الوسادة و الهاتف ع أذني حاولت ان افكر بأيي شي و لكن لا أراديآ كنت افكر بعمر ..
