سنشد عضدك باخيك (مكتمله)

زواج

٢

👑 اللهم لك الحمد والشكر كما ينبغي لجلال وجهك وعظيم سلطانك 👑

علي سفره الافطار تجمع الجميع

لتنظر صباح  الي الاب " برضو يا حاج اسماعيل ناوي تمشي انهارده . ما تخليك انت والحجه ورنا منورين البيت "

إسماعيل " بنورك يا حاجه.  بس عندي شغل ومصالح متاخره  . بإذن الله  هنرجع تاني "

  محمود امسك بيد  رنا بخوف ورجاء " انتي هتمشي مع جدو.   متنسيش انك وعدتيني

  صباح  انتهزت الفرصه  فوجود رنا  بالبيت هو راحه لابنها  فهي ستعوضه خساره زوجته رحمه

* لا بدل ما هي وعدتك يبق هتوفي بالوعد مش أكدا يا رنا.  هتفضلي مع محمود وأحمد وتكوني امهم . وله هترمي عيال اختك لغريبه تربيهم

ياسين  اتعصب ووجه أصبح لا يبشر بالخير

لم تهتم أمه كثيرا له واكملت الحديث فهي تريد أن تضرب ع الحديد وهو ساخن  

" انا رأي نكتب الكتاب انهارده بينا أكدا وانتم خابرين الظروف مش هينفع نعمل فرح.  مهر رنا هيكون زي رحمه والموخر كمان  . والدهب هيكون هديه مني ليها

ام رنا  نظرت إلي ابنتها " انتي ساكته ليه ، موافقه علي كلام الحجه وله هترجعي معانا . محدش هنا  هيضغط عليكي ، احنا محتاجين نسمع رأيك  

رنا  نظرت إلي اولاد اختها الذين ينظرون لها ببرائه كيف لها أن تتركهم بعد كل ما حدث.  هي أيضا تريد أن تعلم حقيقه وفاه اختها  .  تذكرت الحلم ووصيه اختها.   الظروف صعبه فهذا زوج اختها ولكن عليها الاختيار.    قررت أن تتنازل عن كل شئ في سبيل راحه اطفال اختها لتجيب بحزن

* انا موافقه هقعد هنا واربي عيال اختي "

نظر لها ياسين  بصدمه ولكنه لم يقدر أن يعترض  ولكن الأكيد أنه لن يقدر أن بتقابلها كزوجه له

   لم يتحدث الاب والام  فالوضع أصبح حساس .. طلبت صباح أن يأتي الماذون في اسرع وقت حتي لا يغير أحد رأيه

قبل  أن يصل المأذون .  طلب ياسين أن يتحدث مع رنا.   ليضع النقط علي الحروف

رنا " قالولي أنك عايزني.   خير في حاجه "

نظر لها  وبدأ حديثه " انا كنت عايز احط النقط علي الحروف عشان موضوع الجواز "

رنا " صدقني انا وافقت عشان الولاد محتاجين رعايه.  لكن  عن نفسي مش بفكر في الجواز  وله الموضوع في دماغي "

ياسين " كويس انك قولتي كدا .  انا مش عايز اظلمك معايا  . من بعد رحمه مش هتقبل حد في حياتي ..  رحمه كانت حبيبيتي ومراتي وصحابتي وصعب حد يعوض مكانها "

رنا ابتسمت باحترام " كل اللي بتقوله بيزود  احترامي ليك . صدقني    اللي بينا هيكون الولاد وبس  . مش محتاج تبرر موقفك وله عايزه حاجه اكتر من انك تعاملني باحترام   "