سنشد عضدك باخيك (مكتمله)

متماسك رغم الازمه

١٦

👑لا حول ولا قوه الا بالله العلي العظيم 👑

  اتنقل محمود لغرفه عاديه بعد ما استقرت حالته وللاسف الحادثه كان مسببه ضرر في العمود الفقري

رنا " يعني ايه يا دكتور . ابني هيفضل طول عمره مشلول . حياته ادمرت خلاص . ده لسه مكملش ال١٨ سنه . اقوله ايه . هتفضل طول عمرك قاعد علي كرسي بعجل .   

ياسين"قولي اسفره فين وانا هسفره بس يرجع تاني يقف علي رجله .  بيقولو الطب اتقدم

الدكتور " ياجماعه انا مقدر حالتكم  بس احمدو ربنا. معجزه بس أنه يعيش.   وحاليا هو عمل العمليات اللزمه ولازم نوقف شويه وبعدين  نكمل.  لكن دلوقتي مفيش اي دكتور هيقدر يعمل تدخل جراحي.  

ياسين " لا حول ولا قوه الا بالله.   ده كان نفسي يطلع دكتور.  اقوله ايه بس.   

خرج ياسين ومعاه رنا والاتنين حالتهم كانت صعبه اوي.   محمود ميستهلش كل اللي بيمر بيه ده.  بس ده قدر ربنا ولازم يتقبله

ابتسم اول ما دخل الاوضه وشاف احمد قاعد جنب اخوه وبياكله وهو بيهزر ورحمه جنبه من الناحيه التانيه وانس الصغير

انس " استني هقوله فزوره حلوه.  لو عرفتها تكون ذكي.  ليه الطماطم هتدخل النار

بصلو بقرف .  انس " ايه محدش عايز يجاوب وله محدش عارف.  تفرق

رحمه " يمكن عشان حمره .  وله عشان مدوره.   بابا انت عارف الحل

ابتسم غصب عنه وقعد جنب رنا اللي بتحاول تبعد عينها عن محمود وهو بيبصلهم عشان يعرف مالهم

انس * شكلكم كدا مش عارفين . طيب يا جماعه احب اقولكم أن الطماطم هتدخل النار عشان هي بترقص في الخلاط. والله تعالي اعلم

احمد وقف ورفعه من علي الارض " انا هتبري منك ياض. احنا اساس لقيناك عند باب الجامع

انس بص لرنا " ماما مش انا ابنكم . انتي قولتي ولدتيني

احمد " كنت بنضحك عليك.  لقيناك عند بابا الجامع وكنت قاعد بتقول عايز جوافه

رحمه " ايوه صح.  وكان بليل الصبح كده

ضحكو  ومحمود بص لياسين " في ايه يا بابا. هو الدكتور قالكم علي حاجه.  وله زعلانين ليه.  لو علي الامتحان فانا قررت اعيد السنه عشان اجيب مجموع عالي    مع أن كان نفسي ادخل الجامعه مع اصحابي السنه الجايه.  بس الحمد لله علي كل حال.  اكيد ربنا شايل الاحسن ليا

ابتسمت رنا "   ربنا يرضي عنك يا بني ويرضيك  أن شاء الله بكره تكون احسن واحد في الدنيا

محمود * أن شاءالله ، هو انتم ليه مش عايزين تقولو الدكتور قال ايه. انا لازم اعرف عشان احدد هعمل ايه بعد كده.  مش عايز غير الصراحه