المنسية

١٥

من مشيت
الناس صارت كلها
بعيوني غريبة
الصورة ما تروي
واذا چانت قريبة
هوَ بس وجهك
يخلي الدنيا حلوة
منين اجيبه ؟

صعدت بدلت ملابسي لان جنت لابسه البشت كدامهم وراها تعشينه وتعللنه وكلمن راح لبيته
حته لاره راحت ويه اهله
نمت نومه مال اموات كعدت ثاني يوم. سمعت جديتي وهاله يحجن لهيب ملتحق
الحمد لله راح اعيش بالبيت براحتي محد ينكد عليه عيشتي
مرت الايام عادي طبيعي يوم يتبع يوم
بس اكو شي غريب لهيب اتاخر شو مارجع للبيت
صح اني قليل التقي بي. قليل تواصلي وياه ويمكن شبه معدوم
بس اكو شي داخلي اسمه اطمئني هو بخير
بس مر ٢٣ يوم وهو ماكو. مجنت اكدر اجرا وسال لهيب وين
خاصه لاره من اجيب طاريه تشبعني رزايل

ومرت الايام طلعت القبولات وجنت مثل ما راد حضرته مقبوله طب البصره
بس هو ماكو تقريبا مر شهر ونص
رحت يم جديتي مثل عادتي. خليت راسي بحضنه وجاي نسولف ماكدرت بعد اضم اكثر كتله

منسى
جده لهيب وين
الشيخه
شني وين غير بداومه
منسى
جده شهر ونص مانزل مجاز
الشيخه
لهيب عده دوره ست اشهر باالاردن وسافر ثاني يوم خطبه لاره طار الصبح
منسى
تشاقين
الشيخه
شني اشاقه يمه لوما ودعنه كلنه
منسى
مادري بي جده ماشفته قبل مايسافر
الشيخه
الله يرده بالسلامه
منسى
جده مافكر مرته يعني هيه تجيب ابنه وهو مسافر
الشيخه
ماعليه شي كل احنه يمه وهو مجبور هذا شغله
منسى
الله يرجعه سالم

طلعت من يم جديتي متوجهه للبستان. كعدت بي وحدي.
تعبت هواي من حب لهيب الي صار محرم عليه
من وضعي ويه لهيب اني مستحيل بعد اسمحله يدخل حياتي رجال مزوج وطفل عده بالطريق
وقبل كلشي هو باعني بارخص سعر دار وجه وكمل حياته من دوني
وبالاحرى اقتنعت انو لهيب مو غلطان جان يحبني مثل بنته طفله رباها وتعلق بيه وانطاها ميزه كونه يتيمه وكبرت عله ايده
واني الي طلبت شي مو اليه الحب ميجي بالجبر
بس اكو اشياء وامور الكلب مايقتنع  بيه ولا ممكن تقنعه بشي هو مارايده  وسالفه سافر وما ودعني من دون الكل ضلت غصه بگلبي
صوت العصافير عل شجر مسوي معزوفه اخذتلي اكثر من نص ساعه اني. عله هل كعده.
رن تليفوني باوعت رقم دولي. معقوله هوه
رديت

منسى
الو
لهيب
شلونج
منسى
لهيب
لهيب
اي لهيب لعد منو يتصل بيج بخط دولي الضاهر معارفح هوايه
منسى
بله هل فلسفه شكو متصل عليه
لهيب
اهاااا هيج. صارت شكو متصل عليج
منسى
اكيد ما متصل تسال  عن احوالي فليش متصل
لهيب
اكيد ماتصل اسال عن اخبارج واحوالج لان كله توصلني بس. متصل اكول مبروك
منسى
عله شنو
لهيب
طلع قبولج جنت منتضر شوكت تجين تكولين بابا طلع قبولي بس الضاهر نسيتي كلشي وكرهتي كلشي مو كم شي
منسى
العفو منك بس شكو اجي اكلك شنو الي طلع وشنو الي ماطلع مو تحس نفسك ناسي اني وياك مي ونرش بصحراء سياده النقيب
لهيب
راح اصير رائد وره مارجع اشد النسر
منسى
بالعافيه عليك.
لهيب
وعليج
منسى
واني شكو راح تحطه عله جتافي لو جتافك
لهيب
بس اني من طلعتي طب عام كله كالتلي بالعافيه عليك شيخ لهيب
فرحت وانباهيت وافتخرت بتي طلعت هيج معدل
منسى
اني مو بتك ولا انته ابويه وهل علاقه حته لو معنويه هم ماريده. وياريت تحترم كونك مجرد ابن عم وهم منسي مو موجود
لهيب
الي مثلي ماينسي
منسى
تمام
اني لعد منسيه الشيخ لهيب. وهاي واقع حال مو مجرد صفط كلام
لهيب
حلو عجبني اللقب حرفيا انتي منسيه الشيخ لهيب ولو ينعاد الزمن الف مره مراح يبرد كلبي عل سويتي ولا راح اعرف اسامحج
منسى
وعساك لا سامحتني هوى انته وخاف ينكطع من دونك اموت قابل. تره هواي منطي قيمه الروحك
لهيب
هههههههههههه ذكريني من ارجع بالسلامه انطيج الازم
منسى
خوفتني هواي وماشتهي اخاف عود من ترجع الله كريم
لهيب
ههههههههههههه طول عمرج السانج طويل بس عن بعد من شوفيني تنخرسين
منسى
من ترجع ذكرني حته اشوفك شلون انخرس
لهيب
منسى كومي بابا فوتي جوه ماكو داعي كل مره اكلج لاطلعين للبستان وحدج
منسى
هااا شمدريك بيه بالبستان
لهيب
لا عبالج بعيد عنج ومادري شسوين حته النفس الي تاخذينه ادري بي بس هيه صوت العصافير سطرني
منسى
اكول انته لو تحير بمرتك وتشوف اخباره مو احسن
لهيب
مرتي هيه تحجيلي اخباره ماكو داعي ادوره مو مثل بعض الناس
منسى
صدك لو كالو العمر اله حوبته
لهيب
شنو شبي العمر
منسى
احسك بديت تخرف رغم انته صح صرت شايب بس مو هيج
شكو اجي اسال عليك وانطيك اخباري صاحي انته كل عقلك دروح بابا روح
لهيب
خلي ارجع بالسلامه واعلمج الشايب شيسوي وهسه يله روحي واحلمي شلون راح اصيرين افضل دكتوره يا منسيه الشيخ لهيب