سامحيني (مكتملة)

توضيح

شباب انا بشوف تعليقات غريبه لدرجه ان في ناس بتغلط فيا ف الكومنتات في اي مش كدا 😂😂جماعه هي عدلتها كدا انها ترجعله اختلفتوا اتفاقتوا معايا هي عدلتها كدا

خديجه غلطت من الاول انها اتخلت عن حياتها كلها عشانه اتخلت عن طموحها عن احلامها ونفسها بقت النسخه الي ترضيه والي ياريتها بترضيه اصلا غلطت لما ادته اكبر من حجمه وخلته محور الكون ومحور حياتها بالتالي بقت الحاجه الزياده الي بتعملها كرما منها بقا امر مسلم بيه بالنسباله وانه بقا واجب عليها ولازم تعمله  واحنا بنشوف الناس دي ف حياتنا كتير اووي .
بدليل انه لما لقى داليا شدته عامله زي حته الالماظ المزيف الي بيبهرك بلمعانه بس في مزيفه ولا الماظ ولا نيله.
كان لازم الدروب ده يحصل عشان خديجه تفوق.. تتغير وهي فعلا عملت كدا فاقت هو عمره ما كان يتوقع انها تطلب طلاق هو كان فاكر انها مش هتعرف تعيش من غيره ضمنها وضمن حبها ليه ... لكن لا خديجه خيبت ظنه وطلبت الطلاق واشتغلت وبنت نفسها من اول وجديد واشتغلت وعملت كيان واهتمت بنفسها تاني واكتشفت انها كانت مدياله اكبر من حجمه ومركزه ف حياتها.... بس هي عدلتها ترجع بس لما ترجع ترجع خديجه القويه الي عندها شغل وكيان وحياه من غيره اصلا الي عملتها ساعة الانفصال الي كان لازم يحصل بردو مرجعتش خديجه الضعيفه بتاعت الاول.
وهو كان لازم يعرف الفرق بين الاصلي والفلصو
مش عشان هي الخدامه الي بتنفذله طلباته زي ما شوفت بعض الكومنتات بتقول لا.
الروايه دي ليها هدف ورساله معينين انا عاوزه اوصلهم ومش اي حد هيفهمهم وده الي اكتشفته من بعض الكومنتات بيتكلموا باندفاع مش مدركين الهدف ولا الرساله من الروايه.
مفيش واحد اتخلق علي وش الارض مع احترامي للرجاله الي قرأوا والي بيقرأوا والي لسه هيقرأوا الروايه لكن مفيش راجل او حد يستحق انك تتخلي عن طموحك واحلامك واهدافك ونفسك عشانه وتفصلي حياتك ونفسك علي مقاسه هو لا مفيشومتخلقش الي يخليكي تمحي نفسك وتفضليه عليها خليكي دايما قويه وعندك كبرياء وكيان واحلام وادي نفسك مكانك الي تستحقيه عشان متبقيش زي خديجه ف الجزء الاول من حياتها مع رامي... وحبي حبي الحب مش عيب بس وانتي بتحبي متنسيش تحبي نفسك الاول قبل اي حد وقدري نفسك عشان تتقدري من الكل.

لكن انا لاقيت كومنتات دخلت ف جانب الفيمنيست وحاجات انا اتفه منها بكتير والله في اي 😂 ومش ده هدفي من الروايه اصلا
لدرجه ان في ناس بتشتم ف الكومنتات الي هو استهدوا بالله يا جماعه  مش كدا 😂😂😂
وقبل ما تعمل كومنت افهم... افهم الفكره والمغزا من العمل نفسه.
لكن هي عدلتها انها ترجعله حب حياتها وابو اولادها
بس هي لما رجعتله رجتله خديجه القويه مش الضعيفه بتاعت الاول خالص لا اتغيرت ١٨٠ درجه.

اتمني تكونوا استوعبتوا انا قصدي اي منعا بقا ونخف شتايم الهي تنستروا ونتعلم بردو النقد الي بادب مش بشتايم ❤❤
وحشتوني جدا ورجعالكوا بروايه "وبداخلي ظلام ينير بك" اتمني تحبوها زي ما حبيتوا سامحيني وغلطه غيرت حياتي ❤❤❤💎✨