هلووو....
# _ غـرور الـخـيـبـر
# _ بقلم زهــرة الــواقــــ؏
§§§§§§§§§§§§§§§§§§§§§§§§§§§§§§§§§
أُميل للبساطةِ في كُل شيء
التعبير، الشكل، التصرفات، أؤمن بأنّ خلف كُل بساطةٍ عمقٌ عظيم.
§§§§§§§§§§§§§§§§§§§§§§§§§§§
خـيــبر.... ماشوف دربي نعمن عيوني اخوي بين اديه لاهو للحيات ولا هوه للموت سحبني ماادري من من ياختي صعدني بل سياره صعدت ويوسف بحضني والدمه ترسني
وصلنه للمستشفى نزلت ركض للطوارى كبل فحصو حاولو ويا ولا نفس بي هنا نتهيت اول اخو فگدته يوسف خابرو ابوي اجو الشرطه سولفتلهم حجزو المعلم كوه كلعو ابوي اجه متخبل امه تدك وتلطم ايام بعمري ما انساها ابوي كدام امة محمد بلش بيه كطعني تكطع كوه العالم فكتني منه
اجو خوالي عمام ما عندي اخذنه اخوي دفنا احس النفس ضاك بصدري لتفتت شفت گبة ابو الحسن كعدت على ركبي وصحت بكل صوتي يااا علييييي اهيس احبال بلعومي تكطعن من الصوت ستوني حسيت بخلته صحيح ميتدنالي بس اخو شما يصير يبقه اخوي
ردينه للبيت كلبي يوجعني الحزن مله بيتنه ملي اول فاتحه تصير بيت ابوي كرهت ابوي كره بس الله يعلم بي
مطروح وصورته متروح من بالي اجتي امي خليت راسي بحضنها يمه كلبي يوجعني راسي راح يطك من الوجع
قرت قران ما فاد بس اريد دموعي تنزل اريد ارتاح اهيس عقلي وكف طلعت للشارع امشي والجلاب تنبح وراي
الجو حار يكتل مشيت لبو الدكان السلام عليكم
... هله بويه شرايد اريد اعزل
خـيــبر... كوه نطقت ماريد هاذا الشي بس اريد شي يلهيني ج جكاير اريد باكيتين كلي يا نوعيه كتله احسن وحده نطاني باكتين نطيته فلوس وخذت جداحه وتمشيت ورثت اول وحده كوه شربتها شهكت ماعرف ادخن ضليت احاول حدما عرفت شلون ادخن
نزلن دموعي واني اتذكر شلون شلته والدم يدير اذكر ضحكته وروحي تروح مشيت الاخر الڤله بجيت بجي بعمري ما باجي حسره بكلبي شكدها
تقريب طر الفجر يلا كمت هدومي كلها تراب وصلت وي اذان الصبح توضيت ورحت الغرفتي لكيت امي كاعده تصلي رحت بست راسها وكفت بصفها اصلي وبس شهكتي تنسمع كملت ونمت وراسي على رجلين امي تقره قران ودموعها تدير وياي
ام خـيــبر... لا تبجي يمه ترحمله
خـيــبر... بعده زغير على الكبر يمه طفل وينه وين الموت ما لبالي نموت بهل سرعه سجينه موتته جا شكد اغبر بنادم
ام خـيــبر... بس السان يمه اقل لدغه تنهي
خـيــبر... يمه شوكت يموت البشر
أنت تقرأ
غـرور الـخـيـبـر
Randomهناك شخص في حياتي اهــلـــكني اتــعــبـــني هناك شخص لا يعرف الله لا يعرف الرحمه ذبــح قــــتــل هناك شخص كانه كُل همه الاموال ثريي جداً يمتلك اموال لاتوصف كثرتها لاكن لا يملك امان لُسرته لا يملك حنان لـ اطفاله
