هلووو....
# _ غـرور الـخـيـبـر
# _ بقلم زهــرة الــواقــــ؏
§§§§§§§§§§§§§§§§§§§§§§§§§§§§§§§§§
"يأتي كُلُّ شيء في توقيته الذي يراه اللَّه مُناسبًا له وتجهله محدُوديَّة بصِيرتنا ، فكلُّ شيء عنده بميعاد وعندما يأتي الوقت المُناسب ستجد كُلَّ شيء يحدُث بأدنى حدٍّ من المجهود ..
ماقُدِّر له الأنتهاء سينتهي
ماقُدِّر له البدء سيبدأ
وماقدِّر له النِّسيان سيطويه الزَّمن
كُلٌّ سيأخُذ مساره الصَّحيح
ما الضَّغط على النَّفسِ لتغيير واقع لم يحن وقت تغييره إلّا جُهدٌ مهدُور ومهلكةٌ للنَّفس .... فأطمئِن"
♕::::::::::::::::::::::::::::::::::::::::::: ♕
خـيــبر... شالهم علي الامين وداهم السيارة ابوي راحت امي وياهم بلشافعات يلا خذاها اني ما رحت مالي گلب ادفن اخوي بيدي اخواتي واخواني يبجون بدون صوت من جان ابوي كاعد لمن مشه كعدو بلكاع ويبجون
رحت لميتهم بحضني خايفين يرجفون كومتهم الغرفهم نيمتهم وطلعت اوصي بيهم لحد يطلب منه فلوس من تردون شي كلولي مااكدر انطيكم خاف يحس حته النسوانه كلتلهن من تردن شي كللي انه جاي اشتغل انطيجن
رحت الغرفتي يا ربي اخذ عمهره وخلص هل ارواح البريئه منه حرام يعيش والله ودفن ورود مالهم ذنب بشي امرار اصفن اكول معقوله كميت الضرب الهائله تموت جا ليش ما متت اني مو يخليني حنازه ليش ما جاي اموت
وبعدين اصفن واكول فعلاً كلمن ويومه ما مكتوبلي اموت هسا
نطرحت وجكارتي بيدي حته الوجع نسيته من منضر اخوي غمضت عيوني اجتي نمارق بالي غصب عني ابتسم من اتذكر ضحكتها مااعرف وين صفه بيها الدهر نكطعت اخبارها عني ما رحت المدرستهم بعد
عبرت الاول متوسط إعفاء اني وعلي الامين كلما اباوع الاديه واتذكر امي شكد سهرت عليه واني زلمه اليل كله الكها كاعده يمي عبالك بعدني طفل
طول هل سنه اني اجمع بنيت الكاع الشتريتها محلات واجرتهن صار عندي خير من الله
كمت اطلع اربع شفتات بل يوم الصبح ابيع ماي وكلينس وعلوج والضهر اطلع بديل بمحل جمله يروح راعيها اني اروح مكانه للعصر اروحن اشتغل عامل نضافه لليل اشتغل بمحل اسواق وكل هاذا ابوي ميدري بي محددله يوميه عشرين انطي والباقي كله الي اضمه
مريض صاحي اني اطلع اشتغل ما كعدت ابد ادرس ثاني متوسط بل عطله اضبط المواد علي الامين وياي ما عافني ابد ششتغل يشتغل وياي مره ابوي كاعد رحتله
يابه
جبر.. خير
خـيــبر ... اكلك خل نزرع الكاع الزايده بدال لا شجر وحشيش تارسها باوعلي بدام شغله بيها فلوس يحبها
كتله نزرعها مخضر ونجيب شجر فواكه قبل كلي شكد تريد بس اذا خسرنه اشنقك اخذت الفلوس جبت بيهن بزر وطببنه كلروبه كربت الكاع وطشيته كله والفلوس الزادن خذتهن تقاسمتهن اني وعلي الامين
أنت تقرأ
غـرور الـخـيـبـر
Randomهناك شخص في حياتي اهــلـــكني اتــعــبـــني هناك شخص لا يعرف الله لا يعرف الرحمه ذبــح قــــتــل هناك شخص كانه كُل همه الاموال ثريي جداً يمتلك اموال لاتوصف كثرتها لاكن لا يملك امان لُسرته لا يملك حنان لـ اطفاله
