اجرام الليالي

بارت 11

أيوجد وسيلة يلجأ اليها الانسان عندما يكون هاربًا مِن الاشياء الي تحدث اليه!
.
.
.
.
.
.
.

اعذروني على التاخير بس دراسه عندي ونشالله نرجع اقوه 🥺❤️ .

لا تنسون التصويت حبايبي 🤍.

اكثر بارت تعبت بي 🥲🤍 .

.......................................

رن الجهاز ساعه 3:30 فتحـت عيوني بتعـب لبسـت بنطرون وتيشيرت بسرعه شديت شعري ذيل حصان وحضرت جنطتي و اخذت جنسيتي واليوم ابويه عده سهره ومرت عمي ومرام نايمين .

نزلت من الدرج بخطوات خفيفه حتى محد يسمع ! فتحت باب شارع بصوت ناصي وطلعت بسرعه ضليت امشي امشي لحد موصلت البستان فتحت جهازي شفتها بل 4 صارت .

طبعا كسرت الخط مالتي وسديت حسابي على لانستا وغلقت جهازي .

ضليت امشي بل بستان وشفت كوخ بي فرشه ! طبيت اله شفت قواطي بي ستغربت بعدين شميت ريحه مقرفه عرفتها رحيت العرگ لن ابويه من يجي اشتم منه هيج ريحه .

ضليت كاعده بي لحد مطلعت الشمس  . طلعت من عنده ضليت افتر بل بستان وماعرف شنو مصيري ! دقيقه اني شلون كعدت بكوخ ماخفت احد يطب بي ! ضليت امشي بل بستان تهيتت اني وين رايحه !! الشمس طلعت واني بعدني خفت حيل لايطلعي شي والبستان عباره عن نخل وتراب واشواك واني وحدي بس !!!

مدري شكد ضليت امشي وشفت كدامي شارع عام ابتسمت بتعب ورحت وكفت بل شارع العام ضليت صافنه واني اشوف السيارات تمشي بسرعه ضليت امشي بل شارع العام لحد مقررت اروح الامام الكاضم .

حرت شلون اروح واني معندي حجاب ؟ ضليت امشي بل شارع وشفت محل يبيع حجابات كيفت ورحت شتريت لبسته وأجرت سياره وضليت صافنه على الشارع والخوف ماخذ تفكيري كله !

 وصلت لإمام الكاضم عليه السلام فتحت جهازي شفت الساعه صايره بل 9 فتحت حلكي بتعجب صالي شكد امشي انيي اوفف .

ضليت افتر بعدين طبيت للضريحح كاعده وصافنه وماعرف شنو راح يصير إليه ! صارت صلاه الضهر گمت صليت وضليت ابجي بل صلاه وادعي ربي يوفقني ويخلصني من الي اني بي .

خصلت وكعدت قريت ادعيه وقريت قرآن وحسيت براحه ضليت صافنه على جمال المكان يجـنن صارت الساعه بل 3 واني على كعدتي كمت طلعت من الضريح وضليت امشي وطبيت السوگ مال كاضم شفت محل يبيع لفات واني حيل جوعانه شتريت لفه وياها ببسي وكعدت أكل .

صارت بل 4 وطلعت من لإمام الكاضم عليه السلام وحايره وين اروحح ضليت امشي بل شارع صوت السيارات عالي هسه شداع يصير بيت اهلي؟. اوفف عليه اوفف .

شتريت بطل مي من واحد يبيع بل شارع وكعدت على الرصيف واني خايفه حيلل خايفه اهلي يلكوني خايفه يصير إليه شي خايفه انخطف خايفه يلوكني الشرطه دموعي بدن ينزلن گمت مسحت دموعي وضليت امشي .