ذيـبـــة ڪـلــبــــــــــــــــــي "313:الاصليه

بارت 49

نزلت جوه ولكيتهن دينضفن بالبيت هزيت راسي عدت مرات وصحت عليهن خليتهن يفزن..

زمزم--تعالن وراي

يباوعلي بستغراب واجن وراي رحت لغرفتي وجريت كرسي وطلعت كلنس من جبيبي ومسحته ونطيتهن كلنس مسحن كل وحده كرسيها وكعدن فتحت رجليه شويه وحطيت ايدي على الكرسي وارتجيت عليهه وباوعتلهن برود وكلت...

زمزم--بـفاتحة ايلاڤ منو دخلت للبيت

باوعت لحور العين وكلت...

زمزم--انتي مموجوده بهذاك الوقت

حور العين--يي جنت بس مخطوبه

هزيت راسي وباوعتلهن وكلت..

زمزم--انتو يلهه منو دخل للبيت بغيابي...

نورس--زمزم صدك تحجين منو دخل يعني

عدلت كعدتي واخذت نفس وزفرته ورفعت راسي اباوعلها وكلت...

زمزم--ممممم يعني ماشفتو ولد صغير كاض بايده لعابه شعرها اصفر ومكفش وعيونها زرك وملابسها كذالك زرك

كمزت حور العين وكالت...

حور العين--ييي يييييي اني شايفته

كعدت عدل وركزت بكلامها كالت...

حور العين--بعد ما صارت الفاتحة طلعت ادور على ليث لأن هوسه واريده يرجعنه والدنيا مغرب واني دادور جان اشوف ولد شعره اسود ولابس قميص ابيض وبنطرون اسود والبنطرون شوي عريض وامخلي القميص بالبنطرون والعابه بايده واكف ويباوع ليفوك على البيت ما اعرف ليش المهم بس جان شكل العابه مرعب عين مفتحه وعين مسدوده ولون عينها زركه وشعرها صاير كفشه الاصفر وملابسها زرك لابسه جاكيت ازرك وياا فستان ازرك وكاضها من ايدها

هزيت راسي عدت مرات واكل بشفتي وصافنه عليها وكلت...

زمزم--سهله..... سهله يصير خير

كمت وهنه كامن ومشن ورايه الدنيا مغرب باوعتلهن وكلت...

زمزم--ابقو هنانه راح اجيب البنات واجي تمام حتى نسوي سهره

كمزت نبراس وتباوعلي بطريقه تضحك...

نبراس--منج من الشيطان انتتييي تسهرين لا لا استغفر الله شديصير نورس اكرصيني

كرصتها نورس وهيه صرخت وكالت وهيه تغمها...

نبراس--غمه لعد هيج تكرصيني

مشيت وكلت...

زمزم--ذكرتيني بالـ جا يلهه باي

جان تصيح حور العين...

حور العين--يي بسبب حب طفولة الـ18

ضحكت ومشيت وصلت لبيتهم دكيت الباب وحطيت ايديه بجيوبي واني اتذكر شكله والابتسامه متفارق وجهي طلعلي ادم ابتسمت اله وهوه هم ابتسم وكال...