الشيخ جواد واساور

البارت الاخير

#الشيخ_جواد_واساور

البارت الاخير

اساور بهذا اليوم كان يوم كولش صعب اصعب يوم مريت بي
اشوف جواد جثه ومددة كدام عيني اجوي الدكاترة
يركضون بدو يضربو صاعقات كهربائيه وكالو عنده نبض ضعيف
نوب استقر نبضه شوي الحمد لله اني فرحت فرحتي كانت متنوصف أهله هم خطيه وامه هم كولش فرحت وكامو يطشون جوكليت بل مستشفى
ورا ٣ ساعات من القلق والانتضار استعاد وعيه اني لبست كمامه وبدله عمليات ودخلت اباوع على حاله وابجي دموعي بدت تنزل ابجي واسولف
اساور.. جواد اتمنه هسه اني ابكابوس واصحه منه
لمرينه بي كولش صعب جواد اصحى محتاجتك حيل
جواد ليش هيج صار بينه كل هذا
ليش هيج حبيتك وليش هلكد كرهتني ابد ماحزرتك ابد ساعه تكرهني مطيق شوفتي وساعه تحبني وتريدني ..
لزمت ايدى هوة قبض على ايدي اني ايدي رجفت خفت مثل اول مرة من نبضه نخفض بس هسه لا لزم ايدي وبتسم هوة مغمض كال لتتخيلين بيوم من الايام نفترق أو ينقص حبي الج
اني بجيت وحضنتهه هوة كال اخخخ بصوت تعبان كولش ...
وخرت منه وممصدكه جواد صحه ابد كاعده واسولف ويا على صديقاتي وعلى المتحانات و الدوام والمبيت بي
وصلت لحدما خابرني ابوي من جنت بل مطعم وتخربطت
جان يندك الباب دخلت الممرضه كالت امه تريد تشوفه تكدرين تطلعين
عفته وطلعت ..
وراحتله امه خطيه..
بعدها ب يومين طلعو اني رحت ويا مكدرت اعوفه وبهل حال
اني واجتي يمي سارة هم خطيه عاونتني هيه عليهه لبيت واني عليه جواد مر شهر جواد كولش تعبني
اساور.. جواد اكول الشوربه زينه الصحتك.
جواد . ما ماريد .
اساور .. جواد داكولك اكول
جواد .. ممم زين انتي وكليني
اساور .. يله ..
جواد .. لا لا بطلت ههههههه اني اوكلج اول ..
اساور . كعد يوكل بيه واني اوكف بي من جان يمشي ايريد شي اني يمه علطول واساعده
من يريد يمشي جنت اسندة ماخلي يتعب نفسه لوخطوة وحده يمشيهه هم اني ويا..
لحدما
جواد تحسن
واني رجعت للبيت وهوة جاب شيوخ ولعمام واتقدملي من جديد وجاب سيد عقدلنه

وكالي راح اعوضج عن كولشي سويته بيج وراح هم نسوي عرس كامل لان مسويتلج عرس قبل ..
استمرت لخطوبه سبوعين
وحددنه موعد العرس يوم الخميس والحنه الأربعاء
بتاريخ 2013 /22/1
ولتهينه ركض بركض اني وماما يوميه بل سوك مشاريع غراض شتريت نيشان ومكياج وسيتات و احذيه وملابس اكسسوارات وشسوارات وكومه غراض
حته نسيتهن ههههه
ونضفت البيت اني وماما لان اني الوحيدة تعبت وماما هم خطيه ما قصرت ويايه وسارة لازمه بيت اهلهه
وماحسيت الاونمت من لتعب
واليوم الحنه
كعدت ب ٩ الصبح
كعدتني امي
الام ..يله ولج تاخرنه عل صالون يله هسه تطردنه
اساور .. هههه شنو بكيفهه طردنه
الام .. ديله يله بدلي ولج..
اساور اوك مام
رحت لبست جبه وطلعت اجانه كيان اخذنه اني وماما للصالون دخلنه مكان كبير وراقي ومرتب
اني مخلتني لغرفه مال مكياج وامي ضلت برا ننتضر
وكعدتني صبغتلي شعري اشقر رمادي فاتح لان اني بشرتي علة شكار ف كولش يلوكلي هل لون ..
ورا نص ساعه
وكملت لصبغ راحت غسلتليا وشسورتلي وطلع فدشي
وبدت بل مكياج كالت مراح احطلج عدسات لان عيونج احلى من العدسات عيوني لونهم ازرك كولش فاتح
مكيجتني بل حنه بدلتي جويتيه كالت راح امكيجج شدوو بلون عيونج
كلتلهه تمام كملت مكياج شدو ازرك على نيلي الحمرة مارونيه..
كعدتني كدام مرايه جبيرة اباوع على شكلي معقوله هي اني اخبل طالعه يمه فديت نفسي ههههه وبدت بل تسريحه سوت شعري برم الفوك بف وبي فيكات خفيفه اني مردت تسريحه هوسه اوكبيرة لا ردتهه مرتبه وشي بسيط عافته على طوله طوله الضهري ولطوارف برمتهن صار شكد حلو ..
وكفت امشي وممصدكه من لفرح
اجه جواد دياخذني لابس قاط لونه نيلي وشعرة عالي وصابغه اسود الله اول مرة اشوف جواد بهل تغيير الحلو يخبل فديته
اجه يمي حضنته وبديت بل بجي ممصدكه جواد كوله صار الي حبيبي صار الي
جواد .. اهوو هم كامت تبجي ولج ليوم حنتج كافي
اساور .. مسحت دموعي وكلتله حبيبي هاي دموع الفرح يااحلى عريس ياشيخي
اخذني اني وهوة طلعنه النسوات كامن يصلن على محمد وامي تباوع عليه وتبجي..
واجتي حضنتني..
هم جواد كام يحجي يكول مكياجج حيخرب هههه
كمنه نضحك وصعدنه بل سيارة اني بل صدر وجواد هم وماما ورا
وصلنه لييتنه
النسوان وسارة وصديقاتي وكولهه ملتمه
وبدت الاغاني ولركص الكيك ولعصاير

ورا شوي كالو اجه العريس وبدت لهلاهل اني مستحيه كولش اجه كعد يمي
جواد .. بهمس . اخخ نعلعلا حاطين كيك يمي ميصير اخذلي عضه شنو هل جمال يحبيبتي..
اساور .. بخجل . ههههه لاحبي ميصير ليوم بس تشوف الكيك مالك حق تاخذ عضه.. هههه
جواد.. لاوالله اكدر هسه اشيلج واشرد. خل اشوف منو يكدر يحجي
اساور ... لا موبكيفك متكدر
شو هذا شالني ونزلني بلنص كامو يركصون بينه واني استحي ههه
ورا نص ساعه كالو يله لبسهه الذهب
ولبسني الذهب ديلبسني الحلقه كالي حبيبي ليش ترجفين
اني محجيت شي من لخجل ووكلني كيك عود داشربه عصير كلبته عليه هههه
وخلصت الحنه وراحو اني رحت بدلت وبليل خابرني جواد ضل يتغزل بيه ونوب كام يحجي هههه حجي + ١٨
اني مقبلت استمعله سديته ونمت
كعدت لصبح هم رحنه للصالون اخذنه حميد
ومكيجتني مكياج وردي ولتسريحه مرتبه وململمه.
وطلعت بعد احلى من الحنه ولبدله بيضه ومنفوشه وكوليتهه كرستال
كملتلي وطلعت جواد مااجه التهى بل تحضيرات إجه سالم وماما رحنه للبيت
وهم اغاني وركص اني اباوع على ماما مختنكه تريد تبجي بس متبينلي انو هيه ضايجه مبتسمه وتصفك
واجتي الزفه انخبصنه خبص
اجه جواد .. هههه كال يايابه ولج اليوم احلى من لبارحه وليوم الكيك اكلا كوله
اساور.. اني خفت من حجيه . ههههه
اخذني وزفه وطكينه صور وصلنه للبيت وكامو يصيحون زفو العرسان دخلنه للغرفه واني ارجف هوة بده ينزع قاطه واني ارجف عززززه
كلتله روح بدل بل حمام
هوة عقد حواجبه وراح بدل
واجه
تقرب عليه راد ينزعني البدله كلتله لا اني انزعهه بس دير وجهك
كال ليوم جنج راح تشلعين كلبي
اني سكتت بدلت لبست سيت طويل ابيض وهوة اجه تقرب يمي واني ادنه لحدما كمت من الجربايه
كالي اليوم وين حتروحين مني
وهوة يركض وراي واني اركض
ختلت بل حمام
جواد .. اووف بصوت فحطان هههه. ولج اسو نعلعلا شلعتي كلبي اطلعي ولج
اني ستحيت كلت اسو عيب ميصير هيج تتصرفين خطيه لازم اتجرء شويه
ورحته يمه بسته من خده هوة ضل مصدوم ممصدك
تقرب عليه اووووووو مضت ليلتنه احلى ليله
ورا ٣ اشهر طلعت حامل وحللت طلع بيه توم ولد وبنيه خطيه جواد فرحته كانت متنوصف
وكلاص المي ميخليني اجيبه هوة يجيبليا ابد ميخليني اتحرك دللني دلال
لحدما ولدت بعمليه قيصريه
سميتهم يزن وشجن
وكملت دراستي وهسه اني ممرضه بمستشفى بل بصرا
وجواد رجع لمنصب الشيخ
وفهد اجه اعتذر مني ومتغير تغيير جذري وسالم وحميد هم ازوجو خوات وعزلو بس اني بقيت وشجن ويزوني شالعين كلبي وكلب جدهم وبيبيتهم
ومضت ايامي واني وجواد حبنه يزيد مينقص الحمد لله
وهسه اني حامل ٤ اشهر بيه بنيه واذا طلعت سالمه بحيل الله اسميهه جنى
ومرت من المرات اجتي ام زهور وحجتلنه كولشي
ومن سوو سحر لجواد حته يكرهني ونفترق
وكالت ضميري ائنبني وبنتي جتني بحلامي
وكلت لازم احجيلكم كولشي
واني كلبي طيب سامحتهم
الهنا ونتهت قصتي مع السلامه
نهايه انتضروني بقصه جديده حبايب قلبي