روح الفارس

الفصل السابع عشر

بسم الله الرحمن الرحيم
اسفه علي التأخير 🙏
يالا بينا
⁦(⁠◍⁠•⁠ᴗ⁠•⁠◍⁠)⁠❤⁩⁦(⁠◍⁠•⁠ᴗ⁠•⁠◍⁠)⁠❤⁩⁦(⁠◍⁠•⁠ᴗ⁠•⁠◍⁠)⁠❤⁩⁦⁦(⁠◍⁠•⁠ᴗ⁠•⁠◍⁠)⁠❤
فارس /بتعملي ايه هنا
روح /انا كنت ....(صمت)
فارس /كنتي ايه
روح بتطلع من تحت السرير ومغمضه عينها/كنت وفجاءه اخدت هدوم فارس من علي السرير .....كنت بمسح السرير ليه كده وسخ اوي يعني انتو اغنيه بس مش بتنضفو بضمير
فارس /ايه حيلك هاتيي دي هدومي انا ...... وسرير ايه الا بتمسحيه يعني جايه اوضتي علشان تنضفي وده من امتاااا أن شاء الله
روح/بصراحه لا مش علشان كده أنا كنت جايه أفتش الأوضه
فارس برفع حاجب /تفتشي الاوضه.....ليه
روح بضحك/انت صدقت يا فروسه دا انا بهزر 😂
انا بس جيت اقولك أن اني مخنوقه وعايزه أخرج بس لما لقيت صوتك في الحمام استخبيت علشان
فارس /علشان ايه
روح بخجل /البس هدومك (ومدت ايديها بتشيرت)
فارس بضحك علي خجلها
انا مرتاح كده وراح قعد علي السرير
روح /طيب انا ماشيااا انا
فارس بسرعه شدها عليه ....
روح بخوف ودقات قلبها بتسرع /فارس ممكن تسبني لو سمحت
فارس /توتو مش حتمشي قبل ما عقبك
روح /علي ايه انا عملت حاجه
فارس /من جهة عملتي فعملتي بتكدبي علياااا
روح بتوتر/كدبت ايههه لا مكدبتش
فارس /بتكدبي تاني كده عقابك يضاعف....وبدأ يقرب من روح
روح بسرعه /لا ابعد وزقت فارس علي السرير وطلعت تجري بره
روح خرجت .....
فارس عدل نفسه /شكلك حدوخيني يا روحي وضحك
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
في اوضة روح ...
دخلت مريم بسرعه وقفلت الباب ورمت نفسها علي السرير وبتعيط بجنون وبتحاول تكتم صوتها بلمخده
مريم /يا رب ....يا رب انا تعبت تعبت اوي بجد مش قادره استحمل
ليه رجعت افتكر تاني انا مصدقت نسيت ليه ...انا بحاول انسااا ....حتي حتي الشخص الوحيد الا حسيت جوايا بشي ناحيته مش قادره ابقا جنبه ذكرياتي بتخوني وبترجع تاني بتخليني مسقش في حد .....يا رب بقا
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند فرح.....
دخلت اوضة ايمن
فرح بصدمه /ايه ده ايه الجمال ده والله يا واد يا ايمن مكنتش متوقعه ان ذوقك حلو كده ....بصراحه هو كله علي بعضه حلوو...فرح فوكي ركزي علي الا انتي جايه تعمليه
فرح بعد ما دورت
لا كده كتير انا تعبت مش لقيه حاجه خالص
انا حكلم روح
فرح /الو ايه يا بنتي مش بتردي بسرعه ليه
روح /رديت اهووو فيه ايه
فرح /يا ست الفلحوسه الواد ملقتش حاجه في الأوضه بتاعته
روح /تعرفي اني عرفت انهم حيسهروا بليل
فرح /ايه سهر فين ومع مين وليه
روح/يابت اترزعي بقا شويااا اهدي تعاليلي نشوف حنفكر في ايه نعمله مع البهوات
فرح /طيب انا حخرج من هنا بسرعه الا حد يجي
فرح خرجت بس البلوزه بتاعها شبكت في الباب
فرح /يوه ايه النحس ده وحولت تفكها وفعلا فكتها ومشت
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
في مصر .....
محمد نزل من الشركه ووراه مدير مكتبه
محمد/عايز كل حاجه زي ما هيا فاهم تخلصوا الورق المطلوب بسرعه
محمد ركب العربيه ومشت
محمد مسك التلفون /امجد بيه ازيك
امجد /الحمد لله يا استاذ محمد
محمد /انا كلمت حضرتك علشان أكد معاك المعاد بتاع بليل
امجد /فاكر يا استاذ محمد شكرا علي اهتمامك
محمد قفل وباصص في التلفون فجاءه بنت بتعدي الطريق
محمد داس فرامل بسرعه وقف علي اخر لحظه
محمد نزل بسرعه وجرت عليها
محمد/انت كويسه
البنت رفعت شعرها من عليه وشها ايوااا كويسه الحمد لله
محمد بصدمه /ايه ده ازاي انتي بتعملي ايه هنا وجيتي امتاااا
البنت بعدم فهم /اكيد حضرتك فاهم غلط وملخبط بيني وبين حد
محمد باستغراب/ممكن اسف ....تحبي اوصلك
البنت /لا شكرا يا استاذ ....انا حروح علي طول زمان ماما قلقان عليااا
محمد /طيب متاكده انك كويسه
البنت /الحمد لله علي كل شي مع السلامه
محمد بضحكة شر /مع السلامه دا انتي جتيلي من السما
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند زياد ....
زياد /عويس مشفتش فارس بيه
عويس /البشمهندس فارس لسه شايفه حالاكان نازل من اوضة طولي دلوجتي
زياد /طيب شكرا روح شوف شغلك
زياد /امممم من ناحيه انا عايز اعرف مريم مالها بس شكل الموضوع حيطول ....اشوف الموضوع ده بعد حفلة فارس وأيمن احسن ....اما اشوف البهوات دول فين في ام البلد الغريبه دي
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند روح وفرح .....
روح /شفتي بقا الاستاذ عامل بيحبني وقال ايه بيخاف عليا وعايز يخوني اكيد
فرح بضحك /يخونك ايه يا بنتي انتي مش بتقولي مش بتحبيه لسه
روح /ايو ...اممم بس لازم علي الاقل يحترم وجودي يعني انا اروح امشي مع واحد تاني وهو معايا حتي لو مش حقيقي
فرح /بصراحه في دي عندك حق ....والإنيل بقا النخله اكيد معاه هو كمان ....اه طبعا اكيد حيروحوا يشوفوا بنات بقا ويخربوها
روح /انتي كده بتولعني اكتر مش بتهديني
فرح قامت وقفت علي السرير زي الاطفال /بقولك ايه هما مش مفروض حيتجوزونا يبقا لازم يحترموا نفسهم شويااا وميعملوش شغل المراهقين ده ياما حنعلن الحرب عليهم
روح قامت وبتشمر قم القميص بتعاها /عندك حق يا فروحه سوف نعلن الحربببببببببب
مريم دخلت عليهم /فيه ايه حرب مين الا قامت هي مش إسرائيل عملت معاهده باين ولا ايه
روح /لا دي حرب غير اي حرب يا مريومه دي حتبقا حرب الكرامه
مريم باستغراب /كرامه ....بتفكير وبتخرك عينه هي مش الكرامه دي تقصدي الحرب الا في بالي صح الا هي ....
فرح /مريم استهدي بالله يا حببتي لا مش الحروب الكتير الا في بالك احنا شكلنا عايشين مع سايسيه في البيت واحنا مش عارفين تقصد أن البهوات بيخونونا واحنا لسه علي البر أما بقا لما الموضوع يبقا جد شويااا ايه الا حيحصل
مريم /يعني انت مضيقين علشان ايمن وفارس خرجين اكيد مع بنات
روح /يعني مش اوي يعني احنا طبعا ملناش دعوه بيهم
فرح /اه طبعا ملناش دعوه بس يعني
روح/يعني هما مفروض حيبقوا متجوزنا بعد كام ساعه يعني يحترموا علي الاقل
مريم بضحك من حركتهم هما الاتنين /امممم طب ناوين علي ايه
روح /راحت علي مريم وحضنتها يعني معانا يا كبير
مريم /والله شكل الموضوع لذيذ وانا مضايقه فا ايه المانع اني أفق شويااا اهو ابقا شارك هولمز
فرح /خلاص اروح بقا انا اجهز البس بتاعنا الا حنهجم بيه
مريم /فرح انتي مجنونه صح
روح /ليه
مريم /انت بتسالي انتي كمان ...والله يا رب انا زهقت من المجانين دول ...يا حببتي لبس ايه وهجوم ايه احنا عادي بلبسنا احنا يدوب حنمشي وراهم نشوفهم رايحين فين هو انتو  اصلا لسه مش متأكدين
فرح /خلاص يا فيلسوفه
روح /بقولكم مش يالا ناكل الا جعت اوي
مريم /بت انتي مش لسه واكله اكلي من شوياا
روح /انا هو ده كان اكل دي  تصبيره بس علي ما يجي معاد العشااا
فرح /تصدقي عندك حق وانا حموت وانام يالا بقا روحي انتي كولي وانا اناممم ونبقا نتجمع علي ١١.٣٠م
مريم/يا مصبر صبرني روحي يا فرح اتخمدي يالا وانتي روحي خلصي على اكل البيت كله وانا حروح  اشم هوااا الا خلاص الأكسجين صفر باييي
روح /هي مريم مالها
فرح /معرفش شكلها مضايقه
روح /بس من ايه
فرح /والنبي يا ختي معرف دا انا لو اعرف مين معصبها اكل مصريه
روح /والله عندك حق اكيد حد غبي
(يالهوي علي الغباء)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند ايمن .....
ايمن /ايه يا زياد
زياد /يا بني من الصبح عايزك مش لقيك كنت فين
ايمن /في الاستطبل مهره كانت تعبانه شوياا
زياد /استنا فارس معانا في المكالمه حدخله
ايمن/ماشي
زياد /فارس سمعنااا
فارس /ايواا معاكم اهوااا
زياد /كل واحد يتكلم بدور هااا...انا الاول وبعدين فارس وأيمن في الاخر
فارس /ماشي
زياد/بصوا بقا انا جهزت كل حاجه لبليل اجهزوا انتو علشان نمشي بدري
فارس /ليه انت عامل الحفله فين
ايمن /حفله ايه
زياد /ما انا جاي في الكلام اهوو بص بقا عاملين حفله وداع عزوبيه
ايمن /اوعاا فكرت مين السم دي
زياد /اكيد فكرتي طبعااا...الحفله في بيت محسن  بره سوهاج بظبط حتبقا فيه ايه رايكم
زياد /ايه يا عيال ماترودوااا
فارس/مستني دوري
ايمن /ما هو دورك يا غبي
فارس /بجد سورييي اه كويس الواد محسن كان لسه شاري البيت ده وبيقوله جامد حتبقا حلوه هناك
ايمن /كلها نص ساعه بعربيه ونبقا هناك
زياد /طيب اجهزوا بقا بدري ١١.٣٠م نتقابل عند العربيات
فارس وأيمن /دن
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
عند ايمن في الأوضه...
ايمن لسه بيفتح الباب لقا فيه حاجه محشوره بيا الأرض والباب ايمن زق الباب جامد لقا علي الارض سلسه
ايمن اخد السلسله /بتاعت مين دي
كانت عباره عن سلسه دهبي علي شكل قلب
ايمن /انا حفتحها بقا وخلاص ما هو صاحبها اكيد جه هنااا لازم اعرف مين علشان إدهاله
ايمن /فتح السلسله لقا صوره لفرح وصوره لامها
ايمن /امم يعني فرح جات  هنأ طيب وبعت رساله لحد
وبعدين مسك السلسله حطها قدام المرايا بتاعته ودخل ياخد دوش
يتبع #####شاوووو
بقلم /مياده محمد
عارفه اتاخرت اوييييييييي بس غصب عني امتحانات وكده بس بصراحه مش حعرف انزل غير لما اخلص امتحانتي ادعولي بالنجاح فضلا باييي صحابي🤗😇😂