روح الفارس

الفصل الثاني والخمسون

بسم الله الرحمن الرحيم يالا بينا نرجع لروايتنا
⁦(⁠◍⁠•⁠ᴗ⁠•⁠◍⁠)⁠❤⁩⁦(⁠◍⁠•⁠ᴗ⁠•⁠◍⁠)⁠❤⁩⁦(⁠◍⁠•⁠ᴗ⁠•⁠◍⁠)⁠❤⁩
مريم /ايه ده دم
وجرت علي زياد وهو نايم علي بطنه وفيه جرح في ضهره وبينزف
مريم /حبيبي مين الا عمل فيك كده
زياد بالم /مفيش حاجة اطلعي بره
مريم /زياد بس الجرح لازم يتعقم
زياد  بغضب ارعب مريم/مش عايز منك حاجة اطلعيي بره ....وهو باصص بعيون كنيران
مريم خافت ومشت برا الاوضه
مريم راحت جابت علبة الإسعافات الأولية واستنت شويا لحد ما ينام وبعدين دخلت وهيا بتتسحب
مريم /علي اخر الزمن بمشي زي الحرامية بسبب عنادك رخم والله مفروض اسيبك تتصفا بس حدبس فيك يالا بقا جوزي اعمل ايه
(هو دا وقته تشتكي فيه 😂)
مريم قربت عليه وطلعت قطن وحططت معقم وبدأت تعقم الجرح
مريم /وبتقولي مفيش حاجه امال ايه ده مش دم والقطنه مش بتكدب
مريم مشت ايديها علي الجرح بحزن وبعدين قربت وباسته /انا اسفه اكيد حصلك كده بسبب انك متعصب مني سامحني وفضلت تعيط وهيا حاطه راسها علي ضهر زياد
لحد ما غلبها النوم
زياد فتح عينه /دائما القيكي تعقميلي جروحي ومش بتلاقي الا يداوي جروحك انا اسف يا حببتي اني جرحتك لومتك علي حاجة ملكيش ذنب فيها دي غلطتي انا بس صدقيني حعوضك علي كل الا فات دا
عند حمزه وعشق
حمزه /الو عملت ايه
مجهول/الحادثه طلعت مدبره وحد قطع الفرامل عن قصد
حمزه /طب عرفت مين ده الا عايز يقتلني
المجهول /لسه موصلتش لحاجة بس انا شاكك في حد
حمزه /تقصد الجوكر
المجهول/ايوا اكيد مش حيسكت علي الا عملته فيه
حمزه /بس ازاي دا مفروض في السجن
المجهول /لا ماهو جالي اخبار من فوق أنه خرج بكفالة
حمزه بغضب/خرجج ازاي الا زي ده مفروض يتعدم اصلا بلد مفهاش ريحة العدالة كل الا يهمها الفلوس
المجهول /نصيبه بقا دا لو اتقبض عليه في مصر كان زمانه بقا اسمه هيفة مش جوكر
حمزه /اهم حاجة عرفني اول باول كل حاجة انا النهارده نجيت بصدفة
المجهول /طب والبنت الا قلتلي عليها
حمزه /لو كان حصلها حاجة مكنتش حرحم حد
المجهول /ايه ده هو حضرت العقيد حمزه حيرجع تاني ولا ايه
حمزه /عقيد دا كان زمان خلاص بقيت بشمهندس يا خويا يالا بقا روح لملازم هدي يا بتاع هدي وسلملي علي الفرقة كلها
كريم /بتاع هدي مقبوله بس يا حضرت العقيد ليك يوم
حمزه /اسرح يالا بقا وقفل
حمزه بضحك /قال عقيد قال عيل غبي والله ولف
حمزه لنفسه شكلها ليه جاية اكيد ما سمعتش
حمزه /عشق انتي واقفه كده ليه تعالي يالا زمان الاكل جاهز
عشق /تحت امرك يا حضرت العقيد جاي حالا
حمزه /هههه عقيد ايه بس طب يا ريت
عشق /حمزه انا مش طفلة حتضحك عليها انا سمعت كل حاجه قولي  انت ظابط
حمزه بحزن /طب تعالي معايا وانا حفهمك
عند محمود المنياوي
كمال /احمد ربنا يا صاحبي انو خلصك منها دي كانت شيطانه عائشه معاك علي هيئة انسان
محمود /هههه انسان انسان ايه الا زي دي ميتقلش عليها غير شيطان فعلا يعني مكفهاش الا عملته زمان في كوثر وبعدها عني لا كمان حاولت تقتل ولاد اخويا
احمد دخل /ومش كده بس يا ابويا
محمود /احمد انت كنت فين يا ابني بقالك كذا يوم مختفي
احمد /لا متشغلس بالك انا كويس بس مكنتش عايز اجي في البيت الا هيا فيه انا معرفش ازاي دي امي انا بجد بقيت انكسف اقول الا ليا ام زيها
فاطمه /يا ابني مهما حصل دي امك انت مجبور تصدق دا
احمد /هههه اصدق اصدق ايه صدقيني يا مدام مفيش ام علي وش الارض قلبها يكوعها تعمل في ابنها الا عملته فيا انتو متعرفوش حاجة ابدا
محمود /تقصد موضوع مريم
احمد بصدمة /انت عارف
محمود /ايوا يا ابني عارف سمير صاحبك قالي علي كل حاجة ساعتها ومن يومها وانا مش طايقها بس كنت مجبور اكمل معاها علشان اعرف آخرها واكتشفت أنها محوله  فلوس كتير اوي علي حساب ليها وطبعا أطريت استحمل لحد ما ارجع فلوسي دي
احمد /مش بقولك يا بابا ربنا خلصنا من شرها
خلف /الحمد لله يا جماعه اشكروا ربنا انو بعدها عنكم....يالا بقا يا حضرات علشان انتو معزومين عندنا في البلد
فاطمه /ايه لا بلد ايه ملهوش لزوم
محمود /كفاية تعبناك معانا يا خلف
خلف /عليا النعمة ما يحصل دي انوار الحاج صالح انتو عايزينه يزعل منيكو ولا ايه
كمال /خلاص بقا يا جماعة دا انا حتي حموت وادوق اكلهم بيبقا طعم اوي
فاطمة /انت مش بتفكر في كرشك ده
خلف /ههههه لا من الناحية دي متجلجش واصل احنا عندنا حندجك اكل عمريك في حياتك ما دوجتك
كمال /طالما أجده انا جاي معاك طوالي
الكل بضحك علي كمال وهو بيحاول يقلد لغتهم
محمود /وانت يا والدي حتيجي معانا
احمد /ها بس يا بابا انا ورايا مشاوير مهمه
محمود /لا أجلها بقا
احمد بتذكر
أمنية /خلاص براءة النهارده
احمد /طب نتقابل بكره الساعه ٤
احمد لنفسة /هو ايه الحظ الهلال ده اكيد لو مروحتش حتفكر اني بتهرب منها
في مكان علي البحر
عشق /قولي مين الا عايز يقتلك وليه وازاي انت ظابط
حمزه /عشق انا كنت ظابط بس استقلت
عشق /استقلت طب ليه
حمزه قعد وضام رجله وباصص لبحر وبعدين غمض عينه /لاني قتلتهم انا السبب في موتهم
عشق بصدمة /قتلت مين
فلاش باك
حمزه /ادي اشاره الو
كريم /معاك
حمزه /وصلوا لفين دلوقتي حول
كريم /خلاص هما دخل ا الفندق اهو وحسروه حول
حمزه /طب كويس استنا الاشاره حول
كريم /حاضر يا فندم
اللواء/حمزه زي ما اتفقنا حتدخل انت والملازم هدي الحفلة كأنكم مدعودين ودي الدعوات بتاعت الحفلة اهم حاجة سلامة الوزير الأمريكي علشان لو حصله حاجة مصر حتروح في داهيه
حمزه /حاضر يا فندم احنا جاهزين ولا ايه يا بطل
هدي /طبعا بس الفستان دا مضايقني اوي يا فندم
حمزه /لا استحملي يا روح امك اكيد مش حلبسك بنطلون يعني امشي قدامي حتفضحيني من اولها
هدي /طب متزقش كده
حمزه /بت لا خلي فيه انوثه صوتك يوطاا مش عايز صوت عشماوي بتاعنا ده خالص وكمان يريت ماشية رقيقه مش ماشية ارجل مني
هدي /انت الا اعترفت بنفسك يا باشا
حمزه /طب بطلي كلام بقا خلاص داخلين
في الحفلة
الحفلة كانت علي اكمل وجه وحراسة كبيرة وصحافه والكثير من الشخصيات المرموقة في البلد
حمزه /استني هنا انا رايح الحمام
حمزه دخل الحمام جاب سلاحه من ورا الحوض
صوت بره /ههههه عاملين حراسه مفكرين كده حينجا يعني هنا ما يعرفوش المفجاءة
حمزه طلع فجاءة طخ بمسدس ومسك واحد /مفجاءة ايه الا قلت عليها
الإرهابي /مش حقولك لو حموت فيها
حمزه /خلاص تبقا تموت بس ببطئ وضربه في رجله
الإرهابي /اهه
حمزه /ها شكلك لسه وضربه في رجله التانيه
حمزه /الجاية في راسك
الإرهابي/فيه قنبلة في الحفلة قدامها ١٠دقايق وتنفجر غير السطح والفندق الملغم برجالتنا
حمزه /يا ولاد الكل*ب طخ طخ وقتله وطلع يجري
حمزه /كريم كريم
كريم /ايت يا باشا
حمزه /اخلي الفندق حالا فيه قنبلة حتنفجر كمان١٠دقايق بسرعه
كريم /حاضر وبعت اشاره
وبعض الحراس طلعو السفير بأمان من مخرج سري والكل خرج معادا القوات
حمزه /انتي بتعملي ايه هنا امشي اطلعي يالا
هدي /بس
حمزه /دا أمر يالا
هدي جرت علي بره
حمزه /الفرقه جاهزه
محسن /حمزه بيه انا وجلال ومازن وسحر محصرين المكان فجاءة بدأ ضرب النار والاشتباك بدأ
كريم /اقفل ا الباب
حمزه لا استنوا متقفلوش الباب محسنننن جلال
حمزه /حضرت اللواء الفرقة رقم ١١٤لسه جوا وكلها دقيقتين والقنبلة تنفجر
اللواء /جات أوامر انك تفجر القنبلة الا زرعنها بجهاز الا معاك
حمزه بصدمة/ازاي يا فندم بس بقول لحضرتك الفرقه جواا
اللواء بصرامة/نفذ يا حضرت الظابط لو منفتش فيه كتير اوي ممكن يموتوا مش ٣/٤
حمزه /بس
محسن /حمزه
حمزه /محسن انتو سمعني
جلال /اسمع الكلام يالا نفذ كده كده الرصاص خلص مش عايزين نموت علي اديهم الخونه
حمزه بعياط /انتو مجانين ازاي اقتلكم بايدي لا مستحيل هما حيفتحوا الباب اصبروا بس
سحر /حمزه بيه متقلقش احنا لحد هنا ومهمتنا خلصت والحمد لله احنا حنبقا مبسوطين إننا عملنا الا علينا
اللواء /حضرت الظابط نفذ
حمزه /مش حقدررر بجد مش حقدر
محسن /جاين علينا فجرررر
حمزه غمض عينه بووووووووم
بووووووووووم بووووووووم بووووووووووم
حمزه نزل علي الارض /لااااااااااااااا
عوده من الفلاش باك
عشق بعياط /بس بس انت ملكش ذنب متحسش بذنب
حمزه /مكنتش اقدر اكمل تاني علشان كده استقلت ودخلت هندسه كنت كبير ساعتها بس علي الاقل قلت احقق حلم امي وغير أنها مكنتش تعرف بشغلي ده لأنها كانت مفكره اني مهندس واني عندي شركة في القاهره بقالي ٣سنين بس كنت بيبقا عندي مهمات
عشق /يعني انت نزلت القاهره بقالك ٣سنين
حمزه /ايوا بس ابن الكل*ب الرأس الكبيره هرب بس الا وصلي أن أخته اتقبض عليها علي الاقل حرتاح شوياا وامي حترتاح
عشق /تقصد ايه
حمزه /مرات ابويا هيا تبقا اخت الجوكر الإرهابي
عشق /يا نهار انا حاسة اني في مسلسل تركي ومبقتش فاهمه حاجة خالص
حمزه بضحك /طب اقفلي بوقك ده الدبان حيدخل
عشق /طب حتعمل ايه
حمزه /ولا حاجه انا مليش دعوه هما الا حيعملوا وكريم حيبقا يقولي علي اخر الاخبار
المهم نركز احنا في شغلنا علشان ام الشركة دي تنجح لاني الست كوثر جايه وطبعا حتعملي تحقيق فلازم انجح في شغلي ده علي الاقل
عشق /وانا معاك لحد ما تنجح
حمزه مسك ايديها /وانا عايزك معايا بقيت عمري
عشق /هاااا وفتحت بوقها
حمزه /يا بت اقفلي بوقك دا
عشق /انت قولت ايه
حمزه /شكلك عميله صعبة وحتتعبيني يا عشق هانم بقولك انا حاسس اني بحبك وانا طالما اتنيلت وحبيت يبقا اتجوز بقا واتلم في بيت ولا ايه
عشق /ايه
حمزه /مقولتليش رايك
عشق ما زالت في حالة صدمه /راي مين
حمزه /امي يا بت بقولك ايه قومي معايا يالا
عشق /علي فين
حمزه /علي مصر حطلبك من طنط فاطمه
عشق /ايه حيلك كدت استنا انا لسه موفقتش
حمزه /مش لازم انتي اصلا شاكلك دايبه فيا من زمان وبتحاولي تنقلي ومش عارفه فايالا بدل ما اغير راي
عشق /ايه لا تغير ايه دا انا ما صدقت نطقت
حمزه بضحك /الحمد لله ربنا عوضني بيكي ودخلك حياتي يا عشقي انت من النهارده بقيتي اميرتي بقيت ليا انا وبس
عشق /يعني ايه
حمزه قرب منها ومسكها من وسطها /يعني بقيتي عشق حمزه وبعدين باسهاااا بكل حب
ودابوا مع بعض ومع مشاعرهم
عند روح وفارس وفرح وأيمن
أيمن /ها يا حلوين احنا النهارده حنحققو ليكم اي حاجة انتو عايزنها
فارس /يعني من الاخر انتو الا حتحددوا كل حاجة الاماكن والأكل والشرب كل حاجة
فرح وروح في صوت واحد /طيب استعنت علي الشقا بالله يالا ملاهييي😂
فارس بص لايمن /ايه ملاهي
ايمن /هو احنا راكبين مع اطفال
فرح/ايه امال فين كلامك من شويا انسحب ولا ايه
فارس /لا طبعا واحنا قد الكلمه دا احنا بردك احفاد صالح ابو العز الا كلمتة واحده وانطلقوا يبقا ملاهي
فارس وأيمن واقفين منصدمين وخايفين
ايمن /يا خرابي ايه ده
فرح /ايه خايف ولا ايه يالا تعالي اركب معايا العبه دي
ايمن /ها لا شكرا اركبي انتي انا حجبلك غزل بنات
المسؤول عن اللعبة /اللعبة لشخصين لو مش حتركب اركبي يا آنسة وحد تاني يركب معاكي
فرح /طيب وركبت
شاب وسيم /هو المكان فاضي
فرح /ايوا اتفضل
ايمن جرا /لو سمحت دا مكاني
الشاب /بس لما جيت الآنسة قالتلي المكان فاضي
ايمن /أنسة في عينك ايه مش شايف الخاتم
الشاب /لا مشفتش لأنها مش لابسه خاتم
ايمن بص /ايه ده فين الخاتم
فرح /يا لهوي سبته علي الحوض
ايمن /احممم سأبته في البيت بس بردك حركب جنب مراتي
الشاب /مراتك
ايمن /ايو مراتي اماال بقالي ساعه محموق ليه وركب جمب فرح
ايمن قاعد ميت من الخوف
فرح بضحك عليه/بتغير يا ايموني
ايمن برعب اللعبة طلعت /متقوليش يا ايمونيي هنااااا
روح /فارس حبيبي انا عايزه ايس كريم
فارس /من عنيا دا انا اجبلك عربية الايس كريم كلها لحد عندك
روح /لا يا حبيبي كفاية واحدة بس
فارس /حاضر يا ستي وراح يجيب
مجهول /فارس بيه
فارس /ايوا
مجهول /حضرتك حتعرف بعدين ممكن تقبلني بكره في المكان دا ده بس ياريت محدش يعرف خالص ولا حتي روح مراتك
فارس /وانت تعرف مراتي منين انت
مجهول /انا عارف كل حاجة المهم تكلمني علشان الموضوع غاية في الاهميه ومشااا
فارس فاضل باصص عليه من ضهره
روح /فارس مالك اتاخرت كده ليه
فارس بخضه /هااا لا مفيش اتفضلي يا قلبي الايس كريم بتاعك وبعدين فضل يبص ويدور علي الراجل تاني بس فص ملح وداب
عدااا اليوم علي ابطالنا وطبعا فيه إلا كان غيران جدا وفيه الا حيران علي المجهول الا جاله ومش عارف عايز ايه وفيه الا كان مبسوطين وطايرن من الفرحه ببعض وفيه الا نام زعلان علي حالة حبيبه
تاني يوم
عند مريم وزياد
مريم فاقت لقت زياد قاعد جنبها وبيضحك ليها
مريم /ايههه اعوذ بالله فيه ايه حتقتلني ولا ايه
زياد /توتو مكنتش متوقع الرياكشن دا خالص  ....يعني انا قائم بدري وعامل جوااا رومانسي ومحضر فطار وانتي تقومي تتحضي كده
مريم /زياد انت كويس وحطت ايديها علي وشه انت سخن ولا ايه ....لا دا انت حتي بارد
زياد /طب دي معلومه ولا شتيمه يعني
مريم /غريبه الا يشوفك البارح وانت مش طايقني ويشوفك النهارده يقول إن واحد تاني الا قاعد معايا
زياد /مش لدرجة دي يعني انا بس كنت مضايق شويااا البارح بس خلاص هديت وبعضين يعني قلت مينفعش يا واد يا زياد نكون لسه متجوزين. ازعل القمر بتاعي داا
مريم /لسه فاكر حضرتك ما انت زعلت القمر بتاعك خلاص
زياد /لا يبقا الصالحه بقا وقرب منها وبأسعار من خدها
زياد /هااا اتصلحتي
مريم /تمم ماشي الحال
زياد /لا يبقا لسه زعلانه وبأسعار من خدها التاني وبعدين جبينها وبعدين
مريم /انت بتعمل ايه انت تعبان
زياد /ومين الا طلع الاشاعه دي انا زي الفل اهو
مريم /طب طب يالا نقوم ناكل لاني مكلتش من البارح بسببك
زياد /هو يعني الاكل حيطير سبيه دلوقتي بس
مريم بتوتر ولنفسها /لا دا شكله مصر طب ازفت  ايه مفيش افكار تانيه
زياد /هههه ولا حتلقي يا قلبي
مريم /ايههه وقاطعها زياد وباسهاااا لكي يذهبوا الي عالمهم الخاص العالم الذي لا يوجد فيه معني كلمة ازعاج كله حب وعشق بس
عند فارس
المجهول /..........
فارس /ايه
يتبع###شاووو
بقلم مياده محمد