فجأءة انفتح باب الحوش بسرعة وطب مهدي يركض ومبين عليه مرعوب اني من يمي من شفتو هيج كتلني الخوف طب يركض من المطبخ طفى الطباخ
وبكل صوتو كال دنيااااا بسرعة جيبي البنات وتعالو ركضضض واندار علي كال بسرعة بوية روحي البسي عباتج يلاااااا
نريد بس نفهم شبيه ماكو بس لان شفناه كلش خايف انجبرنا بسرعة نلبس عباياتنا اني ودنيا وهمزين جانن ملابس البنات نظيفات لان سبحتهن دنيا قبل ما يجي مهدي بشوية
طلعنا وياه وركض قفل البيت وركبنا السيارة وانطلق بسرعة جنونية
دنيا .. مهدي شبيك لخاطر الله خبلتنا ترا
مهدي .. ابنج العاطل قتل ولد وهجم بيتي وبيت الخلفني
دنيا .. عزا العزاني إن شاء الله وغازي وينو
مهدي .. وينو يعني كوة كدرت اهزمو على واحد من الشيوخ علمود ما ينقتل الله لا يوفقو
دنيا .. وهسا وين ماخذنا
مهدي .. وين يعني اروح اشوفلي شيخ ادخل يمو لج حتى اهلي تبرو مني بسبب غازي الحيوان
سالي .. خطية زلمة شكبرو صار يبجي من القهر واني احس كلبي انمرد من شفت دموعو نزلن وهو بهالعمر بسبب شاب طايش
وجانت كمية الرعب الي عايشينها مهدي ودنيا كفيلة بانو تشرحلي خطورة الوضع الي هم بيه واكيد اني وياهم بهذا الوضع
بقى يمشي بالسيارة وماعرف وين رايح بس اكيد ماراح يروح لاهلو لان يكول تبرو منو وكلت بكلبي عشتو صارو الحجي وابنو من صار شي على واحد من العشيرة ركضولهم بنص الليل مو مثل هذا عافو باول مشكلة
وصلنا لطريق خارجي وبنهايتو جان اكو بيت جبير ومتجمعة عندو كم سيارة وكف مهدي قريب من البيت ومن نزل صار غازي مقابيلو وراح عليه مهدي
اول ما وصلو ضربو راشدي الا وكعو بالكاع واجو شباب بعدوه عن غازي وهو يحجي عليه ويسب بيه وبس يريدهم يعوفوه علمود يبرد كلبو
اخير شي بعد عنهم وكعد بصفحة وفتح دكم القميص وصار يفرك بصدرو وحاط راسو على ايدو الثانية وغازي وكف بصفحة وخانس ما يحجي ولا كلمة
دنيا من شافت مهدي ضرب غازي صرخت وحطت ايدها على حلكها بس بسبب الشباب الموجودين ماكدرت تنزل
شفت اجو زلم كبار ولابسين زي عربي يعني دشداشة وعكال ووكف مهدي صار يحجي وياهم شوية اشر عالسيارة ومن كملو كلامهم دخلو داخل
واجى علينا شاب وبدون ما يباوع كال ادخلو للبيت انتو هسا بضيافة الشيخ غانم نزلت دنيا ونزلنا اني والبنات وصرت امشي وراها وماسكة البنات وامشيهن وياي
من دخلنا للحوش جان اكو بنات كاعدات بالحديقة صاح لوحدة اسمها غسق كال تعالي اخذيهن للحجية ذول ضيوف الشيخ غانم
أنت تقرأ
هل كنت فصلية
Romanceلماذا طفولتي سُلبت لماذا حرمتي انتُهكت لماذا والدتي عُذبت لماذا ثم لماذا ثم لماذا من انا ، لم انا ، الى متى كل هذه الاسئلة وغيرها تتساقط على انثى كسقوط ماء الشلال على قاع هش لا يستطيع التحمل ولا يملك اجابة كونوا معي ❤
