أحببتكِ في اللّٰه ( كرونيك جزائرية ) جزء 01

أحببتكِ في اللّٰه

حلقة 67:
أمل مينا ❣️
رحاب : اوكي صح نستناك قدام لاري تع بيس تطولش عليا باش روح ضك يوصل خبر دارنا مانحبش يتقلقو عليا
يعقوب : اوكي وهذك هو نهبط نعتيلي باباك نحكي معاه على خطبة طولنا فيها  بزاف عندي 3 أشهر وانا نحكي معاك لضك ماتحركتش
رحاب : نعرف زيد ممكن كون نكثرو هكذا يولو بيناتنا مشاكل بزاف تع نريحو نحكيو في تيليفون ميش حكاية ولا انو نتلاقو ساعتها تحكمنا سماطة من بعضنا
يعقوب : عندك حق وحقك عليا كوبي ضك نص ساعة نكون عندك اتهلاي حتى نوصل ماتتحركيش ولا نقولك ماتكوبيش خليني معاك حتى نوصل
رحيل: اوكي يعقوب حطت تيليفون في يديها ركبت سماعات وتخزر في لي رايح وجاي
يعقوب : نسوق رايحلها وحكمني ضجر نضت نرتل في قرآن حتى نوصلها
رحيل: نسمع في  صوتو بعد مدة طويلة  اخر مرة كانت يوم درس شريعة ورتل بصوتو من يومها وانا يعجبني يعقوب لقيت فيه بزاف صوالح خلاوني نشوفو راجل صحصح ...
متواضع .متربي .يقادر صغير قبل كبير ..جامي نسمعو تقابض مع واحد حاكم قدرو مايخلطش ويصلي يخاف ربي وش يبغي انسان من دنيا هاذي من غير شريك حياة زوج  صالح يتقي ربي يخاف عليا كيف يماه وخوتاتو الله يتمم علينا بخير ...