ملاڪ الجحـيم🖤✨

1

مهم اول مرة نكتب شي قصة ولا روايا و كنتمنا تفاعلو معايا ~...

وقفات سيارة سوداء حدا مبنى و تحطات رجل سيدة خرجات من سيارة فخمة لابسة كعب عالي اسود  مأنتقة مع فستانها الأسود الحريري تتخطي خطوات للمبنى الضخم لي باين ديال شخصيات مهمة تحل ليها الباب من طرف سيكوغيتي و دخلات و صوت كعبها مالي المكان دخلات فسانسور و هي مزينة وجها بابتسامة جانبية كتبين الحقد لي مالي قلبها تحل سانسور و اتاجهات نحو مكتب دقات و دخلاات خطات خطاويها لداخل و توجهات نحو الفوتوي و هي حاطة رجل علا رجل و قدامها سيد مكضر دو بنية ضخمة اسمر اللون ستقبلها بابتسامة و هو كيتصفح جسدها و فستانها لي كان ممخبي والو و مبين مفاتنها
الحوار بالإنجليزية
الرجل:مرحبا بيك عندنا ا انسة جاسمين و من دواعي سرورنا تزورنا زوينة بحالك
جاسمين: هه شكرا ارافاييل،  مهم جيت باش نطرح عليك بعض الأسئلة لابغيتي
رفاييل: اووه مرحبا سولي
يلاه بغات  تهضر حتا دخلات رصاصة من نوع خاص فراس ديال رفاييل و تنطر دمو فراس دالسيدة لي قدامو
ابتاسمات جاسمين ابتسامة جانبية حيت هدشي كانت عارفة ايوقع جبدات كلينيكس و مسحات دم لي تنطر عليها و هزات مرايا قادات مكياجها و قالت وهي كتشوف البلاصة لي ختارقاتها الرصاصة

جاسمين: متسرعيين خايفين علا حاجتكم، هانية فهدا كان غا لولل بنسبة ليا هه

ناضت و تمشات قاصدة الباب و قبل دارت شافت فالجثة اخر نضرة و بتاسمات و خرجات مشات لسيارتها ركبات و كسيرات متاجهة للمكان المفضل عندها
وقف فران سيك حدا واحد البناية باينة فيها مهجورة فمكان بعيد هلا المدينة خارجة و هي راسمة ابتسامة فوجها و جارا الباب الخشبي و دخلات
جاسمين: كنضن ان اللولاني سالينا منو واخا مجبدنا منو تاكلمة موفيدة و لكن هانية دابا اتقول ليا فين هوما ولا انزيد نكمل علا لي بديتو

كانت تتدوي مع شاب نحيف معلق فالجدار و كولو مشرط و عامر دمايات و بزز باش حال عينيه معلق من رجليه و يديه بسرسلة حادة لي تسببات ليه فجروح غارقة فيديه  و رجليه

الراجل بابتسامة بزز باش خرجها : واش باقي مبغيتي توبي ا ملاك شباقي بغيتي مني طلقيني و غنغبر راسي سااهلة
جات متاجهة ليه بسرعة و هي هازا الصاعق الكهربائي فيديها و حطاتو ليه فكرشو وشافت فيه بنظرات تتخلع
جاسمين: اخر مرة تجبد سميتي الحقيقية علا فمك ازامل ولا اندبحك بيدي
بقا كيغوت الشخص حتا فقد الوعي ديالو و لاحت جاسمين الصاعق و توجهات للباب حلاتو و خرجات فهدا افضل مكان عندها لأنها كتعدب فيهوم الناس لي كانو سبابها فهدشي فاش كاينة و تتمتع بعدابهم....

مشات ركبات سيارتها و توجهات لمنزلها و كيف وصلات دخلات محيدة الكعب العالي و دخلات تتمشا حفيانة حسات بشعور غريب و هزات المسدس لي كانت مخبية فساكها و بقات تتشوف فضلام لي مالي المكان حتا سمعات صوت
..:  هه ياكما اتقتليني
ياسمين مشات حلات ضو: تفو اتقتلني بالخلعة ازمر حساب ليا غا شي مجرم دخل عليا
نبراس: واتي مالكي اصحيبتي غا تتخلعي قلت نديرها ليك مفاجئة
ياسمين: شتك فحالا زعمتي عليا جمع فمك لانحكو ليك مع الحيط
نبراس و هو هاز يدو عند راسو بحال كيما كيديرو شرطيين للتحية:  هب هب حاضر يا ضابطة الشرطة
تمشات متوجهة لغرفتها و نبراس تابعها من لور: دابا بغيت غا نعرف واش سهرتي ولا مشيتي لشي بار بلا بيا لاش هد لباس كامل
ياسمين: ونت مالك بقا ليك غا تشوف اينا كيلوط لابسة سير سير بدل عليا بساعة خرا

•سطوووب باينة مفهمتو والو!
انشرح ليكم
مهم ياسمين ولي كتسما بجاسمين فعالم المافيا و ياسمين فعالم الشرطة و الإسم الحقيق ديالها لي متيعرفو حد من غير راسها و صديق .طفولة ديالها و هوا ملاك و متتبغي حد يعرف حيت تيدكرها بالماضي الخايب ديالها ،ياسمين  كتخدم كجاسوسة فالشرطة  و المافيا كيما لاحضتو اتلقاو انها مريضة نفسية شوية لأنها تستمتع بتعديب الناس اه عندكم الحق فهي تتعاني من ازدواجية الشخصية فيمكن تكون تتضحك و كلشي و هدي هي شخصيتها فالشرطة و يمكن تكون قاتلة متسلسلة فهدي هي شخصيتها فالمافيا و الحاجة المميزة انها كتعرف تحكم بشخصياتها فالشخصية البسايكو هي جاسمين و العادية هي ياسمين و لكن فللخر اتصدمو من احداث اتبدل القصة بأكملها ياربي تفهمو اتجيكوم غريبة ايكونو عندها تلاتة دالأسماء و لكن باش متعرفش بالقاتلة سمات راسها ياسمين اسم لي قريب شوية ل جاسمين •

ياربي تفاعلو لابغيتوني نكمل🙂🤲🏻