ملاڪ الجحـيم🖤✨

2

نهار جديد..

فاقت علا صوت المنبه لي دايرا فتيليفونها و كما الضاهر انها عايشة فمنزل متواضع...

مشات متوجهة عند ختها لي ناعسة فجهة لوخرا و بدات تتفيقها
اية: نسييم نسيييم فيقي را اتعطلي علا مدرستك.. فيقييي يلاااه
نسيم(بصوت طفولي): ابلاتي غا شوية نكمل الحلمة ديالي
اية: واتيي فيقي شمن حلمة را 7 ونص هادي را اتعطلي
نسيم: واخا هاني نايضة..

مشات متوجهة للطواليت غسلات وجها و سنانها و مشات گلسات علا الطبلة العادية دارت ايديها تاخد الخبز و شكلاط لي صاوبات ليها ختها
نسيم: فيناهو الحليب..
اية: سمحيلي احبيبة تقادا و مجبتوش.. و لكن را صوبت ليك عصير دليمون شربيه هو لي مفيد ليك
نسيم (بقلق): ولكن نتي عارفاني عزيز عليا الحليب فصباح...
اية (فراسها): اووف كوغا خلصني داك ولد قحبة نجيب لنسيم الحليب اووف تاالحليب ولا غالي مبقاوش عندي الفلوس نشريه...
اية: واخا احبيبا دابا شربي عصيرك و منلي ترجعي انجيب ليك الحليب و معاه لأيس كريم صافي..
نسيم و هي مبتاسمة: صافي اختي شكرا..
____•
ناضت عنقاتها و رجعات گلسات كملات ماكلتها و ناضت لبسات عليها و بقات تتنسا اية تلبس حيت هيا لي تتوصلها قبل تمشي لخدمتها فهي خدامة فقهوة تتسربي ناس..
نسييم: ايييية سربي را انتعطلو
اية: اطط غا نقاد شعري را هداك منلي تيشوفني مشعكة تينوض الحيحة.. صافي را قديتو يلاه نمشيو..
خرجو و سدات اية الباب و حطات سوارت فساكها و لكن مع تمشات طاحو ليها تم و منتابهاتش و مشات وصلات نسيم للمدرسة وتاجهات لخدمتها كيف دخلات تلاقات مع مديرها مخنزر واقف وسط لباب..
المدير: واااش نتي ديما جايا معطلة.. اخر مرة تجي هد الوقيتة ولا انطردك سمعيتيني القحبة بحالك بحال القحاب شوفي فيا را اتقولي شي كلمة طرد مباشرة
اية طلعو ليها جنون و بداو القرودة اشطحو فوق راسها و دوات و هي عارفة شتتدير: شوف ادااك الكلب المعمر بعمارة البطبوط انا لي غادي نستاقل من هد الجهل لي عندك و متحتاجش تطرني صافي غا تهنا انا صافي مبقيتش انخدم مع زوامل بحالك..
بتاسمات شوية و كملات
: و قبل اندير لمك شوهة يلااه..(تنفسات و هي تحط يديها علا ودنيها و طلقاتها)
... وييييك ويييك اعيباد الله شتو هدا متحرش كلب زامل تحرش بيا و بغا اتعدا عليا ويييك ويييك عيطو علا لبوليس اشدووه...

خرجو ناس من محلات و بقات تتشوف شي كيعيط للبوليس شي جاي اشدوه و دوك كاملين لي فالمطعم تيهضرو و علا شوهة لي تتدارت فقهوتو و بداو اخرجو ناس و هوما معصبيين...

سيد مفهم والو يلاه ايستوعب و هو ايدور عند اية لقاها طارت و تجمعو عليه ناس اسمعو منو شنو وقع..

مشات اية تتجري و مع دورا و هي دخل فواحد و طاحت علا طولها
اية: ااحح ضهري ناري شكون هد. ولد القحبة... يلاه بتدور وهي تحل فمها فكتلة الجمال لي تتشوف قدامها و لكن دغيا ستارجعات راسها و ناضت...
هداك بعدا متحركش من بلاصتو غا واقف تيشوف فيها
اية: واش تا مريض ابنادم واش هااد بنادمة كاملة و مبنتش ليك تفوو علا گنس... وناضت تتسوس فحوايجها
نبراس: صبحان الله را واقيلا نتي لي دخلتي فيا
اية: هايهايهاي شو بنادم حاس بكرو گاع مبغا تا اعتادر
شاف فيها و طول فيها شوفة و داز مخليها بلاكة
اية: ولد القحبة خلا ليا فوو
و مشات تتجري جراتو: وازبييي وارا دويت معاك زعما
نبراس: حتارمي راسك وشوفي معامن تتدوي
اية: علاه شكون نت بسلامة نت هو الكينگ دالمغريب ولا
نبراس جبد كارط دالبوليس و وراها ليها: معاك البوليس اتزيدي كلمة انشدك بتهمة متتحتارميش شرطي..
اية غا شافت لكارط و هي ضربها بصقلة

اية: ا ا نت بوليسي ههه سمحليا اخويا انا اصلا لي غالطة دخلت فيك بالغلط مشتكش سمحلي هه(و دارت فيه ضحكة بلهاء تتسنا اشدها)
شاف فيها و داز فاتها نبراس اصلا كان دايز من تم تاصوناو ليه قالو ليه امشي اشد واحد المتحرش لي هو نيت داك المدير لي دارت ليه اية ديك شوهة
غا فاتها و هي دوي:.. ناري المسخوطة اتبقاي مزلعة داك الفم عندك.. شي نهار تلوحي راسك فشي منتيف ميفكك غا الله.. عندك زهر غا داز و خلاك... مرا خرا دخلي بعيباد الله..
و مشات كملات طريقها و هي فرحانة حيت قبل اصلا كانت جايا تستاقل بما انها لقات خدمة خرا فواحد ريسطو ولكن اية و شمن اية مغتخرجش من شي بلاصة حتا تبصم فيها سميتها..
مشات فرحانة و بغات طير مع طيور حيت عندها لفلوس هههه البزطام طيراتو للبوليسي قبل تعرف بلي بوليسي و معرفات كيترجعها ليه و لكن غا تمات علا الله و دعات ميعرفش..
طرگات سوبر مارشي و بدات تشري و من زهرها تلاقات البزضام عاامر فلوس زرقة علا ختها...
دازت شرات عرام دبكيات دالحليب لختها و دازت لگلاص و الشكلاط و مشات تقضات تقضية..(الخضرة&الفواكه) و مشات راجعة لدارها
و مع رجعات حطات تقدية و حلات الساك تهز ساروت و ادا بها ملقاتوش...
اية: اويليي اويليييي فين هوا ساروت اويلي هنا نبات ويلي ويلي شهاد زهر..
خوات ساكها كامل و ملقات والو قالت ايكون طاح ليها منلي دخلات فهداك اوا و هي تنوض قالت ناري خصها تقلب عليه..
مشات دقات علا واحد صاحبتها و خلات عندها تقدية حتا ترجع ليها
و مشات لديك بلاصة و بقات تتقلب حيت بغات تلقاها قبل تجي ختها من مدرسة بقات تتقلب تتقلب حتا دخلات فشي جسم ضخم
اية: و هي تتحك راسها: احح اراس العجل واش صدر هدا ولا حديد غا طلعات عينيها و هي تشوفو تصمرات فبلاصتها
نبراس بعصبية: نتيي..
و هي طلق رجليها للريح و تبعها تاهو
اية: هالعار لمعطيني شبر دتيساع هالعاااار وااااع عتقونييي
نبراس: وياويلك لمك و نشدك ضبرتييي عليهااا...

•_______________________•

نمشيو لبلاصة خرا

11 ديال صباح و هي باقا ناعسة و مبرزطها صونيت دتيلي حساب ليها غا تتحلم و هي تهزو و شافت شكون و ناضت
ياسمين بصوت نعسان: الوو نعام
الشرطي:  اجي دابا را واقع واحد المشكيل كبير دغيااا دابا تكوني هنا
و قطع...

ناضت ياسمين و هي كتشتم فيه جميع انواع الشتائم دخلات للحمام دوشات بالخف و لبسات سروال كحل مزير مع طوب بيض و فوقو جاكيطة دالكوير قصيرة كحلة و بوط طالع شوية و هزات كونطاكت و خرجات بسيارتها لي بطبع ماشي هي نفس السيارة لي تتستخدم فالمافيا فهدي سيارة عادية كأي سيارة تيستاعملو البوليس...
قبل توجهات لستار باكس خدات قهوة و توجهات لمركز الشرطة....

توقعاتكم؟؟