What's happening in DARK MOON:THE BLOOD ALTAR?

(1)

"အ့...နာလိုက်တာ..."

Engeneတစ်​ယောက် ​သူမ​ဦး​​ခေါင်း၏ အထဲကို ဆစ်ခနဲ ဆူးသွားသည့် နာကျင်မှုဒဏ်ကို ခံစားလိုက်ရတာ​ကြောင့် အိပ်​နေရာမှ အသိစိတ်က နိုးလာ​လေသည်...ဒါ​ကြောင့် သူမက မျက်လုံးကို အားယူကာ မဖွင့်​သေးဘဲ နာကျင်မှုကို ခံစား​နေရသည့် ​ခေါင်းကို သူမလက်နှင့် မညှာမတာ ကြမ်းကြမ်းဖိထားပြီး ​ဖြည်းဖြည်းချင်း ထထိုင်ဖို့ လုပ်လိုက်သည်...ထိုအချိန်...

"ဟင်...နိုးလာပြီလား..."

ဘယ်ကမှန်းမသိတဲ့ မိန်းက​လေးငယ်တစ်​ယောက်ရဲ့ အသံကို သူမ၏အခန်းထဲမှာ ကြားလိုက်ရသည်...သူမ မျက်လုံးကို မဖွင့်​သေးဘဲ သူမအား သူမကိုးပြီး ဖြည်းဖြည်းချင်းထထိုင်လိုက်သည်...ထို့​နောက် သူမ၏အခန်းထဲကို ​ရောက်​နေသည့် မိန်းက​လေးကို ဘယ်သူလဲဆိုတာ ကြည့်ဖို့ရန်အတွက် သူမမျက်လုံး​တွေကို ဖြည်းဖြည်းချင်းဖွင့်လိုက်သည့်အခါ...

"အားးးးးးးးးးSo...Soo...Sooha!!!!!"

"ဟမ်...ဟမ်...ဘာ..ဘာ...ဘာဖြစ်လို့လဲဟင်...သက်သာရဲ့လား..."

Engeneတစ်​ယောက် သူမမျက်လုံးနဲ့ သူမကိုယ်တိုင်မြင်​​​နေရသည့် သူမအ​ရှေ့က လူကို သူမမယုံနိုင်​ပေ...သူမ အိပ်ရာက​နေ နိုးနိုးချင်း...အယ် မဟုတ်​သေးပါဘူး...

သူမ DARK MOON:THE BLOOD ALTARကို တစ်ဝက်တစ်ပျက်ဖတ်ပြီး စိတ်တိုတိုနဲ့ ဖတ်တာရပ်လိုက်ကာ စက်ဘီးစီးပြီး အနားနီးက စတိုးကို သွားတဲ့လမ်းမှာ အဆင်အကိုကြီး​ချော​ချောတစ်​ယောက်​တွေ့လို့ဆိုပြီး ​ရှေ့မကြည့် ​နောက်မကြည့်ငမ်းလိုက်ရာက​နေ လမ်း​ပေါ်က ၁၀လက်မ​လောက်ရှည်သည့် သစ်ကိုင်း​ခြောက်အတုတ်ကြီးကို သူမစက်ဘီးနဲ့ နင်းမိရာက​နေ စက်ဘီး​မှောက်ပြီး...သူမ​ခေါင်းက​ ​ကျောက်တုံးလို မာ​ကျော​ကျောအရာတစ်ခုခုကို တိုက်မိသွားပြီး သူမ​မေ့သွားသည်...

အခု သူမ​ မေ့​​မြောရာက​နေ ပြန်ထလာ​တော့ သူမ ကမ္ဘာ​ပေါ်မှာ အမုန်းဆုံးလူကို အရင်ဆုံး​တွေ့လိုက်ရသည်တဲ့လား...မယုံနိုင်ခြင်းများစွာဖြင့် သူမ​ရောက်​နေသည့် အခန်းပတ်ပတ်လည်ကို ​ဝေ့ဝက်ကြည့်မိ​တော့လည်း ဒီအခန်းဟာ THE BLOOD ALTARထဲက Sooha၏အခန်းပင်...