🍓#حلقة12🍓
جنة : كي كنا جايين جبت حوايج قيس يومين 3 تع دار قصدي مش تع لخرجة و دك معنديش واش نلبس و زيد انت قلت رانا مطولين
جواد: متحيرش روحك جنة دك نهدر مع سكرتيرا تتكلف اما نعطيها مقساتك
جنة : اوك
جواد : نستقهوا و نعيطلها اسراحي برك وبتسملها
جنةغمضتلو عينها بمعنى موافقة
جواد : اااا جنة
جنة : اااممم
جواد : نطلبك حاجة الا منتعبكش
جنة : اتفضل تعب واش
جواد : باغي مقرونة قراتان العشا اذا حببتي انتي طبعا
جنة : من عيوني
جواد : خليك ليا وتبسملها
هي عجبتها كلمة و ديك و قاتلو
جنة : امين يا ربي
راح لشمبرتو عيط السكرتيرة تاعو
طيييططيييييك
سكرتيرا: الو مسيو جواد 🤨 قالتها بستغراب
جواد : سلام مرام واش راكي لباس
سكرتيرا حارت منو ماموالفش يعيط لخدامين تاوعو و من هدرتو تغير موالف صارم في كلش
سكرتيرا: الحمد الله مسيو. كاش ما حتجت
جواد: الملفات لي راهم فدرج تالت من مكتب تاعي و اوراق لي راح يمدهم جليل ابعتيهملي غدوة مع احمد بسكو كيما عمبالك راني ديت راحة
سكرتيرا: اوك مسيو جواد ميكون غير خاطر
صمتو شوية و من بعد نطق جواد و هو حشمان
جواد: ااا واش بغيت نقلك اااا راح نطلب فحاجة اخرا الا منتعبكش
سكرتيرا: لالا مسيو اتفضل قولي خيرك سبق عندي
جواد: لمدام و انا رانا فل مزرعة و هي حتاجت شوية صوالح اوووو ولا خلاص خلاص صحيتي علا كل حال
سكرتيرا : مسيو جواد بليز اطلب عادي
جواد: مقدرناش نهبطو للمدينة و مدام غدوة احمد جاي لعندي قلت انا تشريلها شوية قش تع دار بسكو درنا حسابنا علا يومين و ضاهر انا مطولين انت تشري و باقي انا نتكلف بيه
سكرتيرا: هههههه هادا مكان مسيو جواد خليها عليا غدوة نرسلهم مع احمد
جواد: مرسي عليك ايا نخليك انا اتهلاي
سكرتيرا: اوك ميسو
جنة كانت فل كوزينة و جدت صوالح و طيبت لمقرونة فل ما كي جات حتصفيه رفدارو و حطت لقدر فوق بوطاجي وعلا الحافة ناضت تجيب زلافة ضرباتو بكفا ايدها جا علا ارض و تسكت لما و طرش علا رجليها عيطت عيط وحدة برك
جنة : اااااااي
جواد نتطر من بلاصو و نسخط لعندها يلقاها حاكما رجلها
جواد: واش بيك واش صرا
جنة : تبكي تحرقت راهي توجع
جواد جا حينحيلها سروال مي مقدرش هزها لشمبرتها حطها و جبدلها روب ميني قالها
جواد : بدلي حوايج جنة دك نجي
جنة هزتلو براسها تع موافقة و هي تبكي و موجوعة
جواد نزل للفريجيدار جيد لاقلاس و راح جاب بوماد و طلع لعندها يلقاها خارجا مدوش تعرج حملها بين يديه و حطها علا لفراش و هي غير تبكي (توجع صح انا تسكب عليا غير شوية لاتاي سامنة وانا نبكي ورافدا يدي 😂😂)
جاب لاقلاس وهو يشوف في عينيها و طلعلها لاغوب حتا لقريب تبان لمعلمة و هي حشمت جات تهبطها قالها
جواد: خلي جنة راح نحط عليه جليد يبرد عليك لحريق
