🍓#حلقة14🍓
صباح جديد يا فتاح يا رزاق
ناضو العرسان على دقاق تع لباب ناضت هي و شعرها لفوق فسما هههههه نوضت جواد يفتح لباب
جواد: امممم
جنة : نوض افتح بلاك سراقين
جواد: هههههه سراق يد لباب
جنة : امممم ايه عندك صح راح نروح نفتح. هو سمعها قالت هيك طرطق عينيه وقالها شمبرتك و سطري روحك
جنة تبسمت و قاتله اوك
ناض جواد فتح لباب لقاه صاحبو
احمد : واش شريك مزالك راقد؟؟؟
جواد : اممم والله مزال لاه ديت عطلة باش نبكر
احمد : امممم يهدر و يقلب بعينيه على لعروس
جواد: واش شريك عينيك راح يطيحو في الارض
احمد : عروستك وين؟؟
جواد : لاه تحوس عليها تحوس ندفنك فل جاردان
جنة نزلت تم و كل العينين عليها
احمد : 😍😍 مشاء الله واش هادا
جواد : شفتها تقتل قالها بلا ميعبا
احمد : هادي معجباتكش و محبيتهاش
جواد بدون بال : ياو راني نموت عليها نت... هليها
احمد ضحك عليك وقالو
احمد : طحت فشباك ااااخويا
جواد : ايه يا خويا طحت و ندمت على واش درت معاها و راني ناوي نصحح الغلطة باقرب فرصة تجبني
احمد : ايه ياخويا قتهالك من نهار لول
جواد و احمد قاعدين و تجي هاديك الملاك بجبة عريضة و خيمارها و حط سنيوا تع لقهوة
جنة : مصحاتكم جواد تحتاج اي حاجة عيطيلي
جواد : اوك
احمد : جنة اختي هاكي صواح زفطتهملك سكرتيرا
جنة : اااا اوك مرسي خويا
و دات صوالحها وراحت حطتهم فوق شمبرة و خرجت قشها لكل تغسلو
كمل جواد مع احمد و سقدو راح و هو طلع عند جنة يتشكرها علا واش دارت معاه راه لقا لباب مفتوح دز و دخل يلقاها مقردة و و سيقانها كامل يبانو ملور عينيه ولاو يدورو راح قربلها و لصق فيها هي حست بيه نضت و دارت لعندك يجي راسها في صدور حمارت وقلبها بقا يخبط و هو بغا يزيد واش بدا سلملها علا خدتها
جواد : مرسي واش درتي معايا قدام صاحبي حمرتيلي وجهي
جنة : لا شكر علا واجب
زاد حط يديه علا حزامها و قرب لشفافها وكي جا راح يسلم اوووب يسوني تلفونها قفزت و راحت تجري باش تهرب منو
جنة : الووو ما فاطمة واش راكي
فاطمة : اهلا نوري واش راكي انت راني مليحة
جنة : الحمد الله
فاطمة : واش عجبك لقش لي جابتولك سكرتيرة
جنة : !!!!! كيفاش عرفتي
فاطمة : سكرتيرة معرفتش قيسك و حشمت تعيط لجواد عيطتلي وانا هتميت بامر
جنة : ربي يخليك مي مزال مشفتوش طول لاتية بشغل دار
فاطمة: خلي دار وهتمي براجل
جنة : اوك ما ربي يخليك ليا
فاطمة : هيا منشدكش علا صوالحك روحي كملي
جنة : اوك جواد كان خرج من غرفة و مخليها تحكي براحتها
جنة كملت صوالحها وراحت دخلت دوش و مشافتش لقش و موجدتش قشها حتا دوست الاميرة و خرجت بلكابدوش و راحت جبت 2bis و راحت للساشي تجبد قش و صدمة
تجبد فل قش و مخلوعة
جنة : واش هادا يا ما فاطمة واش درتي فيا راحت تجري للخزانة تاعها حلتها ملقات فيها والو تفكرت بلي قشها كامل غسلاتو اصلا جابت غير 3 تبديلات حكمت تلفون عيطت لفاطمة
جنة : الو ما واش هاذا لقش لاه يما لاه
فاطمة : هههههعجبك سير البسي و نزلي انا باغيا حفيد يملي عليا دار بعياطو هيا روحي راح وقت لغدا
جنة : حرام عليك يما تعرفيني نحشم
فاطمة: ناس تحشم من راجل غريب هذا راهو راجل بنتي واذا مدرتيلوش هاك راح تديهلك وحدة متحمشمش
جنة : اوك ما ايا نبدل و من بعد نعيطلك كوبات تلفون و هي خايفة من ردة جواد لهاد لبسة
نشفت شعرها ودارتو كريلي لبست واش جابولها و نزلت خايفا تحط خطوا للامام و تولي خطوات للوراء مهم نزلت مسمعت والو يعني مهوش فدار تنهدت
جنة : اوووووو واخيرا مراهش نطيب فطور و ندخل لشمبرتي
دخلت للكوزينة تلقا ورقة 📄 مكتوب فيها راح نشري لغدا و نجي وجها هربلو لون
